Qazaqstanda qanttyń qansha qory bar – AShM jaýap berdi
2022 jylǵy 14 naýryz 15:08

Qazaqstanda qanttyń qansha qory bar – AShM jaýap berdi

NUR-SULTAN. QazAqparat – Qazaqstanda shamamen 90 myń tonna qant qory bar jáne respýblıka qantpen tolyq qamtamasyz etilgen. Bul týraly QR Aýyl sharýashylyǵy vıtse-mınıstri Jeńis Óserbaı aıtyp berdi, dep habarlaıdy QazAqparat tilshisi.

«Búgingi tańda respýblıka boıynsha qant qory - shamamen 90 myń tonna. Saýda núktelerinde, turaqtandyrý qorlarynda, «Azyq-túlik kelisim shart korporatsııasy» AQ saqtaý obektilerinde jáne memlekettik materıaldyq rezervte shamamen 42 myń tonna, qant zaýyttarynda – shamamen 47 myń tonna bar», - dedi spıker ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, zaýyttar respýblıkanyń aı saıynǵy tutynýyn (shamamen 44 myń tonna) eskere otyryp, shamamen 50 myń tonna óndire alady, ıaǵnı zaýyttar respýblıkanyń qantqa degen qajettiligin tolyq qamtamasyz etedi.

«Azyq-túlik korporatsııasy» AQ qazirgi ýaqytta ótinimder boıynsha qant qabyldaýdy jáne óńirlerge satýdy júrgizedi. Qazaqstan kondıterleri qaýymdastyǵynyń derekteri boıynsha, kondıterlik fabrıkalar da taıaý ýaqytta qanttyń qajetti kólemimen qamtamasyz etilgen.

«EEK Keńesiniń sheshimimen Qazaqstan Respýblıkasyna aq qant pen quraq shıki qantyn 250 myń tonna kóleminde bajsyz ákelý quqyǵy berildi. Qantty ákelýge arnalǵan kvotalardyń qorlary men kólemin eskersek, respýblıka qantpen tolyq qamtamasyz etilgen», - dedi Jeńis Óserbaı.

Buǵan deıin Jeńis Óserbaı eldegi áleýmettik mańyzy bar azyq-túlik qory týraly aıtyp bergen edi.

Ákimdikterdiń jedel derekterine sáıkes, 12 naýryzdaǵy jaǵdaı boıynsha respýblıkada barlyǵy 1,3 mln tonna áleýmettik mańyzy bar azyq-túlik bar, onyń ishinde un – 144 myń tonna, qant – 90 myń tonna, kúrish – 39,3 myń tonna, makaron – 21 myń tonna jáne shamamen 900 myń tonna kókónis ónimderi jáne basqalary bar.


Uqsas jańalyqtar

Jańalyqtar

Úrdis

MURAǴAT