+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Qazaqstanda qansha elektromobıl júıtkip júr

2019 jylǵy 10 shilde 13:30
Bólisińiz:
Qazaqstanda qansha elektromobıl júıtkip júr

NUR-SULTAN. QazAqparat - Qazaqstanda 200-ge jýyq elektromobıl bar. Bul týraly búgin Úkimet úıindegi baspasóz máslıhatynda QR Indýstrııa jáne ınfraqurylymdyq damý vıtse-mınıstri Amanııaz Erjanov aıtty, dep habarlaıdy QazAqparat tilshisi.

«Qazir barlyq sheteldik óndirýshiler elektromobıl shyǵarýǵa kóship jatyr. Bul álemdik trend. Olardyń paıymynsha, 2020-2022 jyldary avtomobıl satylymy 89 paıyzǵa jetpek. Biz munan qalyp qoımaýymyz kerek. Elektromobıl qurastyrýmen aınalysatyn birneshe qazaqstandyq kompanııany ataǵan edim. Ázirshe, qazaqstandyq óndirýshiler shyǵaratyn elektromobılderdiń quny Tesla kólikterinen 1,5 ese qymbat bolyp tur», - dedi vıtse-mınıstr.

Osy oraıda ol elektromobıl baǵasyna toqtaldy.

«Búginde álemde Tesla birinshi orynda tur jáne ol avtomobıldiń úshinshi býynyn shyǵarýda. Olar Qazaqstanda da bar. Bizdiń avtomobıl óndirýshilerimiz atalǵan kólikti zerdelep jatyr. Onyń baǵasy shamamen 28 myń dollar turady. Óndirýshilerimiz elektromobılderge qoldanylatyn batareıalar qazaqstandyq bolýy úshin jumys istep jatyr. Ǵylymı ınstıtýttarymyz atalǵan batareıany Qazaqstanda qalaı jasaýǵa bolatyndyǵy týraly tapsyrma aldy. Sebebi oǵan qajetti shıkizat bizde mol kólemde bar», - dedi ol.

Sonymen qatar ol otandyq óndirýshiler shyǵarǵan elektromobılderdiń qunynyń tómendeýi ýaqyt enshisinde ekendigin aıtty.

«Birneshe avtokólik quraly qurastyrylyp, satylymǵa shyǵaryldy. Eger oǵan suranys bolsa, onda avtomobıl óndirýshilerimiz elektromobılder shyǵarýǵa daıyn. Qazirgi ýaqytta elektromobılderge ınfraqurylym jasaý jumystary Nur-Sultan, Almaty qalalarynda jáne Nur-Sultan-ýche tas jolynda qarqyndy júrgizilip jatyr. Búginde Qazaqstanda shamamen 200 kólik júıtkip júr. Onyń altaýy nemese jeteýi «Saryarqa avtoónerkásip» pen «Azııa avtoda» qurastyrylǵan», - dedi Amanııaz Erjanov.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT