+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Qazaqstanda qaldyqty energetıkalyq kádege jaratý jobasyna qatysty aýktsıondyq saýda-sattyq ótkiziledi

2020 jylǵy 27 qańtar 18:21
Bólisińiz:
Qazaqstanda qaldyqty energetıkalyq kádege jaratý jobasyna qatysty aýktsıondyq saýda-sattyq ótkiziledi

NUR-SULTAN. QazAqparat - Bıyl kúzde qaldyqtardy energetıkalyq kádege jaratý jobalaryn salý boıynsha aýktsıondyq saýda-sattyq ótkiziledi. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev vedomstvonyń keńeıtilgen alqa otyrysynda aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha jańa ekologııalyq kodekstiń jobasy ázirlenip, Parlament Májilisine engizildi. Mınıstrlikpen osy kodeksti ázirleý boıynsha aýqymdy ári qarqyndy jumys júrgizildi. Jurtshylyqpen jáne bıznes qaýymdastyqpen onyń talqylaý boıynsha kóptegen kezdesý ótkizildi. Aıta ketý kerek, kodekske 2 myńǵa jýyq túzetý kelip tústi. Joba 40-50 paıyzǵa ózgertildi. Ahmetjan Ábdijámiluly Parlament Májilisinde jańa ekologııalyq kodeks jobasyn tolyq jáne sapaly súıemeldeýdi tapsyramyn», - dedi mınıstr orynbasary Pirimqulovqa qarata.

Sonymen qatar ol qaldyqtarmen jumys isteý salasynda ónerkásip qaldyqtaryn jáne qatty turmystyq qaldyqtardy óńdeý boıynsha kórsetkish birtindep ósip kele jatqanyn aıtty.

«Alaıda, jasyl ekonomıkaǵa kóshý jónindegi tujyrymdamanyń ındıkatorlaryna sáıkes, óńdeý tereńdigin 40 paıyzǵa deıin ulǵaıtý boıynsha sharalar qabyldaý qajet. Bul úshin «Waste to Energy» tetigin engizý máselesi pysyqtalýda. Mınıstrlikke kúzde qaldyqtardy energetıkalyq kádege jaratý jobalaryn salý boıynsha aýktsıondyq saýda-sattyq ótkizý tapsyryldy. Osyǵan oraı Qaldyqtardy basqarýdaǵy memlekettik saıasat departamenti Osharbaev 1 aı merzimde ákimdiktermen birlesip, tıisti óńirlerdi belgilesin«, - dedi ol.

Maǵzum Myrzaǵalıev oblys ákimderiniń orynbasarlarna osy máselege nazar aýdarýdy surady.

«Jer ýchaskesi bar. Tıisti ınfraqurylym jáne qaldyqtardyń qajetti kepildi kólemi bar óńirlerge ǵana ınvestorlar keledi», - dep eskertti mınıstr.

Onyń aıtýynsha, klımattyq saıasat boıynsha Klımattyq saıasat jáne jasyl tehnologııa departamenti tómen kómirtekti damytý strategııasyn ázirleý jónindegi jumysty jalǵastyryp, osy jyldyń sońyna deıin draft-jobasyn usynýy qajet.

«Ózderińizge málim, 2019 jyly mınıstrlik halyqty ekologııalyq tárbıeleý boıynsha ártúrli jumystardy júzege asyrdy. Bul jumysty Volonterler jyly aıasynda jalǵastyrý qajet. Bizge qorshaǵan ortany qorǵaý, ózender men ormandardy tazalaý, aǵash otyrǵyzý, qoqystardy suryptaýǵa úıretý jónindegi «Taza Qazaqstan», «Taza álem» jalpyulttyq jospardy ótkizý bekitildi. Osyǵan baılanysty Ahmetjan Ábdijámiluly mınıstrliktiń ishki josparyn ázirleý jáne bekitý qajet. Merzimi - 10 kún. Sondaı-aq Bilim jáne ǵylym mınıstrligimen birlesip, ekologııalyq bilim berý máseleleri boıynsha jumysty jalǵastyrýdy ekologııalyq saǵattar ótkizýdi tapsyramyn», - dedi mınıstr orynbasary Pirimqulovqa qarata.

Munan bólek ol osy jyldyń kúzinde Kókshetaý qalasynda transshekaralyq yntymaqtastyq forýmy ótetindigin aıtty.

«Taqyryby - qorshaǵan ortany qorǵaý. Bul óte mańyzdy jáne jaýapty shara. Osyǵan oraı Halyqaralyq yntymaqtastyq departamenti salalyq departamenttermen jáne komıtettermen birlesip forýmǵa daıyndyq barysy týraly buraqty baıandaýdy tapsyramyn», - Maǵzum Myrzaǵalıev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT