+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstanda ımportty almastyrý jónindegi keńes qurylady

2020 jylǵy 17 qańtar 11:36
Bólisińiz:
Qazaqstanda ımportty almastyrý jónindegi keńes qurylady

NUR-SULTAN. QazAqparat – Elimizde «Atameken» Ulttyq kásipkerler palatasy janynan ımportty almastyrý jónindegi keńes qurylady, dep habarlaıdy QazAqparat tilshisi.

«Búginde ekonomıkamyz ben otandyq kásiporyndardyń deńgeıin qalaı kóteremiz degen suraq tóńireginde birshama pikirtalas bolyp jatyr. Qoǵamda bılikti oılandyryp otyrǵan ózekti máseleler bar. Keıingi jyldary elde jalpy bıýdjettik saladaǵy muǵalimder, dárigerlerdiń aılyǵyn kóterý máselesi qaralýda. Bul – halyqtyń ál-aýqatyn jaqsartý baǵytyndaǵy ıgi bastamalar. Biraq, ol sanattaǵy adamdar – bıýdjet salasynda jumys isteıtin azamattardyń 20 paıyzyn ǵana quraıdy. Al qalǵan azamattar shaǵyn nemese úlken kásiporynda eńbek etedi. Sondyqtan, bizdiń maqsatymyz – óndiristi kóterý arqyly sonda isteıtin azamattardyń ál-aýqatyn jaqsartý», - dedi «Atameken» Ulttyq kásipkerler palatasynyń basqarma tóraǵasy Abylaı Myrzahmetov OKQ-da ótken baspasóz máslıhatynda.

Onyń aıtýynsha, qazirgi ýaqytta AQSh óndiristiń bárin ózi júrgizýge barlyq jaǵdaı jasap jatyr. Saýdanyń tizginin ustaǵan alyp memleketter protektsııalyq saıasat júrgizip, otandyq óndirisin qoldap, qorǵaýǵa baryn salýda.

«Biz de otandyq kásiporyn men otandyq óndiriske degen kózqarasymyzdy túbegeıli ózgertýimiz kerek. Birinshiden, negizgi tabysymyzdy shıkizat salasynan taýyp otyrmyz. Al durysy shıkizat emes, óńdeý salasyn damytý kerek. Bizdiń shıkizattyq emes óńdeý salasynyń jalpy ishki ónimdegi úlesi 11,5 paıyzdan aspaıdy. Shıkizat emes saladaǵy mekemeler qazir óziniń múmkinshiligin 45-50 paıyzdyq deńgeıde ǵana paıdalanýda. ıAǵnı, suranystyń azdyǵynan bizdiń mekemeler aıaqqa nyq tura almaı, modernızatsııa júrgizý, tehnologııalyq jáne jumysshylardyń áleýmettik máselesin sheshý jumysyn oryndaı almaı otyr», - dedi ol.

Osy sebepti keıingi eki jarym jylda «Atameken» UKP Úkimetpen osy máseleni tereń taldap, byltyr jeltoqsanda ımportty almastyrý boıynsha vedomtsvoaralyq komıssııa qurylǵan.

«Kásipkerlerimiz bas biriktirip, ekonomıkamyzdy kóterýge atsalysaıyq dep otyr. Olar «Atamekenniń» basshylyǵyna ımportty almastyrý jáne otandyq kásiporyndardy qoldaý jónindegi keńesti qurý týraly úndeý tastady. Sondyqtan, osy úndeýge rızashylyǵymdy bildirip, qoldaımyn. Aqyldasa kele osyndaı keńesti qurý jóninde sheshim qabyldadyq», - dedi ol.

Jańadan qurylatyn keńesti «Alageum Electric»kompanııalar toby baqylaý keńesiniń tóraǵasy Saıdýlla Qojabaev basqarady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT