Qazaqstanda halyqty revaktsınalaý bastaldy
2021 jylǵy 22 qarasha 07:20

Qazaqstanda halyqty revaktsınalaý bastaldy

NUR-SULTAN. QazAqparat - Búginnen bastap Qazaqstanda halyqty revaktsınalaý bastaldy, dep habarlaıdy QazAqparat.

Naýqan eki kezeńnen turady. Osyǵan deıin vaktsınanyń eki dozasyn da saldyrǵandar jańa jylǵa deıin úshinshisin qabyldaıdy. Bul medıtsına qyzmetkerleri, muǵalimder, medıtsınalyq-áleýmettik mekemeler men jabyq balalar mekemeleriniń mamandary, sondaı-aq kúsh qurylymdarynyń qyzmetkerleri.

Osyǵan oraı QR Bas sanıtar dárigeriniń mindetin atqarýshy Aıjan Esmaǵambetovanyń COVID-19 koronavırýs ınfektsııasyna qarsy revaktsınatsııa júrgizý týraly qaýlysy jarııalandy.

Qujatta KVI-ge qarsy revaktsınatsııaǵa jatatyn halyqtyń táýekel toptary kórsetilgen. Olar:

1) medıtsına qyzmetkerleri;

2) pedagogter;

3) kúsh qurylymdarynyń qyzmetkerleri;

4) medıtsınalyq-áleýmettik mekemelerdiń personaly men kontıngenti;

5) 60 jastan asqan adamdar;

6) Buǵan deıin KVI-ge qarsy vaktsına alsa da, ımmýnıteti álsiregen adamdar (ımmýnosýpressıvti terapııadaǵy adamdar (leıkemııany, lımfomany jáne mıelomany qosa alǵanda, qatty isikti nemese gematologııalyq qaterli isikti belsendi ımmýnosýpressıvti emdeý nemese osyndaı emdeý toqtatylǵannan keıin 12 aı ishinde), gemodıalızdegi adamdar, transplantat retsıpıentteri, AITV juqtyrǵan aýyr bastapqy ımmýn tapshylyǵy);

7) óz betinshe tekserilý nátıjesinde aǵzasynda KVI-ge qarsy antıdene joq ekeni anyqtalǵan adamdar.


Jańalyqtar

MURAǴAT