+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qazaqstanda ǵımarattardy lańkesterden qorǵaýdyń tetikteri jetildirildi

2019 jylǵy 11 jeltoqsan 11:28
Bólisińiz:
Qazaqstanda ǵımarattardy lańkesterden qorǵaýdyń tetikteri jetildirildi

NUR-SULTAN. QazAqparat – Terrorıstik turǵydan osal nysandardyń lańkestikke qarsy qorǵalýynyń tıimdiligin arttyrýǵa baǵyttalǵan túzetýler blogy ázirlendi. Bul týraly Parlament Májilisinde tıisti zań jobasyn talqylaý barysynda QR Premer-Mınıstriniń birinshi orynbasary - Qarjy mınıstri Álıhan Smaıylov málim etti, dep habarlaıdy QazAqparat tilshisi.

Uqsas jańalyqtar
Qylmystyq jolmen alynǵan kirister men terrorızmdi qarjylandyrýǵa qarsy zań ázirlenedi

Birikken Ulttar Uıymynyń Qaýipsizdik Keńesiniń qararlaryn iske asyrý tetigin qurýǵa erekshe mán berilip otyr. Ulttyq zańnamaǵa terrorızmdi qarjylandyrýǵa jáne jappaı qyryp-joıý qarýyn taratýdy qarjylandyrýǵa jatatyn nysanaly qarjy sanktsııalarynyń mehanızmderi engizilýde.

Budan bólek, terrorıstik turǵydan osal nysandardyń terrorızmge qarsy qorǵalýyn jetildirýge ekpin qoıylyp otyr.

«Zań jobasy aıasynda salalyq tásil arqyly terrorıstik turǵydan osal nysandardyń terrorızmge qarsy qorǵalýynyń tıimdiligin arttyrýǵa baǵyttalǵan túzetýler blogy ázirlendi.

Bul tásil atalǵan obektiler úshin yqtımal terrorıstik qaýip-qaterlerge jáne olardyń ereksheligine baılanystyra otyryp, terrorıstik turǵydan osal obektilerdiń qaýipsizdik júıesin qurýǵa kózdelgen», - dep naqtylady Á. Smaıylov.

Osy oraıda, túzetýlerde terrorıstik turǵydan osal nysandardy qorǵaýdy uıymdastyrý salasyndaǵy Úkimet pen ortalyq memlekettik organdardyń quzyretin naqtylaý, ıeleri men basshylary iske asyratyn olardy qorǵaý jónindegi praktıkalyq sharalardy ońtaılandyrý; terrorıstik turǵydan osal obektilerdiń terrorızmge qarsy qorǵalýynyń jaı-kúıin tekserýdiń ashyqtyǵyn qamtamasyz etý kózdeledi.

Budan buryn habarlanǵandaı, «Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT