Jańalyqtar  >
  Úrdis
Qazaqstanda gıdrolog mamandar daıarlaý isi qalaı uıymdastyrylyp jatyr
2022 jylǵy 16 tamyz 17:07

Qazaqstanda gıdrolog mamandar daıarlaý isi qalaı uıymdastyrylyp jatyr

Eńbek jáne halyqty álemýettik qorǵaý mınıstrligi usynǵan málimet boıynsha, 2025 jylǵa deıin gıdrolog mamandarǵa qajettilik 38 adam bolady degen esep bar.

Búgingi kúni «Sý resýrstary jáne sýdy paıdalaný» jáne «Sý resýrstaryn basqarý» baǵyttary boıynsha 6 joǵary oqý orynynda bilim beriledi.

«Sý resýrstaryn basqarý» baǵyty boıynsha 8 jańa kásibı standart bekitildi. Qazirgi ýaqytta Eńbek jáne halyqty álemýettik qorǵaý mınıstrliginiń bastamasy boıynsha kásibı standarttardy jańartý jáne ázirleý jumystar júrgizilip jatyr.

Sý resýrstaryn keshendi basqarý jáne sýdy tıimdi paıdalanýdy qamtamasyz etetin mamandar daıarlaıtyn 37 bilim berý baǵdarlamasy tizilimge engizilgen. Atap aıtsaq «Sý resýrstaryn basqarý», «IT-tehnologııalardy qoldana otyryp sý resýrstaryn basqarý», «Gıdrotehnıkalyq qurylystardy jobalaý», «Gıdrotehnıkalyq qurylys jáne qurylymdar», «Sý resýrstaryn keshendi paıdalaný», «Sý resýrstary jáne sýdy paıdalaný», «Gıdravlıkalyq melıoratsııa» jáne basqalary.

Atalǵan mamandyqtar boıynsha bilim alǵan stýdentterdiń tájirıbemen taǵylymdamadan ótýi úshin «Energııa VNIIPI» AQ, «AlES» AQ, «KEGOC» AQ, «AJK» AQ sııaqty kásiporyndarmen tyǵyz baılanys ornatylǵan.

Qazirgi ýaqytta «Gıdrotehnıkalyq qurylys» bilim berý baǵdarlamasy boıynsha M.H.Dýlatı atyndaǵy Taraz óńirlik ýnıversıteti bilikti mamandardy daıarlaıdy. Ýnıversıtet oǵan qajetti zamanaýı qondyrǵylarmen jáne aspaptarmen jabdyqtalǵan. Aǵylshynnyń Armfield kompanııasynan jabdyqtar satyp alyndy. Sondaı-aq Talas ózeniniń bastaýynda «Jasúrken» oqý-óndiristik-saýyqtyrý lageri bar.

Foto: facebook.com/sayasat




Sondaı-aq... oqyńyz
Seriktester jańalyqtary

Jańalyqtar

Úrdis

MURAǴAT