+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Qazaqstanda etnıkalyq qaqtyǵystardyń aldyn alýdy kózdeıtin jobalar júzege asyrylýda

2020 jylǵy 4 jeltoqsan 18:06
Bólisińiz:
Qazaqstanda etnıkalyq qaqtyǵystardyń aldyn alýdy kózdeıtin jobalar júzege asyrylýda

NUR-SULTAN. QazAqparat - 2020 jyldyń 4 jeltoqsanynda «Qazirgi konflıktologııanyń vektorlary» atty tórtinshi búkilreseılik konflıktologııalyq forýmy ótti, dep habarlaıdy QazAqparat.

Uqsas jańalyqtar
Iordanııa Koroldigi Qazaqstannyń «AntikorNews» jobasyna qyzyǵýshylyq tanytty Qyzylordada jasóspirimderdiń úıden ketip qalý deregi kóbeıgen «Adaldyq alany» jobasy 2020 jyldy qorytyndylady

Atalǵan is-sharanyń qos uıymdastyrýshy Qoldanbaly etnosaıası zertteýler ınstıtýty boldy. Forým zamanaýı janjaldardy basqarýdy damytýdyń ınnovatsııalyq vektorlaryn qalyptastyrýǵa baǵyttalǵan.

Іs-sharaǵa Reseı Federatsııasy Prezıdentiniń Ońtústik Federaldy okrýgi boıynsha ókiletti ókili V.N.Gýrba, Búkilreseılik konflıktologtar qaýymdastyǵynyń tóraǵasy, Lomonosov atyndaǵy Máskeý memlekettik ýnıversıtetiniń professory A.V.Manoılo, Qoldanbaly etnosaıası zertteýler ınstıtýtynyń dırektory T.Qalıev jáne t.b. qatysty.

Andreı Manoılo óz sózinde jelilik keńistiktegi jalǵan tehnologııalarǵa qarsy áreket etýdegi reseılik tájirıbemen bólisti.

Óz kezeginde, Qoldanbaly etnosaıası zertteýler ınstıtýtynyń dırektory Talǵat Qalıev Qazaqstan úshin etnosaıası máseleler árqashan basymdyqqa ıe bolyp kelgenin atap ótti. Sonymen qatar, eldegi etnosaralyq qatynastardy retteý salasy onyń qalyptasýynyń belgili kezeńderinen ótkenin, onyń biri 25 jyl buryn Qazaqstan halqy Assambleıasynyń qurylýy ekenin sózge tıek etti. QHA tıimdiliginiń joǵary baǵasyn osy jyly Reseı Federatsııasynyń Prezıdenti V.Pýtınniń sheshimimen - Reseı halyqtary Assambleıasynyń qurylǵandyǵy dep sanaýǵa bolatynyn aıtty.

Sondaı-aq, aǵymdaǵy jyldyń maýsym aıynan bastap Qoldanbaly etnosaıası zertteýler ınstıtýty jumys isteı bastady, onyń negizgi qyzmeti dalalyq zertteýler júrgizý jáne etnosaralyq qaqtyǵystardyń aldyn alý boıynsha jobalardy júzege asyrý bolyp tabylady.

Búgingi kúni ınstıtýt qyzmetkerleri konflıktologııalyq aýdıt júrgizý, etnosaralyq shıelenistiń yqtımaldyǵy týraly aldyn-ala eskertý jáne ony týdyrýy múmkin faktorlardy anyqtaý úshin respýblıkanyń aımaqtaryna monıtorıngtik saparlardy júzege asyrady. Sonymen birge, ınstıtýt etnıkalyq belgiler boıynsha qaqtyǵystardyń aldyn alý jáne retteý mehanızmin jetildirýge baǵyttalǵan birqatar jobany júzege asyrýda.

Forým aıasynda «Tsıfrlyq qoǵamdaǵy qaqtyǵystardyń genezısi: pánaralyq tásil» atty birlesken qazaqstandyq-reseılik dóńgelek ústel ótkizý josparlanyp otyr. Oǵan Qoldanbaly etnosaıası zertteýler ınstıtýtynyń atynan qurylymdyq bólimsheleriniń basshylary Dana Áshimhanova men Janar Naqypbekova, sondaı-aq Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýty bóliminiń bastyǵy Madına Nurǵalıeva qatysady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT