+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Qazaqstanda et eksporty qaı kólemge jetkiziledi

2019 jylǵy 26 qyrkúıek 13:30
Bólisińiz:
Qazaqstanda et eksporty qaı kólemge jetkiziledi

NUR-SULTAN. QazAqparat – Búgin QR Parlamenti Senatynyń jalpy otyrysynda Aýyl sharýashylyǵy mınıstri Saparhan Omarov Qazaqstan et eksportyn qandaı kólemge arttyratynyn aıtty, dep habarlaıdy QazAqparat tilishisi.

Uqsas jańalyqtar
Oralda tartylǵan qus etin zańsyz tasymaldaǵan júk kóligi ustaldy Oman Qazaqstannan et ónimderin satyp almaq

Aıta keteıik, búgin QR Parlamenti Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Qujatty talqylaý barysynda senatorlar et eksportyn arttyrý máselesin kóterdi.

«Et eksportyn 60 myń tonnaǵa jetkizý máselesi biraz jyldan beri aıtylyp kele jatyr. Biraq qazir mal ónimin óndirý boıynsha tıisti jumystar atqarylýda. Bul turǵyda bólek baǵdarlama jasalǵan. Bıylǵy jylǵy statıstıkanyń kórsetilimi boıynsha ettiń eksporty 30 myń tonnany qurady. Alaıda bul 30 myń tonna ketip jatqan tiri maldy esepke ala otyryp qamtyldy», - dedi S. Omarov.

Onyń sózine qaraǵanda, atalǵan baǵyttaǵy jumystardy jandandyrý úshin sheteldik ınvestorlar kerek.

«Qazirgi kezde amerıkalyq úlken kompanııamen tıisti sharalardy pysyqtap jatyrmyz. Eger olar kiretin bolsa, bastapqyda bizdegi jem-shóp máselesine nazar aýdarmaq. Bul rette sýarmaly alqaptarmen jumysty bastap, bordaqylaý alańdaryn qurady. Bizdiń esebimiz boıynsha eki kompanııa jumysqa kirisetin bolsa, jyldyq áleýetimiz 45 myń tonnany (et eksporty) quramaq», - dedi mınıstr.

Eske sala keteıik, 2019 jyldyń qańtarynda ótken Úkimettiń keńeıtilgen quramdaǵy otyrysy ótip, Elbasy Nursultan Nazarbaev birqatar saladaǵy túıitkildi máselelerdi kóterdi.

Atap aıtqanda, jylyna 60 myń tonna et eksporttaý josparynyń oryndalmaýy, jeńil ónerkásibi men aýyl sharýashylyǵy salalaryndaǵy tolassyz ımport, kóleńkeli ekonomıkamen kúrestiń álsizdigi jáne taǵy da basqa máseleler qozǵaldy.

Keıinnen Aýyl sharýashylyǵy mınıstrliginiń ókili aldaǵy 2-3 jylda jyl saıyn 60 myń tonna sıyr etin eksporttaýǵa múmkindik bar ekenin málimdedi.

Bizdiń kanalymyzǵa jazylyńyz:

Basty sózder: Senat, Mal sharýashylyǵy,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT