+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Qazaqstanda elektromobılderge suranys 2 esege azaıdy

2019 jylǵy 4 qarasha 09:56
Bólisińiz:
Qazaqstanda elektromobılderge suranys 2 esege azaıdy

NUR-SULTAN. QazAqparat – «QazAvtoÓndiris» kásiporyndar odaǵy jyl basynan beri elimizde avtokólikterdi tirkeý qarqynyna qatysty málimettermen bólisti, dep habarlaıdy QazAqparat tilshisi.

Uqsas jańalyqtar

Kásiporyndar odaǵynyń habarlaýynsha, jyl basynan beri polıtsııa organdary 1 232 872 avtokólikti tirkegen. Bul ótken jyldyń sáıkes kezeńimen salystyrǵanda 12,2 paıyzǵa joǵary kórsetkish. Onyń ishinde 1 149 542 kólik ekinshi ret tirkelgen. Al 2019 jyldyń qazan aıynyń qorytyndysy boıynsha tirkelgen kólikterdiń sany 139 575 birlikke jetip otyr.

«Qazaqstanda elektromobılderge degen suranys 2 ese azaıdy. 2019 jyldyń 10 aıynyń qorytyndysy boıynsha, Qazaqstan aýmaǵynda 24 elektr kólik tirkelgen. Al bir jyl buryn 10 aıdyń ishinde 47 elektromobıl satylǵan bolatyn. Sonymen qatar, 2019 jyldyń basynan bastap qaıta tirkelgen kólik quraldarynyń úshten eki bóliginen astamynyń (69,3%) paıdalanǵanyna 10 jyldan asqan. Eń úlken úles 20 jyldan asqan kólikterge tıesili (41,7% nemese 479 869 kólik). 11-20 jylǵa deıingi kólikterdiń úlesi 27,6 paıyz bolsa (316 713), 4 jyldan 7 jylǵa deıingi kólikter 20,6 paıyzdyq (236 768) dana), 8 jastan 10 jasqa deıingi kólikter 6,0 paıyzdyq (68 736), 1 jyldan 3 jylǵa deıingi kólikter 3,5 paıyzdyq (40 181) úleske ıe», - delingen habarlamada.

Avtokólik naryǵyndaǵy dınamıka serpini otandyq avtoparktiń birtindep eskirip bara jatqanyn kórsetedi. Osylaısha, paıdalanǵanyna 20 jyldan asqan kólik quraldarynyń qaıtalama naryqtaǵy satylymdaǵy úlesi 2018 jylǵy qańtar-qazan aılaryndaǵy 39,6 paıyzdan 41,7 paıyzǵa deıin ósken. Al paıdalanǵanyna 1 jyldan 3 jylǵa deıingi kólik quraldary satylymynyń úlesiniń tómendegeni baıqalady.

«2019 jyldyń 10 aıynyń qorytyndysy boıynsha qaıtalama tirkeýlerdiń eń kóbi - Almaty oblysynda (174 410), Almaty qalasynda (144 324) jáne Túrkistan oblysynda (104 689) tirkeldi. 20 jyldan asqan kólikterdiń eń kóp sanyn Almaty oblysynyń turǵyndary (99 344 birlik; 20,7%) tirkedi. Paıdalanǵanyna bir jyl bolmaı jatyp satylǵan kólikterdiń eń kóbi - Almaty (1 609, 22,1%) jáne Nur-Sultan (987, 13,6%), sonymen qatar Atyraý (640) oblysynda tirkeldi», - delingen habarlamada.

Bizdiń kanalymyzǵa jazylyńyz:

Basty sózder: Statıstıka, Kólik,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT