+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qazaqstanda elektr energııasy qymbattaıdy

2020 jylǵy 30 maýsym 17:16
Bólisińiz:
Qazaqstanda elektr energııasy qymbattaıdy

NUR-SULTAN. QazAqparat – 1 shildeden Qazaqstanda elektr energııasy qymbattaıdy. Bul týraly QR Energetıka mınıstrligi Elektr energetıkasyn damytý departamentiniń dırektory Aıdos Dáribaev málim etti, dep habarlaıdy QazAqparat tilshisi.

«Elektr qýaty naryǵynan alynatyn tabystyń kóp bóligi stantsııa jabdyqtaryn jańǵyrtýǵa jáne qaıta jańartýǵa baǵyttalýy tıis. Alaıda, boljamdyq baǵalaýlar boıynsha bul qarajat óziniń parktik resýrsyn ótegen stantsııalardyń jabdyqtaryn jańǵyrtý men jańartýdy tolyq kólemde júzege asyrýǵa múmkindik bermeıdi. Osylaısha, stantsııalardyń tozý deńgeıi jyldan-jylǵa artyp keledi jáne qazirgi ýaqytta shamamen 60 paıyzdy quraıdy. Osyǵan baılanysty elektrmen jabdyqtaý sapasyna qaýip tónip tur», - dedi A. Dáribaev búgin Ortalyq kommýnıkatsııalar qyzmetinde.

Onyń sózine qaraǵanda, energııa óndirýshi uıymdardyń (EÓU) shekti tarıfteriniń qazirgi deńgeıi EÓU shyǵyndaryn tolyq kólemde jappaıdy jáne stantsııalar elektr qýaty naryǵynan kiristerdiń bir bóligin aǵymdaǵy shyǵyndardy jabýǵa baǵyttaýǵa májbúr bolady. Bul fakt elektr qýattarynyń avarııalyq isten shyǵýynyń, tutynýshylardy elektrmen jabdyqtaý sapasynyń tómendeýiniń oqıǵalarymen rastalady.

«Osyndaı jaǵdaı Qazaqstandyq tutynýshylardy kórshi elderden elektr qýattaryn retteý jónindegi qyzmetterdi jylyna 8 mlrd teńgeden astam somaǵa satyp alýǵa májbúr etedi. Bul da elektr energııasynyń túpkilikti baǵasyna áser etedi», - dedi departament basshysy.

Sonymen qatar ol mınıstrliktiń quzyretine jeti jyldyq kezeńge energııa óndirýshi uıymdardyń elektr energııasyn óndirýge arnalǵan shekti tarıfterdi bekitý máseleleri kiretinin eske saldy. Halyq úshin tarıfterdi túzetýmen Ulttyq ekonomıka mınıstrligi aınalysady.

«Elektr energııasyna arnalǵan tarıfter Zańǵa sáıkes 7 jylǵa belgilenedi, bul rette energııa óndirýshi uıymdardyń elektr energııasyn óndirýge arnalǵan shyǵyndary naqty ulǵaıǵan jaǵdaıda, energııa óndirýshi uıymdar ýákiletti organǵa shekti tarıfterdi túzetýge ótinim berýge quqyly. Osyǵan baılanysty Qazaqstannyń energııa óndirýshi uıymdary sáýir aıynda toptar boıynsha shekti tarıfterdi túzetýge ótinim berdi. 44 energııa óndirýshi uıymnyń 35-inen ótinim berildi. Olardy qaraý kezinde mınıstrlik ár jaǵdaı boıynsha jeke tásildi qoldandy. Der kezinde sheshýdi talap etetin ótinimder nazarǵa alyndy», - dedi Dáribaev.

Buıryqtyń jobasy 2020 jylǵy 10 maýsymda ashylǵan NQA saıtynda jarııalandy. QR «Atameken» Ulttyq Kásipkerler palatasymen jáne Energetıka mınıstrliginde tirkelgen saraptamalyq uıymdarmen talqylaýlar ótti. Buıryq jobasy qoǵamdyq keńeste qaraldy, sondaı-aq ashyq NQA portalynyń elektrondyq alańynda talqylandy.

Tarıfterdi túzetý «Elektr energııasyna shekti tarıfterdi bekitý týraly «Qazaqstan Respýblıkasy Energetıka mınıstriniń 2018 jylǵy 14 jeltoqsandaǵy № 514 buıryǵyna ózgeris engizý týraly» QR Energetıka mınıstriniń buıryǵymen aǵymdaǵy jyldyń 29 maýsymynda júrgizildi.

«Bul buıryq 2020 jyldyń 1 shildesinen bastap engizilýi tıis. Qazaqstan boıynsha energııa óndirýshi uıymdardyń shekti tarıfteriniń ortasha ulǵaıýy 16 paıyz deńgeıinde boljanýda», - dedi departament basshysy.

Onyń atap ótýinshe, birtutas elektr energetıkalyq júıesiniń batys aımaǵynan basqa Qazaqstannyń barlyq aımaqtary boıynsha elektr energııasyn iske asyratyn Ekibastuz GRES-1 shekti tarıfi shamaly deńgeıde, ıaǵnı 0,7 paıyzǵa ulǵaıady. Uıymdardyń basqa stantsııalary tarıfteriniń ulǵaıýy aıasynda Ekibastuz GRES-1 shekti tarıfiniń saqtalýy sońǵy tarıfterge eń az deńgeıde áser etedi.

«44 energııa óndirýshi uıymnyń 9-y boıynsha tarıf burynǵy deńgeıde saqtalǵan. Bir energııa óndirýshi uıym boıynsha tarıf 7 paıyzǵa tómendetildi. 18 energııa óndirýshi uıym boıynsha tarıfi 20 paıyzǵa deıin ósti, qalǵan 16 EÓU-nyń tarıfi 20 paıyzdan artyq boldy. Elektr stantsııalarynyń shekti tarıfterin ýaqtyly túzetý aldaǵy kúzgi-qysqy kezeńderden sátti ótý jáne bıyldan bastap avarııalyq jaǵdaılardy azaıtý úshin olardy jańǵyrtý jónindegi jumysty bastaýǵa múmkindik beredi», - dedi A. Dáribaev.

Vedomstvo málimetinshe, EÓU shekti tarıfteri ózgergen kezde statıstıkalyq ortasha páterler boıynsha sońǵy tutynýshylar úshin elektr energııasyn tóleýge arnalǵan ortasha chek aǵymdaǵy shottarǵa aıyna 200 teńgeden aspaıtyn shamaǵa tórtinshi toqsannan erte emes merzimde ulǵaıtylýy múmkin.

«Budan basqa, elektr energııasyna shekti tarıfterdi qaıta qaraý 44 energııa óndirýshi uıymnyń óndiristik personalynyń 27 myń jumys ornyn saqtaýǵa múmkindik beredi. Sebebi osy adamdardyń jumysynan eldi elektr energııasymen úzdiksiz qamtamasyz etý tikeleı baılanysty», - dedi ol.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT