+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Qazaqstanda elektr energetıkasynda manevrlik qýattar salý yntalandyrylmaq

2020 jylǵy 18 qarasha 10:22
Bólisińiz:
Qazaqstanda elektr energetıkasynda manevrlik qýattar salý yntalandyrylmaq

NUR-SULTAN. QazAqparat - Qazaqstanda elektr energetıkasynda manevrlik qýattar salýdy yntalandyratyn zań jobasyn qabyldaý josparlanýda. Bul týraly QR Energetıka mınıstri Nurlan Noǵaev Almaty oblysyna jumys sapary barysynda aıtty, dep habarlaıdy QR EM baspasóz qyzmeti.

Uqsas jańalyqtar
Semeı qazandyqtary arnaıy tekserýden ótedi Atyraý oblysynyń ákimi energııa júıesin qatań baqylaýǵa alýdy tapsyrdy Aqtaýda elektr energııasy tolyqtaı qosyldy

Sapar aıasynda Nurlan Noǵaev Qapshaǵaı sý qoımasy aýdanyndaǵy kún jáne gıdroelektr stantsııasynyń jumysymen tanysty, Shelek aýylyndaǵy jel energetıkalyq stantsııasynyń qurylys ornynda, Moınaq gıdroelektr stantsııasynda boldy jáne jaýapty tulǵalarmen Almaty qalasy men Almaty oblysyn energııamen jabdyqtaý týraly talqylady.

Jýrnalısterdiń suraqtaryna jaýap bere otyryp, Nurlan Noǵaev Qazaqstan Úkimetiniń elektr energetıkasyndaǵy manevrlik qýattardyń qurylysyn qalaı yntalandyrýǵa nıetti ekendigi týraly aıtty.

Búgingi tańda Qazaqstanda elektr qýatynyń profıtsıti manevrlik qýattardyń tapshylyǵymen qatar júretini belgili. Táýlik ishinde elektr energııasyn tutyný birkelki emes, keshki saǵattardyń joǵarylaýymen jáne túnde tómendeýimen, elektr stantsııalarynyń jedel aýyspaly jumysyn qajet etedi. Jumys istep turǵan elektr stantsııalarynyń qoldanystaǵy retteý múmkindikteri jetkiliksiz, sondyqtan júıelik operator Reseıdiń energııa júıesin retteýdi qoldanýǵa májbúr.

«Mınıstrlik qoldanystaǵy zańdarǵa birqatar ózgerister engizýge bastamashylyq jasady, olar qazirgi ýaqytta Parlamentte talqylanýda. Sonymen qatar, bul ózgerister ınvestorlardy elektr energııasyn satyp alý, esep aıyrysý-qarjy ortalyǵy (AQO) arqyly sý tasqyny elektr energııasyn ortalyqtandyrylǵan satyp alý-satý kelisimsharttarynyń merzimderin uzartý jolymen jańartylatyn energııa kózderin (JEK) salýǵa yntalandyrýǵa, ınvestorlardyń táýekelin tómendetý jáne JEK úshin elektrondyq saýda-sattyqta baǵany tómendetý úshin AQO-ǵa Úkimet tarapynan qarjylyq qoldaý kórsetýge múmkindik beredi», - dedi Nurlan Noǵaev.

QR Energetıka mınıstriniń aıtýynsha, o lardy óndiris-tutyný teńgerimsizdikterin retteýge tartý úshin manevrlik qýattardy damytý Qazaqstan elektr stantsııasyndaǵy aýytqýlardy óteý boıynsha qyzmetterdiń bir bóligin satyp alýdy qaıta baǵyttaýǵa múmkindik beredi. Manevrlik generatsııany qurý jónindegi jobalardy irikteý aýktsıondyq irikteýdi qoldaný arqyly júzege asyrylatyn bolady, bul osyndaı kózderdiń qurylysyna serpin berýge, túpkilikti tutynýshylar úshin baǵalarǵa eń az áser ete otyryp, neǵurlym tıimdi jobalardy tańdaýǵa múmkindik beredi. Bul sharalar Qazaqstandaǵy JEK sektorynyń ınvestıtsııalyq tartymdylyǵyn arttyrýǵa múmkindik beredi, sondaı-aq eldiń energetıkalyq júıesine qolaıly áser etedi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT