USD 434.48 EUR 492.61
RUB 5.68 CNY 68.44
Jańalyqtar

Qazaqstanda densaýlyqqa kúshti áser etetin zattarǵa qatysty jańa zań ázirlenip jatyr

2021 jylǵy 14 qazan 17:17
Bólisińiz:
Qazaqstanda densaýlyqqa kúshti áser etetin zattarǵa qatysty jańa zań ázirlenip jatyr

NUR-SULTAN. QazAqparat – Elimizde adam densaýlyǵyna kúshti áser etetin zattardyń aınalymyna qatysty jańa zań jobasy daıyndalyp jatyr. Jańa zańǵa sáıkes jaýapkershilik kúsheıtilmek.

Uqsas jańalyqtar
Elordada zańsyz júrgen 38 shetel azamaty elden shyǵaryldy Jeke tulǵalardyń bankrottyǵy týraly zań jobasy jyldyń aqpan aıynda daıyn bolady

Bul týraly QR Іshki ister mınıstrliginiń Esirtki qylmysyna qarsy is-qımyl departamentiniń basshysy, polıtsııa polkovnıgi Erlan Omarbekov málim etti, dep habarlaıdy QazAqparat tilshisi.

«Búginde biz Senatpen birlesip kúshti áser etetin zattardyń zańsyz aınalymy úshin jaýapkershilikti kózdeıtin zań jobasyn ázirleýge kiristik. Maqsat - áseri kúshti hımııalyq zattardy medıtsınalyq emes turǵyda qoldanyp, taratyp jáne saqtaǵan jaǵdaıda jaýapkershilikti kúsheıtý. Bul másele el aýmaǵynda erkin satylyp jatqan keıbir dári-dármekterge de qatysty bolyp otyr. Oǵan jasóspirimderdiń psıhoaktıvti zattar áýes bolýy da sebep bolyp otyr. Sonyń biri tramadol, bul retsept boıynsha satylatyn dári-dármek, onyń quramynda sıntetıkalyq opıoıdty analgetık bar. Basqasha aıtqanda, tramadol jasóspirimderdi nashaqorlyqqa bastaıtyn alǵashqy saty desekte bolady. Sondyqtanda atalǵan fakt alańdaýshylyq týdyryp otyr», - dedi Erlan Omarbekov.

Sondaı-aq, spıker atalǵan dáriden bólek, jasóspirimder qumartatyn basqa da preparattardyń baryn aıtty.

«Adam ómiri men densaýlyǵyna zııandy yqpal ári kúshti áser etetin zattardyń tizbesi Úkimettiń 2021 jylǵy 10 maýsymdaǵy № 396 qaýlysymen bekitilgen. Ony elge ákelý jáne qoldanýdy tek qana densaýlyq saqtaý organdary júzege asyrady. Osy oraıda adamdy eseńgirtip, sońy táýeldilikke ákeletin hımııalyq jáne medıtsınalyq zattarǵa qatysty jaýapkershilikti kúsheıtý kezek kúttirmeıtin másele. Jáne ol úshin qylmystyq jaza qarastyrylǵanyn eskertkimiz keledi», - deıdi ol.

Buǵan deıin ІІM-niń ókili elimizde esirtkini ınternet arqyly nasıhattap nemese satqany úshin qandaı jaza qarastyrylǵanyn aıtyp berdi.



Bizdiń kanalymyzǵa jazylyńyz:

#Medıtsına   #Qoǵam   #Zań  
Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT