Qazaqstanda dári-dármektiń eki aılyq qory jasaldy

NUR-SULTAN. QazAqparat –COVID-19 indetiniń órshý qaýpiniń yqtımaldyǵyna baılanysty dári-dármektiń eki aılyq qory jasalǵan. Bul týraly «SK-Farmatsııa» JShS basqarma tóraǵasy Erhat Esqalıev málim etti, dep habarlaıdy QazAqparat tilshisi.
«Búginge deıin aımaqtar jalpy quny 16,6 mlrd teńge bolatyn qosymsha qajetti dári-dármekke ótinim berdi. 22 shildeden bastap biz búkil medıtsınalyq uıymda, ınfektsııalyq jáne provızorlyq statsıonarda dári-dármektiń bir aılyq qoryn qalyptastyrý týraly sheshimge kelgen edik. Bul shara statsıonarlarda qorlardy quryp, dári-dármek boıynsha qaýyrt qajettilikti jabýǵa kómektesedi», - dedi Erhan Esqalıev Úkimet otyrysynda.
Onyń aıtýynsha ambýlatorııalyq deńgeıde beriletin dári-dármektiń tizimi de keńeıtilgen. Aýrýdy jeńil kóteretin azamattar emhanalardan ystyq túsiretin dáriler men antıkoagýlıanttardy ala alady.
«Búgingi kúni azaımaıtyn qaldyq boıynsha eki aılyq qor qalyptastyryldy. Quny 8,2 mlrd teńgege COVID-19 aýrýyna qarsy qajetti dári-dármektiń 44 túri satylyp alynýda. Ol bir aı boıy alty myń naýqasty statsıonarlarda emdeýge jetedi. Azaımaıtyn qaldyqtyń kólemi aımaqtardyń suranysyna qaramaı jınalǵanyn atap ótkim keledi. Koronavırýstyń ekinshi tolqyny týyndaǵan jaǵdaıda ol qajettilikti jaýyp beredi. Dári-dármek kólemi habtarda saqtalady», - dedi ol.
- Koronavırýs: Bir táýlikte Teńiz kenishindegi naýqastar 81 adamǵa kóbeıdi
- Erteń Prezıdenttiń tóraǵalyǵymen Úkimettiń keńeıtilgen otyrysy ótedi
- COVID-19-ǵa qarsy vaktsına: Álemdegi jaǵdaı qandaı
- Ulybrıtanııada 6,3 mln adam koronavırýsqa qarsy vaktsına saldyrdy
-
Meksıka prezıdenti koronavırýs juqtyrdy
-
Soltústik Qazaqstannyń 10 aýdanynda KVI juqtyrýdyń jańa jaǵdaılary tirkeldi
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam