+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

Qazaqstanda Tsıfrlyq komıssarlar paıda boldy

2019 jylǵy 19 qyrkúıek 15:23
Bólisińiz:
Qazaqstanda Tsıfrlyq komıssarlar paıda boldy

NUR-SULTAN. QazAqparat - Qazaqstanda qoǵam qaıratkerleri, jýrnalıster men blogerlerden quralǵan Tsıfrlyq komıssarlar toby quryldy, dep habarlaıdy QazAqparat QR Tsıfrlyq damý, ınnovatsııalar jáne aeroǵarysh ónerkásibi mınıstrligine silteme jasap.

Arnaıy top «Tsıfrlyq Qazaqstan» memlekettik baǵdarlamasynyń oryndalý barysyn qadaǵalaıdy. Onyń quramyna Tımýr Bektur, Láılá Sultanqyzy, Órken Kenjebek, Mahabbat Esen, ıAkov Fedorov, Aıgúl Soloveva, Rınat Balǵabaev, Evgenıı Kochetov, Renat Tashkınbaev, Oljas Sátıev, Dıana Ókiremova, Janna Muhamadı, Erlan Sákenov kirdi.

Tsıfrlyq komıssarlar táýelsiz baqylaýshy retinde memlekettik organdardyń «Tsıfrlyq Qazaqstan» baǵdarlamasy boıynsha iske asyrylyp jatqan jobalary men bastamalaryna qoǵamdyq negizde monıtorıng júrgizedi. Memleket tarapynan kórsetiletin qyzmetter men HQO jumysy boıynsha qyzmetti alýshy-azamat turǵysynan eskertýler men usynystar beredi.

«Konstrýktıvti syn – progrestiń qozǵaýshy kúshi nemese syrt kóz-synshy degendeı, ár bildirilgen pikir men usynymdar óz jumysymyzǵa synı kózqaraspen qaraýǵa, nátıjelerimizdi jaqsarta túsýge yqpal etedi. Ózderińiz bilesizder, bizdiń mınıstrlik barlyq memlekettik organdar júzege asyryp jatqan «Tsıfrlyq Qazaqstan» memlekettik baǵdarlamasynyń úılestirýshisi. Sondyqtan biz tsıfrlandyrý salasynda atqarylyp jatqan jumystardyń naqty nátıjeleriniń kórinisin, onyń ishinde eskertýler men usynystardy kórip, bilip otyrǵymyz keledi. Men IT-kompanııalarmen kezdesip turamyn, biraq bizge sol qyzmetterdi alýshylarmen ózara baılanys qajet«, - dedi kezdesýde tsıfrlyq komıssarlar tobyn qurý týraly bastama kótergen Asqar Jumaǵalıev.

Alǵashqy kezdesýde qatysýshylar eldegi tsıfrlandyrý jobalary boıynsha pikirlerimen bólisip, Elektrondyq úkimet portalynyń qyzmetteri men servısterin ońaılatý jáne HQKO jumysy boıynsha usynystaryn bildirdi.

Tsıfrlyq komıssarlarmen kezdesýde «UAT« AQ basshysy Áset Turysov memleket tarapypan kórsetiletin qyzmetterdi alý protsesin túbegeıli jeńildetetin Elektrondyq úkimettiń jańartylǵan mobıldik qosymshasymen tanystyrdy.

«Kelesi aptada biz Elektrondyq úkimettiń jańartylǵan qosymshasynyń beta-nusqasyn iske qosamyz. Bul barlyq memlekettik qyzmetterdi ońaı ári tez alýǵa múmkindik beredi. Osy oraıda, bizge sizderdiń pikirlerińiz óte mańyzdy«, - dedi mınıstr tsıfrlyq komıssarlarǵa.

Sonymen qatar, kelesi aptanyń sońynda Play Market jáne AppStore-da paıda bolatyn eGov mobile jańartylǵan qosymshasynyń beta-nusqasyn testileýge barlyq tilek bildirýshiler qatysa alady. Pikirler men usynystardy press@mdai.gov.kz nemese áleýmettik jelilerdegi eGov resmı akkaýnttaryna jiberýge bolady.

Tsıfrlyq komıssarlarmen ótken alǵashqy kezdesý sońynda mınıstr azamattyq ustanymdary úshin alǵysyn bildirip, ózekti máseleler men usynystardy talqylaý úshin osy quramda turaqty túrde kezdesýler ótkiziletinin habarlady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT