+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Qazaqstanda bıyl 22,5 mln ga aýmaqqa aýyl sharýashylyǵy daqyldary egiledi

2020 jylǵy 21 aqpan 10:45
Bólisińiz:
Qazaqstanda bıyl 22,5 mln ga aýmaqqa aýyl sharýashylyǵy daqyldary egiledi

NUR-SULTAN. QazAqparat – Aýyl sharýashylyǵy mınıstrligi áleýmettik mańyzdylyǵyna baılanysty 2020 jyly jarma daqylynyń alqabyn ulǵaıtýdy kózdep otyr, dep habarlaıdy QazAqparat tilshisi.

«Elimizdiń jekelegen oblystary úshin ótken jyl qysyltaıań boldy. Atap aıtqanda, 2019 jyldyń egin jınaý qorytyndysy boıynsha 17,4 mln tonna astyq bastyryldy. Bul 2018 jylǵy deńgeıden 2,9 mln tonnaǵa nemese 14,3 paıyzǵa tómen. Shilde-tamyz aılaryndaǵy aptap ystyq uzaq jańbyrǵa ulasyp, munyń saldary jınalǵan ónim kólemine de, sapasyna da áser etti», - dedi aýyl sharýashylyǵy vıtse-mınıstri Aıdarbek Saparov vedomstvonyń alqa májilisinde.

Vıtse-mınıstrdiń aıtýynsha, jalpy negizgi aýyl sharýashylyǵy daqyldarynyń kópshiligi boıynsha óndiris kólemi men ónimdilik ortasha ósimdi kórsetken.

«Aqtóbe jáne Mańǵystaý oblystaryn qospaǵanda barlyq oblys jemshóp daqyldary boıynsha memorandýmnyń ındıkatıvti kórsetkishterine qol jetkizbegenin jeke atap ótkim keledi. Oblys ákimdikterine jemshóp daqyldarynyń alqabyn keńeıtý úshin jaǵdaıdy túzetý boıynsha shara qabyldaý qajet. 2020 jyly aýyl sharýashylyǵy daqyldaryn 22,5 mln ga jerge egý josparlanýda. Bul kórsetkish 2019 jylǵy deńgeıden 240 myń ga artyq», - dedi ol.


Bıyl maıly, jemshóp, kókónis-baqsha daqyldary men kartoptyń alqaby ulǵaıtylmaq.

«Ótken jyly qaraqumyq alqaby 2018 jylmen salystyrǵanda 29,4 myńǵa qysqarǵanyn aıta ketý kerek. Alqaptardyń kúrt qysqarýy Shyǵys Qazaqstan (11,7 myń ga), Pavlodar (9,2 myń ga), Qostanaı (7,0 myń ga) oblystarynda baıqaldy. Bul qaraqumyq jarmasynyń qunyna áser etip, barlyq óńirde onyń qymbattaýyna ákep soqtyrdy. Osyǵan baılanysty atalǵan jarma daqylynyń alqabyn onyń áleýmettik mańyzdylyǵyna baılanysty ulǵaıtý qajet dep sanaımyz», - dedi Aıdarbek Saparov.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT