+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Qazaqstanda bir dárigerge 1900 adamnan keledi

2019 jylǵy 21 qazan 16:17
Bólisińiz:
Qazaqstanda  bir dárigerge 1900 adamnan keledi

NUR-SULTAN. QazAqparat – Densaýlyq saqtaý mınıstri Eljan Birtanovtyń aıtýynsha, JOO túlekterin tartýdyń arqasynda bıyl dárigerler tapshylyǵy 900-ge azaıǵan, dep habarlaıdy QazAqparat tilshisi.

Uqsas jańalyqtar
Almatyda naýqastardy aýrýhanaǵa josparly túrde jatqyzý toqtatyldy

«Qazirgi ýaqytta 2019-2020 jyldarǵa arnalǵan alǵashqy medıtsınalyq-sanıtarııalyq kómekti damytý jospary iske asyrylyp jatyr. Osy jyly 1 300 dárigerlik bólimshe ashyldy. Ár bólimsheniń júktemesi - 1 658 adamnan keledi. Alaıda kadrlardyń jumysty qosa atqarýy men tapshylyǵyna baılanysty 1 dárigerge is júzinde bekitilgen halyq sany 1 900 adamdy qurap otyr», - dedi Eljan Birtanov Senatta ótken Úkimet saǵatynda.

Mınıstrdiń aıtýynsha, JOO túlekterin jumysqa tartýdyń arqasynda bıyl alǵashqy medıtsınalyq kómek dárigerleriniń tapshylyǵy 900 adamǵa azaıǵan.

«Tsıfrlandyrýdyń arqasynda emhanalardaǵy kezek 30 paıyzǵa tómendedi. Shuǵyl sıpattan tys shaqyrýlar jedel járdem qyzmetinen bólimshe dárigerlerine berilgennen keıin jyl ishinde jedel járdem shaqyrýlary 25 paıyzǵa tómendedi. Aýrýlardy basqarý baǵdarlamalaryna 462 myń adam qatysyp jatyr. Nátıjesinde baǵdarlamaǵa qatysatyn aýrýlardy statsıonarlarǵa emdeýge jatqyzý 2,5 esege tómendedi», - dedi ol.

Eljan Birtanov atap ótkendeı, 2022 jylǵa deıin memlekettik-jekeshelik áriptestikti qosa alǵanda elimizde 595 alǵashqy medıtsınalyq-sanıtarııalyq kómek nysany salynyp, jańartylady. Bul alǵashqy kómek nysandaryn úlkeıtip, olardyń qoljetimdiligin qamtamasyz etýge múmkindik beredi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT