+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstanda bilim granttary konkýrsyna qujat qabyldaý 16 shildede bastalady

2021 jylǵy 13 shilde 10:48
Bólisińiz:
Qazaqstanda bilim granttary konkýrsyna qujat qabyldaý 16 shildede bastalady

NUR-SULTAN. QazAqparat - Qazaqstanda bilim grantyn taǵaıyndaý konkýrsyna qatysý úshin qujat qabyldaý 16 shilde kúni bastalady, dep habarlaıdy QazAqparat.

Bilim jáne ǵylym mınıstrliginiń málimetinshe, qabyldaý elektrondyq formatta júzege asyrylady.

Talapkerler men olardyń ata-anasynyń densaýlyǵyn qorǵaý maqsatynda joǵary oqý oryndarynda vırtýaldy qabyldaý komıssııalary jumys istep, talapkerlerge beınebaılanys arqyly keńes beredi.

Oqýǵa túsýshiler 6 mamyr men 1 shilde aralyǵynda ótken UBT-nyń eki nátıjesiniń bireýin konkýrsqa usyna alady.

Ótinish bergen kezde talapkerler attestat, attestatqa qosymshanyń elektrondyq kóshirmelerin jáne elektrondyq qujat nysanyndaǵy kólemi 3×4 tsıfrlyq fotosýretti, sondaı-aq basqa da qujattardyń kóshirmesin qosa tapsyrýy qajet.

Eger talapker «Altyn belgi» ıegeri nemese otansúıgishtik jáne belsendi azamattyq ustanymy úshin erekshelik belgisimen marapattalǵan bolsa, onda ol basqa úmitkerlermen baldary teń bolǵan jaǵdaıda basym quqyqqa ıe bolady.

Olımpıadalar men sport jarystarynyń jeńimpazdary úshin de osyndaı artyqshylyqtar qarastyrylǵan.

Talapkerlerdiń mundaı jetistikteriniń eskerilýi úshin qujattardy tapsyrý kezinde rastaıtyn qujattardyń kóshirmelerin tirkeý qajet.

Shet tilin meńgergenin rastaıtyn halyqaralyq sertıfıkat bolǵan kezde ótinish berýshi sertıfıkattyń ataýyn, balyn kórsetedi jáne elektrondyq sertıfıkatty tirkeıdi.

Sonymen qatar bıyl bilim berý granttaryn bólý kezinde QR BǴM alǵash ret halyqtyń áleýmettik osal toptaryna kvotalar bóldi.

Endi kópbalaly nemese tolyq emes otbasynan shyqqan balalar, sondaı-aq erekshe qajettilikteri bar balalardy tárbıelep otyrǵan otbasylardaǵy talapkerlerdiń grant alý múmkindikteri joǵarylaı tústi.

Kámeletke tolmaǵan tórt jáne odan kóp bala tárbıelep otyrǵan otbasylardaǵy balalar úshin granttardyń jalpy sanynyń 5%-y, keminde úsh jyl tolyq emes otbasy mártebesi bar otbasylardan shyqqan balalarǵa – 1%, І, ІІ toptaǵy múgedek balalardy tárbıelep otyrǵan otbasylardan shyqqan túlekterge bilim berý granttarynyń 1%-y kózdelgen.

UBT qorytyndysy boıynsha keminde 65 ball jınaǵan talapkerler ulttyq joǵary oqý oryndaryna túse alady.

«Pedagogıkalyq ǵylymdar» – keminde 75 ball, «Densaýlyq saqtaý» − keminde 70 ball, «Aýyl sharýashylyǵy jáne bıoresýrstar», «Veterınarııa» – keminde 60 ball, basqa joǵary oqý oryndaryna - keminde 50 ball.

Bul rette UBT-nyń árbir páni jáne (nemese) shyǵarmashylyq emtıhan boıynsha keminde 5 ball jınaý qajet.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT