+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Qazaqstanda bilim alatyn aýǵan áıelderiniń alǵashqy toby Almatyǵa keldi

2019 jylǵy 19 qazan 09:33
Bólisińiz:
Qazaqstanda bilim alatyn aýǵan áıelderiniń alǵashqy toby Almatyǵa keldi

ALMATY. QazAqparat - Eýropalyq odaqtyń bilim berý jobasy aıasynda aýǵan áıelderiniń alǵashqy toby Qazaqstanǵa oqýǵa keldi, QazAqparat Qazaqstandaǵy EO ókildiginiń baspasóz qyzmetine silteme jasap.

Uqsas jańalyqtar

18 qazanda Almaty Management University-inde (budan ári - Alma U) Eýropalyq odaq qarjylandyratyn jáne Qazaqstandaǵy BUU Damý baǵdarlamasy júzege asyratyn jobaǵa qatysýshy otyz aýǵan áıeliniń alǵashqy toby Qazaqstanǵa oqýǵa kelýi qarsańynda resmı qabyldaý júrgizildi. Іs-sharaǵa Qazaqstandaǵy EO Elshisi Sven-Olov Karlsson, QR Syrtqy ister mınıstriniń orynbasary Roman Vasılenko, BUU DB-nyń Qazaqstandaǵy Turaqty ókili ıAkýp Berısh jáne Qazaqstandaǵy Aýǵanstan Islam Respýblıkasynyń Elshisi Mohammad Farhad Azımı qatysty. «Aýǵan stýdentteri Alma U-da ótken bir aptalyq kýrsy barysynda aldaǵy oqý baǵdarlamasymen, kampýstyń ornalasýy jáne ýnıversıtette jasalǵan jaǵdaılar, sondaı-aq Qazaqstannyń erekshelikterimen tanysty. Endi olar segiz aılyq tereńdetilgen aǵylshyn tili kýrsyn támamdaǵannan keıin qazaqstandyq ýnıversıtetterdiń bakalavrıat, magıstratýra jáne tehnıkalyq baǵdarlamalaryna oqýǵa túsýge múmkindik alady», delingen habarlamada. «Biz áıelderdiń ekonomıkalyq ósim men turaqty damýda eleýli ról atqaratynyń jáne olardyń ekonomıkalyq múmkindikteri ár eldiń órkendeýi men gúldenýi úshin mańyzdy dep sanaımyz. Eýropalyq odaq, Aýǵanstan jáne Ortalyq Azııa arasyndaǵy ortaq kózqarasqa negizdelgen nyq senimdilik, ol úsh eldi – Aýǵanstan, Qazaqstan jáne Ózbekstandy bilim salasyna qarjy bólý arqyly biriktire otyryp, olardyń arasyndaǵy áleýmettik jáne ekonomıkalyq baılanystardy nyǵaıtýǵa úles qosý. Bul ortaq qaýipsizdik máselelerin sheshýge jáne odan da beıbit ortany qurýǵa septigin tıgizedi», - dep atap ótti EO Elshisi Sven-Olov Karlsson. Eýropalyq odaq Qazaqstan jáne Ózbekstannyń joǵarǵy oqý oryndary men mamandyqqa daıarlaý ortalyqtarynda aýǵan áıelderine bilim alýǵa múmkindik beretin úshjaqty yntymaqtastyq jobasyna 2 mıllıon eýro kóleminde grant bóldi. «Áıelderdiń ekonomıkalyq múmkindikterin keńeıtý, genderlik teńdikti qamtamasyz etý jáne bilimge qoljetimdilikti jeńildetý – BUU DB-nyń álem boıynsha jumysynyń basymdyqtary. Biz budan buryn Qazaqstan Úkimetimen áriptestik aıasynda, aýǵan áıelderiniń osynda bilim alýyna múmkindik jasadyq. Atalǵan jańa bastamanyń osy jınaqtalǵan tájirıbege súıenýi jáne ony iske asyrý úshin Eýropalyq odaqtyń BUU DB-ǵa senim artqany qýantarlyq jaıt. Biz bul áriptestigimizdiń turaqtylyǵyn arttyrýǵa jumys jasaýǵa daıynbyz», - dep atap ótti BUU DB-nyń Qazaqstandaǵy Turaqty ókili ıAkýp Berısh. 2025 jylǵa deıin Qazaqstan men Ózbekstannyń oqý oryndarynda aýyl sharýashylyǵy, qoldanbaly statıstıka jáne taý-ken óndirisi salalarynda bakalavrıat, magıstratýra jáne tehnıkalyq mamandyqtar boıynsha 50 stýdent bilim alady. «BUU+Áıelder» jobasynyń seriktesi retinde olar jobaǵa qatysatyn áıelderge arnap kásipkerlik jáne netýorkıng daǵdylaryn arttyratyn jazǵy mektepter uıymdastyrady, bul olardyń ári qaraı jumysqa ornalasýyna jáne ekonomıkalyq quqyqtar men múmkindikteriniń keńeıýine jol beredi. «Atalǵan bastama áıelder úshin kásipkerlik pen jumysqa ornalasý boıynsha jańa múmkindikterdi ashyp, Aýǵanstandaǵy olardyń qaýymdastyqtarynyń damýyna úles qosady dep kútilýde. BUU DB-nyń 2018 jylǵa arnalǵan adam damýy týraly esebine sáıkes, barlyq eresek aýǵan áıelderiniń 11 paıyzy kem degende orta bilim alǵan jáne olardyń tek 19,5 paıyzy ǵana jumyspen qamtylǵan, al erler arasynda bul kórsetkishter sáıkesinshe 37 jáne 87 paıyzdy quraıdy. 2016-2017 jyldary Aýǵanstan halqynyń jartysynan kóbi kedeılik sheginde ómir súrdi», delingen habarlamada.



Bizdiń kanalymyzǵa jazylyńyz:

Basty sózder: Eýropa, BUU, Almaty, JOO-lar,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT