+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Qazaqstanda biliktilik sertıfıkaty dıplomnan joǵary bolýy kerek – mınıstr

2019 jylǵy 6 qarasha 13:55
Bólisińiz:
Qazaqstanda biliktilik sertıfıkaty dıplomnan joǵary bolýy kerek – mınıstr

NUR-SULTAN. QazAqparat – Memleketimizde ekonomıka suranysyna saı mamandar daıyndaý kerek desek – elimizde ulttyq biliktilik júıesin qalyptastyrýymyz qajet. Bul týraly Kásiptik standarttardy ázirleý jónindegi basqarýshy komıtettiń otyrysynda QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

Uqsas jańalyqtar
Tamara Dúısenova halyqaralyq sammıtte Qazaqstandaǵy eńbek naryǵynyń damýy týraly aıtty 2025 jylǵa qaraı 2,7 mıllıon adam eńbek naryǵynan shyǵady

«Ulttyq biliktilik júıesi úsh bólimnen turady. Birinshi, jumys berýshiniń jumysqa alatyn adamnyń bilimine, daǵdysyna qoıatyn talaby. Sol talapty «kásiptik standart» dep ataımyz. Ekinshi, Kásiptik standartty ázirlegennen keıin oǵan bizdiń bilim berý standarttary men baǵdarlamalary beıimdelýi kerek. Sonda bilim berý oshaqtary bıznestiń, ekonomıkanyń suranysyna saı mamandar daıyndaıdy. Sonda ǵana elimizde suranysqa saı, bilimdi, bilikti mamandar daıyndalady. Ulttyq biliktilik júıesiniń úshinshi bóligi – alǵan bilimdi táýelsiz baǵalaý, ıaǵnı sertıfıkattaý», - deıdi Birjan Nurymbetov.

Onyń aıtýynsha, dıplom – bilimdi rastaıtyn qujat, biraq damyǵan memleketterde mamannyń dıplomyna qaramaıdy.

«Damyǵan elderde mamannyń dıplomyna qaramaıdy. Olar biliktilikti rastaıtyn táýelsiz ortalyqtarǵa jiberedi. Ol ortalyq biliktiligin rastaıtyn sertıfıkat beredi. Sertıfıkattyń quny dıplomnan joǵary. Biz osyndaı júıeni qalyptastyrý ústindemiz», - deıdi mınıstr.

Sondaı-aq, jıynda Dúnıejúzilik banktiń zertteýi boıynsha, ekonomıkamyzdy tolyq qamtý úshin 550 kásiptik standart qajet ekendigi aıtyldy.

«Byltyr osy joba arqyly 70 kásiptik standart ázirlendi. Bıyl jyl sońyna deıin 480 standartty ázirleýimiz kerek. Biz ekonomıster men zańgerlerdi ǵana daıyndap jatyrmyz. Bul – úlken problema, sebebi eńbek naryǵynyń suranysy basqasha. Zertteý jumystarynyń nátıjesinde eńbek naryǵynyń 75% suranysy joǵary bilimdi mamandarǵa emes, orta arnaıy kásibı bilim mamandaryna ekeni anyqtalǵan», - deıdi ol.

Onyń aıtýynsha, ár adam balasy joǵary bilim alǵanyn, ekonomıst, zańger bolǵanyn qalaıdy, biraq eńbek naryǵynda suranys basqasha.

«Bizdiń maqsat – mamandyqtardy sol suranysqa sáıkes keltirý. Ár salanyń ereksheligi ártúrli, biraq talaby bir: «Sol saladaǵy mamandar qandaı bolý kerek?» degen talaptardy kásiptik standarttarǵa engizý. Kásibı standartty memlekettik organdar ǵana emes, dúnıejúzilik bankpen birlese isteıtin joba aıasynda jeke menshik kompanııalar da jasaıdy», - deıdi mınıstr.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT