+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qazaqstanda benzın men dızel otynynyń qory qansha

2021 jylǵy 12 sáýir 13:55
Bólisińiz:
Qazaqstanda benzın men dızel otynynyń qory qansha

NUR-SULTAN. QazAqparat – Atyraý munaı óńdeý zaýytyn 24 sáýirde iske qosý josparlanyp otyr. Bul týraly Úkimet otyrysynda bıylǵy qańtar-naýryz aılarynyń qorytyndysy boıynsha otyn-energetıka keshenin talqylaý kezinde QR Energetıka mınıstri Nurlan Noǵaev málim etti, dep habarlaıdy QazAqparat tilshisi.

Uqsas jańalyqtar
Aqmola oblysynyń tutynýshylaryna jylý úshin alynǵan 5 mln teńge qaıtarylady Prezıdent tapsyrmasy: Ekibastuzda kómir óndirisiniń kólemi azaıtylady Mańǵystaý oblysyn suıytylǵan gazben qamtamasyz etýde irkilister bolmaıdy

«Bıylǵy qańtar-naýryz aılarynyń qorytyndysy boıynsha 3 mln tonnadan astam munaı ónimderi óndirildi, bul kórsetkish esepti jyldyń qańtar-naýryz aılarynyń josparyna 96,4 paıyzdy qurady. Avtobenzın boıynsha kórsetkish 1,1 mln tonnaǵa jetti, ıaǵnı jospar 94,5 paıyzǵa oryndaldy. Óndirilgen dızel otynynyń kólemi 1 mln tonna, bul esepti aılardyń josparyna 89,7 paıyzdy qurady», - dedi mınıstr.

Onyń aıtýynsha, aǵymdaǵy jylǵy 9 sáýirdegi jaǵdaı boıynsha munaı ónimderi qorynyń deńgeıi jetkilikti, ıaǵnı 25 kúnge jetetin benzın, 27 kúnge jetetin dızel otynynyń qory bar.

«Atalǵan kórsetkishterdiń tómendeý sebepteri aǵymdaǵy jyldyń qańtar aıynda Atyraý munaı óńdeý zaýytynda elektr energııasyn jetkizýde paıda bolǵan irkiliske baılanysty. Bul tehnologııalyq qondyrǵylardyń (katalıtıkalyq krekıng jáne onymen baılanysty qondyrǵylar, katalıtıkalyq rıformıng, benzın men dızeldi gıdrotazalaý, kúkirt óndirý qondyrǵylarynyń) avarııalyq toqtaýyna ákeldi, sonyń saldarynan jóndeý jáne qalpyna keltirý jumystaryn júrgizý qajettiligi týyndady», - dedi N. Noǵaev.

Osy oraıda alǵashqy jospar boıynsha jóndeý jumystaryn 4 sáýirde aıaqtap, zaýytty tolyq qýatyna shyǵarý 10 sáýirge josparlanǵan bolatyn. Aqaýlardy anyqtaý barysynda qosymsha jóndeý sharalaryn qabyldaý qajet ekeni anyqtaldy. Atalǵandardy eskere otyryp, Atyraý munaı óńdeý zaýytyn 24 sáýirde iske qosý josparlanyp otyr.

«Atyraý munaı óńdeý zaýytynyń qondyrǵylaryn jóndeý barysynda elimizde munaı ónimderiniń tapshylyǵyn boldyrmaý maqsatynda Energetıka mınıstrligi «QazMunaıGaz» UQ-men birlesip, Shymkent munaı óńdeý zaýytynda 25 naýryz – 10 mamyr arasynda josparlanǵan kúrdeli jóndeý jumystarynyń merzimderin 1 mamyr-10 maýsymǵa aýystyrý týraly sheshim qabyldady», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT