+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Qazaqstanda bankter aktıvteriniń sapasy qandaı

2020 jylǵy 28 aqpan 15:43
Bólisińiz:
Qazaqstanda bankter aktıvteriniń sapasy qandaı

NUR-SULTAN. QazAqparat – Qazaqstan Ulttyq banki men Qarjy naryǵyn retteý jáne damytý agenttigi ekinshi deńgeıli bank aktıvteriniń sapasyn baǵalaý jónindegi jumys nátıjelerin jarııalady. Bul týraly QazAqparat Banktiń baspasóz qyzmetine silteme jasap habarlaıdy.

Qazaqstan Respýblıkasynyń Tuńǵysh Prezıdenti Nursultan Nazarbaevtyń 2019 jylǵy

30 qańtardaǵy jáne Qazaqstan Respýblıkasynyń Prezıdenti Qasym-Jomart Toqaevtyń 2019 jylǵy 24 sáýirdegi tapsyrmalaryna sáıkes Ulttyq bank Qazaqstan Respýblıkasynyń Qarjy naryǵyn retteý jáne damytý agenttigimen birlese otyryp,
2019 jyly bank sektory aktıvteriniń sapasyna táýelsiz baǵalaý (budan ári – ASB) júrgizdi.

ASB baǵdarlamasyna ekinshi deńgeıdegi 14 bank qatysty, olardyń úlesine aktıvterdiń 87%-y jáne bankterdiń jalpy nesıe portfeliniń 90%-y tıesili. Qazaqstan bankteriniń jaı-kúıin baǵalaý Eýropa Ortalyq bankiniń (budan ári – EOB) ádisnamasyna sáıkes Qazaqstan naryǵynyń ereksheligine azdap túzetýler engize otyryp júrgizildi. Mundaı tásil alynǵan nátıjelerdi uqsas sheteldik baǵdarlamalardyń nátıjelerimen salystyrýdy qamtamasyz etti.

2019 jylǵy 1 sáýirdegi jaǵdaı boıynsha ASB nátıjeleri júıelik deńgeıde, sol sııaqty ASB-ǵa qatysqan jekelegen bankter deńgeıinde de kapıtal tapshylyǵynyń joq ekenin rastaıdy. AQR qatysýshy bankterdiń salymshylary úshin táýekelder joq.

ASB-ǵa deıingi ~105%-ben salystyrǵanda ASB túzetýlerin eskere otyryp shoǵyrlandyrylǵan deńgeıde k1 kapıtalynyń retteýshilik mınımýmǵa qatysty artýy ~70%-dy quraıdy. Osylaısha, 2019 jylǵy 1 sáýirde ASB nátıjeleri boıynsha kapıtal qory júıelik deńgeıde shamamen 800 mlrd teńge boldy. Ortasha alǵanda bankter boıynsha kapıtal jetkiliktiliginiń koeffıtsıenti táýekel boıynsha saralanǵan aktıvter somasynyń shamamen 13%-yn, al QUB normatıvi 7,5%-dy quraıdy.

Ulttyq banktiń qarjylyq ornyqtylyǵyn arttyrý baǵdarlamasy sheńberinde kapıtaldy tolyqtyrý jáne táýekelderdi shekteý mindettemelerin qabyldaǵan bankter boıynsha aktıvterdi qorǵaýdyń qosymsha quraly aıqyndaldy. Úkimettiń, Ulttyq Banktiń jáne QR Qarjy naryǵyn retteý jáne damytý agenttiginiń qajetti sheshimderi qabyldandy jáne árbir qatysýshy bankpen jasalǵan tıisti kelisimderge barlyq taraptar qol qoıdy. Baǵdarlama bank aktsıonerleriniń mindetti túrde qatysýymen óteýsiz jáne aqyly negizde iske asyrylady.

ASB iske asyrylǵan ýaqytta atalǵan bankterdiń jańa kepilder qabyldaý, problemalyq qaryzdardyń bir bóligin óteý, provızııalar men esepten shyǵarý arqyly shyǵyndardy kórsetý bóliginde aktıvterdiń sapasyn jaqsartý boıynsha eleýli jumys júrgizgenin eskere otyryp sheshimder qabyldandy. Bul rette bankter men olardyń aktsıonerleri baǵdarlamanyń búkil qoldanylý merzimi ishinde olardy Baǵdarlamadan tez arada shyǵarýǵa yntalandyratyn qatań mindettemelerqabyldady.

ASB nátıjeleri boıynsha protsesterdiń, derekterdiń, saıasattar men bankter rásimderiniń sapasyn jaqsartý baǵyttary aıqyndaldy. Usynystar men túzetý
is-sharalaryn tolyq oryndaý bank salymshylarynyń múddelerin qorǵaýdy qamtamasyz etedi, táýekelderdiń jınaqtalýyn boldyrmaıdy jáne qarjy júıesiniń ishki jáne syrtqy kútpegen ózgeristerge ornyqtylyǵyn arttyrady.

Bankter úshin túzetý sharalarynyń negizgi qaǵıdattary anyqtaldy jáne qazirgi kezde banktiń is-sharalar josparynda atalǵan sharalardy qoldanystaǵy saıasattar men rásimderde jan-jaqty kórsetý úshin naqtylanýda. Bul jumys 2020 jylǵy naýryzdyń sońyna deıin aıaqtalady.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT