+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstanda balyq ósirý jylyna 270 myń tonnaǵa deıin ulǵaıtylmaq

2021 jylǵy 28 maýsym 16:58
Bólisińiz:
Qazaqstanda balyq ósirý jylyna 270 myń tonnaǵa deıin ulǵaıtylmaq

NUR-SULTAN. QazAqparat - Ekologııa, geologııa jáne tabıǵı resýrstar mınıstrligi Balyq sharýashylyǵy komıtetiniń tóraǵasy Narıman Júnisov tıisti baǵdarlama aıasynda balyq ósirý qandaı deńgeıde ulǵaıtylatynyn aıtty, dep habarlaıdy QazAqparat tilshisi.

«Memleket basshysy 2020 jylǵy qyrkúıektegi joldaýynda balyq sharýashylyǵyna erekshe mán berý kerektigin atap ótti. Osyǵan oraı balyq sharýashylyǵyn damytý máseleleri Úkimettik deńgeıde birneshe ret qaraldy. Nátıjesinde, balyq sharýashylyǵyn damytýdyń 2030 jylǵa deıingi baǵdarlamasy bekitildi. Baǵdarlamada qolda bar áleýetti eskere otyryp, 2030 jylǵa qaraı ósirilgen balyq kólemin jylyna 270 myń tonnaǵa deıin ulǵaıtý mindeti qoıylǵan. Ósirý kólemin ulǵaıtý balyq ósirýge jaramdy sý aıdyndaryn paıdalaný, sondaı-aq jańa ınvestıtsııalyq ındýstrııalyq balyq ósirý jobalaryn iske asyrý jáne jumys istep turǵan sharýashylyqtardy jobalyq qýatyna deıin jetkizý esebinen josparlanyp otyr», - dedi N. Júnisov Ortalyq kommýnıkatsııalar qyzmetinde.

Onyń aıtýynsha, 2030 jylǵa deıin 1283 jańa balyq ósirý sharýashylyǵy qurylady jáne jumys istep turǵan 288 sharýashylyqtaǵy ósirý kólemi ulǵaıtylady. Jobalar ár óńirdiń erekshelikterine qaraı bólindi jáne jergilikti atqarýshy organdar bekitken balyq sharýashylyǵyn damytýdyń óńirlik baǵdarlamalarynda kórsetildi.

«Qoıylǵan maqsattarǵa qol jetkizý úshin 10 jyl ishinde 340 mlrd teńge jeke ınvestıtsııalar tartý jáne memlekettik bıýdjetten shamamen 200 mlrd teńge bólý kózdelip otyr. 2021 jyly jumys istep turǵan balyq ósirý sharýashylyqtary esebinen 12,8 myń tonna balyq ósirý josparlanǵan. Jyl basynan beri 7,6 myń tonna taýarly balyq ósirildi», - dedi komıtet basshysy.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT