+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Qazaqstanda balalardy josparly vaktsınalaý týraly resmı aqparattyq resýrs iske qosyldy

2021 jylǵy 8 qyrkúıek 11:23
Bólisińiz:
Qazaqstanda balalardy josparly vaktsınalaý týraly resmı aqparattyq resýrs iske qosyldy

NUR-SULTAN. QazAqparat - Búgin Qazaqstanda alǵash ret Ulttyq vaktsınatsııa kúntizbesine sáıkes balalar vaktsınalary týraly barlyq qajetti aqparat jınaqtalǵan biryńǵaı resmı resýrs iske qosyldy, dep habarlaıy QazAqparat ıÝNISEF-tiń baspasóz qyzmetine silteme jasap.

Uqsas jańalyqtar
Qazaqstanda koronavırýstan emdelip jatqan 170 naýqastyń jaǵdaı óte aýyr Qazaqstanda ótken táýlikte koronavırýs pnevmonııasynan 10 adam qaıtys boldy Epıdahýaldy baǵalaý matrıtsasy: Qyzylorda oblysy qaıtadan «sary» aımaqqa ótti

BUU Balalar Qory (ıÝNISEF) Sanıtarlyq-epıdemıologııalyq baqylaý komıtetimen, Qazaqstan Respýblıkasy Densaýlyq saqtaý mınıstrliginiń Qoǵamdyq densaýlyq saqtaý ulttyq ortalyǵymen (QR DSM QDSUO), AQSh Halyqaralyq damý agenttiginiń (USAID) qarjylyq qoldaýymen balalardyń josparly vaktsınatsııasy týraly resmı aqparat pen medıtsınalyq zertteýlerdiń nátıjeleri jınaqtalǵan saıt ázirledi.

Birneshe aı boıy MedSupport dárigerleri men ǵalymdar toby ıÝNISEF-pen birlesip qajetti derekterdi iriktep, ata-analar men Qazaqstandaǵy ımmýndaý taqyrybyna qyzyǵýshylyq tanytatyn adamdar úshin EGU.kz saıtynyń qurylymy, ınterfeısi jáne kontentin barynsha qolaıly etý boıynsha jumys júrgizdi.

Aqparattyq resýrsta Ulttyq vaktsınatsııa kúntizbesine engizilgen árbir vaktsınanyń tolyq sıpattamasy bar. Saıtqa kirgen kez-kelgen adam vaktsına qorǵaıtyn ınfektsııalarmen tanysyp, qarsy kórsetilimder men yqtımal janama áserler týraly oqı alady.

Saıttyń iske qosylýymen árbir qazaqstandyq ata-ana aýtızm jáne QPQ vaktsınasy týraly mıftiń qalaı paıda bolǵany, nelikten balalar ekpelerinde synap joq ekendigi, sondaı-aq ınektsııa ornyn sýlaýǵa bolatyny álde bolmaıtyny jaıly biletin bolady. Sondaı-aq vaktsınatsııa týraly mıfterdiń tolyq tizimi men olardy áshkerleıtin senimdi aqparattar týraly biledi.

«Vaktsınatsııa máseleleri kópshilik pen buqaralyq aqparat quraldaryn jıi alańdatady. EGU.kz saıtynyń negizgi mindeti – vaktsınalar týraly tolyq jáne senimdi aqparat berý jáne respýblıkada vaktsınatsııalaý jumystaryn uıymdastyrý. Bul platforma vaktsınatsııa salasyndaǵy tájirıbeli mamandar jáne ǵalymdar men halyqtyń arasyndaǵy ashyq jáne shynaıy dıalogyna arnalǵan, dıalogtyń arqasynda árkim óz suraqtaryna kásibı jáne ǵylymı negizdelgen jaýaptar ala alady», - dedi Aıjan Serikbaıqyzy Esmaǵambetova, Qazaqstan Respýblıkasy Densaýlyq saqtaý mınıstrliginiń Sanıtarlyq-epıdemıologııalyq baqylaý komıtetiniń tóraıymy.

Saıt qazaq jáne orys tilderinde qoljetimdi. Kórý qabileti buzylǵan adamdarǵa arnalǵan nusqa da bar.

«Vaktsınatsııa – ata-analar úshin balalaryn juqpaly aýrýlardyń aýyr zardaptarynan qorǵaýdyń jalǵyz, eń tıimdi jáne balamasy joq ádis. Egu.kz saıtynda siz vaktsınatsııa týraly durys, dáleldi jáne negizdelgen aqparatty ala alasyz», - dedi Qazaqstan Respýblıkasy Densaýlyq saqtaý mınıstrligi Ulttyq qoǵamdyq densaýlyq saqtaý ortalyǵy basqarma Tóraǵasynyń orynbasary Aınagúl Qýatbaeva.

Resmı resýrsta Vaktsınatsııa kúntizbesi, Vaktsınatsııa ortalyqtary, Vaktsınalar men aýrýlar, mıfter, Suraqtar men jaýaptar sııaqty aıdarlar bar. EGU.kz saıtynda ata-analar vaktsınalardyń túrleri týraly aqparatqa qol jetkizip, olardyń qaýipsizdigin tekserýdiń barlyq kezeńderi týraly biledi jáne olardy mazalaıtyn suraqtarǵa jaýap ala alady. Saıt sonymen qatar vaktsınatsııa tarıhyna qysqasha sholý jasaıdy jáne vaktsınamen basqarylatyn birqatar juqpaly aýrýlardy jeńý jolyndaǵy adamzattyń alǵashqy qadamdaryn sıpattaıdy. Aldaǵy ýaqytta ol balalardy josparly vaktsınatsııalaý týraly ózekti statıstıkalyq derektermen tolyqtyrylatyn bolady.

«Vaktsınalardy oılap shyǵarý – medıtsınanyń eń úlken jetistigi. Ózińizdi jáne balańyzdy densaýlyqqa qaıtymsyz zııan keltiretin, keıde ólimmen aıaqtalatyn qorqynyshty aýrýlardan qorǵaýdyń eń tıimdi jáne keıde jalǵyz joly bolyp tabylady. 21 ǵasyrda keıbir ata-analar balalaryn vaktsınatsııalaýdyń tıimdiligi men qajettiligine qatysty áli de kúmándanýda. Durys jáne aqparattandyrylǵan tańdaý jasaýǵa kómektesý úshin ıÝNISEF óziniń seriktesterimen birge buryn Qazaqstanda bolmaǵan biregeı saıt ázirledi. Ulttyq vaktsınatsııa kúntizbesine kiretin vaktsınalar týraly barlyq aqparatty tabý ońaı jáne jeńil bolatyn alań. Bul saıt ata-analar úshin óz balasyn vaktsınatsııalaý týraly mańyzdy sheshim qabyldaýda paıdaly qural bolady dep senemin», - dep belgilep ótti Qazaqstandaǵy ıÝNISEF Ókili Artýr van Dızen.

Saıt turǵylyqty jerge eń jaqyn vaktsınatsııa ortalyǵyn tabýǵa múmkindik beretin yńǵaıly kartamen jabdyqtalǵan. Balańyzǵa josparly egýdi umytyp ketpeý úshin ata-analar elektrondy kúntizbege vaktsınany ýaqytynda qoıý qajettiligi týraly eskertý fýnktsııasyn qoldana alady.

«Biz osy jobanyń bir bóligi bolǵanymyzǵa qýanyshtymyz. EGU.KZ saıty qazaqstandyq sábılerdiń qaýipsiz jáne salaýatty balalyq shaǵy úshin ata-analardyń taptyrmas kómekshisi bolady!» - dep túsindirdi Medsupport Komandasy.

Saıt ıÝNISEF Qazaqstan men Qazaqstan Respýblıkasy Densaýlyq saqtaý mınıstrliginiń ımmýndaý júıesin kúsheıtý jónindegi birlesken baǵdarlamasy sheńberinde ázirlengen.

«Immýndaý ómirdi ǵana qutqaryp qoımaıdy, sondaı-aq balalarǵa, áıelderge jáne otbasylarǵa órkendeýge múmkindik beredi. Bul mańyzdy veb-saıtta berilgen aqparat adamdarǵa vaktsına arqyly aldyn alatyn aýrýlardyń qaýpinen qorǵanýǵa kómektesedi. Nátıjesinde balalar mektepte bolyp, ata-analar óz otbasyna qamqorlyq jasap, qoldaý kórsetý arqyly óz qoǵamdastyǵy men eliniń ekonomıkalyq ósýine yqpal ete alady», - USAID/Ortalyq Azııa mıssııasy dırektorynyń mindetin atqarýshy, Pıter ıAng.

Qazaqstan Respýblıkasy Densaýlyq saqtaý mınıstrligi Ulttyq qoǵamdyq ortalyǵynyń qyzmeti týraly tolyq aqparatty https://hls.kz/ saıtynan jáne Facebook , Instagram , Telegram áleýmettik jelilerinen bile alasyz.

ıÝNISEF óz qyzmetin ár balanyń quqyqtary men ál-aýqatyn qamtamasyz etý maqsatynda júzege asyrady. ıÝNISEF óziniń seriktesterimen birlesip, álemniń 190 eli men aýmaqtarynda óz mindettemelerin júzege asyrý maqsatynda jumys isteıdi, bul rette neǵurlym az qamtylǵan jáne oqshaýlanǵan balalardy qamtý máselesine; balalardyń ıgiligine, álemniń barlyq buryshtarynda erekshe nazar aýdarady.

ıÝNISEF-tiń qyzmeti týraly tolyq aqparat www.unicef.org saıtynda bar.

Instagram, Facebook jáne Twitter jelilerindegi paraqshalarymyzǵa jazylyńyz.

USAID damý jónindegi jetekshi halyqaralyq agenttik jáne damý nátıjelerine qol jetkizýge yqpal etetin katalızator bolyp tabylady. USAID jumysy AQSh-tyń ulttyq qaýipsizdigi men ekonomıkalyq órkendeýin alǵa tartady, amerıkandyq jomarttyqty kórsetedi jáne alýshynyń ózin-ózi qamtamasyz etýi men turaqtylyǵyna jol ashady. Qosymsha aqparat alý úshin Facebook paraqshasy men Ortalyq Azııadaǵy USAID saıtyna kirińiz: https://www.facebook.com/USAIDCentralAsia


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT