+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Qazaqstanda BAQ ókilderin qoldaýǵa arnalǵan sharalar qabyldanady

2021 jylǵy 27 qyrkúıek 15:21
Bólisińiz:
Qazaqstanda BAQ ókilderin qoldaýǵa arnalǵan sharalar qabyldanady

NUR-SULTAN. QazAqparat – Elimizde BAQ jumysy men sala mamandaryn qoldaýǵa arnalǵan birqatar sharalar qabyldanbaq. Bul týraly QR Aqparat jáne qoǵamdyq damý vıtse-mınıstri Kemelbek Oıshybaev málim etti, dep habarlaıdy QazAqparat tilshisi.

Uqsas jańalyqtar
Ystanbulda Túrki keńesiniń medıaforýmy ótip jatyr

«BAQ ókilderin qoldaý sharalary qabyldanady, ol óz kezeginde medıanyń damýyna oń áserin tıgizetini sózsiz. Atap aıtqanda, tilshilerge talap qoıý (sotqa aryzdaný) merzimin 1 jylǵa deıin qysqartý qarastyrylyp otyr. Qazirgi ýaqytta tilshilerge talap qoıý merzimi shektelmegen. Osy oraıda 1-2 jyldan keıin, tipti 10 jyldan keıin de BAQ-taǵy faktilerdi teriske shyǵarý talabymen aryz berilgenine kýá boldyq. Bul BAQ jumysy úshin aıtarlyqtaı kedergi», - dedi K. Oıshybaev.

Sondaı-aq, vıtse-mınıstrdiń sózine sensek, tótenshe jaǵdaı kezinde jáne qaýipti jerlerde jumys istegen BAQ ókilderiniń áleýmettik mártebesin anyqtaý boıynsha jeke jumys júrgiziledi.

«Sonymen qatar, elimizde BAQ-tyń jekelegen túrlerin tirkeýdi ońtaılandyrý boıynsha usynystar ázirlenip jatyr. Bul rette BAQ aldaǵy ýaqytta da qoljetimdi, tekserilgen aqparat kózi jáne aýdıtorııa senimine ıe bolýy tıis. Jáne zań aıasynda belgilengen strategııaǵa saı jumys isteýi tıis. Bir sózben aıtqanda, aqparat taratý tásili, tehnologııasy men quraly qanshalyqty ózgerse de, bizdiń basty qaǵıdattarymyz ózgerissiz qalady. Ol degenimiz - aqparat berýdegi jedeldilik, anyqtyq jáne konstrýktıvtilik», - dep túıindedi mınıstr orynbasary.

Buǵan deıin K. Oıshybaev otandyq medıa naryqqa ólshem jasalyp jatqanyn aıtty.

Onyń aıtýynsha, medıa tutynýshylardy kóbinese qandaı kontentter qyzyqtyrady jáne ony qaıdan taýyp qaraıtyny anyqtalmaq.

Aıta ketsek, mınıstr orynbasary «Astana Media Week – 2021» medıa aptalyǵy aıasyndaǵy «Medıany damytý strategııasy» atty dóńgelek ústel barysynda baıandama jasady.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT