+7 (701) 759 90 19
USD 428.07 EUR 507.61
RUB 5.62 CNY 65.15
Jańalyqtar

Qazaqstanda avtordan ádebıetterdi satyp alý tártibi ózgeredi

2020 jylǵy 22 qazan 10:34
Bólisińiz:
Qazaqstanda avtordan ádebıetterdi satyp alý  tártibi ózgeredi

NUR-SULTAN. QazAqparat - Qazaqstanda avtordan ádebıetterdi belgili bir merzimge satyp alý tártibi engiziledi. Bul týraly Senattyń jalpy otyrysynda QR Mádenıet jáne sport mınıstri Aqtoty Raıymqulova aıtty, dep habarlaıdy QazAqparat tilshisi.

«2017 jyly depýtattyq korpýstyń arqasynda alǵash ret zańnamalyq deńgeıde avtorlarǵa qoǵamdyq mańyzy bar ádebıet úshin qalamaqy tóleý tájirıbesi engizildi. Bul basqa elderde bolmaǵan jaǵdaı. Alaıda, is júzinde yńǵaısyz qaıshylyqtar paıda boldy. Atap aıtqanda, avtordan ádebıetterdi satyp alý avtorlyq quqyqtyń barlyq merzimine memleketke avtorlyq quqyqty berýdi kózdeıdi. Ol avtordyń ómir súrgen kezindegi merzim jáne odan keıingi 70 jyl. Bul turǵyda memleket ádebıetti ony memlekettik kitaphanalarǵa óteýsiz negizde taratý úshin ǵana satyp alatynyn aıta ketken jón», - dedi «Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly» QR Zańynyń jobasy jóninde baıandama jasaǵan mınıstr.

Onyń aıtýynsha, óz kezeginde avtordyń qaıta shyǵarýǵa nemese kitap dúkenderine satýǵa nemese ony basqa joldar arqyly satýǵa quqy joq.

«Bul jaǵdaıda memlekettiń halyqqa mádenı ónimniń qoljetimdiligin qamtamasyz etý jónindegi mindeti oryndalmaıdy, kerisinshe shektelip otyr. Osyǵan oraı, jobada elimizdiń kitaphanalaryna ádebıetti basyp shyǵarý jáne taratý maqsatynda avtordan ádebıetterdi belgili bir merzimge satyp alý qarastyrylyp otyr. Odan ári, avtor ony basyp shyǵarýǵa jáne Qazaqstan Respýblıkasynyń zańdarymen tyıym salynbaǵan kez kelgen basqa joldarmen taratýǵa quqyly bolady», - dedi Aqtoty Raıymqulova.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT