+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Qazaqstanda aýrýhanalar qurylysyna sheteldik ınvestıtsııalar tartylady

2019 jylǵy 12 maýsym 10:30
Bólisińiz:
Qazaqstanda aýrýhanalar qurylysyna sheteldik ınvestıtsııalar tartylady

NUR-SULTAN. QazAqparat - Sheteldik kompanııalar Túrkistan jáne Petropavl qalalarynda medıtsınalyq mekemeler salady, dep habarlaıdy QazAqparat primeminister.kz silteme jasap.

QR Premer-Mınıstri A. Mamın QR Tuńǵysh Prezıdenti - Elbasy N. Nazarbaevtyń «Áleýmettik qamqorlyq» áleýmettik sharalaryn iske asyrý jáne Memleket basshysy Q. Toqaevtyń qazaqstandyqtardyń densaýlyǵyn saqtaý máseleleri jónindegi tapsyrmalaryn oryndaý aıasynda memlekettik-jekeshelik áriptestik tetigi boıynsha jańa densaýlyq saqtaý nysandaryn salý týraly kelisimge qol qoıý rásimine qatysty.

Petropavl qalasynda konsýltatıvtik-dıagnostıkalyq ortalyǵy bar 500 tósek-oryndyq kópbeıindi oblystyq aýrýhana qurylysynyń jobasy týraly qujatqa Soltústik Qazaqstan oblysynyń ákimi Q. Aqsaqalov pen «YDA Holding» túrik kompanııasynyń basqarma tóraǵasy A. Hýseın qol qoıdy. Aýrýhana kesheni 7 kópbeıindi, tozǵan jáne bólek-bólek nysandardyń ornyna salynatyn bolady.
null

Taǵy bir kópbeıindi aýrýhana Túrkistan qalasynda salynady. Túrkistan oblysynyń ákimi Ó. Shókeev, «BI-Holding» kompanııasy konsortsıýmy baqylaýshy keńesiniń tóraǵasy A. Rahymbaev jáne «YDA Holding» túrik kompanııasynyń basqarma tóraǵasy A. Hýseın 610 tósek-oryndyq kópbeıindi oblystyq medıtsınalyq ortalyq qurylysynyń jobasy boıynsha ózara yntymaqtastyq týraly qujatqa qol qoıdy. Aýrýhanada onkologııalyq jáne kardıologııalyq bólimder, perınataldi ortalyq, jedel medıtsınalyq járdem stantsııasyn jáne t.b ashý kózdelgen. Nysan qurylysyn 2022 jyly aıaqtaý josparlanǵan.

Qurylysqa, eki medıtsınalyq nysandy jabdyqtaýǵa tartylatyn ınvestıtsııalardyń jalpy kólemi 50 mlrd teńege jýyq somany quraıdy.
null

Aıta keteıik, bul jobalar densaýlyq saqtaý ınfraqurylymdaryn damytýdyń óńirlik perspektıvaly josparlary aıasynda iske asyrylady.

Investor kompanııanyń basqarma tóraǵasy A. Hýseın atap óktendeı, Qazaqstandaǵy ınvestıtsııalyq ahýal qolaıly jáne ınvestorlar úshin jobalardy júzege asyrýyna barlyq jaǵdaılar jasalǵan.

Qabyldanyp jatqan sharalar elimizdiń aýrýhana sektorynyń ınfraqurylymyn jańartyp, ishki suranysty qanaǵattandyryp, kórsetiletin medıtsınalyq qyzmetterdiń sapasyn, qoljetimdiligin jáne ýaqyttylyǵyn arttyrady, sondaı-aq Ortalyq Azııa men TMD elderi úshin medıtsınalyq týrızm ortalyǵyna aınalýǵa múmkindik beredi.

Bizdiń kanalymyzǵa jazylyńyz:

Basty sózder: QR Úkimeti, Medıtsına, Qurylys,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT