+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstanda Armııa halyqaralyq oıyndary aıaqtaldy

2019 jylǵy 15 tamyz 18:44
Bólisińiz:
Qazaqstanda Armııa halyqaralyq oıyndary aıaqtaldy

NUR-SULTAN. QazAqparat - Qazaqstannyń «Otar» 40-nshy áskerı bazasynyń polıgonynda ótken áskerı oıyndardyń saltanatty jabylýy ótti, dep habarlaıdy QR Qorǵanys mınıstrliginiń baspasóz qyzmeti.

Uqsas jańalyqtar
«Álem jaýyngeri»: El áskerinde úzdik bitimger anyqtalady Qazaqstanda áskerılerdiń dene daıarlyǵy qalaı júrgiziledi Jambyl oblysynda jedel-taktıkalyq oqý-jattyǵý ótti

Baspasóz málimetterine qaraǵanda, búgin sonymen qatar jeke jáne komandalyq synaqta úsh konkýrstyń jeńimpazdary men júldegerlerin marapattaý rásimi ótti.

Atalǵan oıyndardyń biri «Senimdi qabyldaý» saıysynda qazaqstandyq áskerı baılanysshylar naǵyz jeńimpaz atandy, al ekinshi oryndy Reseı men Qytaı ózara bólisti, úshinshi oryn – Belarýs eliniń enshisinde. Budan ózge, saıysta joǵary kásibılik kórsetip, jeke atalymdar men marapattarǵa ıe bolǵan birqatar qatysýshy atalyp ótti.


Baılanysty qabyldaýda jáne tyńdaýda qazaqstandyq komandanyń serjanty Nurbol Aldabergenov úzdik radıotelegrafıst dep tanyldy. Qazaqstandyq komandanyń taǵy bir ókili kishi serjant Dıdar Seısebaev radıobaǵdarlaý boıynsha úzdik sprınt jáne úzdik maman retinde ataldy. Saıystyń úzdik mergeni – Belarýs komandasynyń aǵa leıtenanty Evgenıı Brıl, radıobaǵdarlama berý jónindegi úzdik radıotelegrafıst – qytaılyq kishi serjant Hýan Shen boldy. Ushqyshsyz ushý qurylǵylary eseptoptarynyń arasyndaǵy «Suńqar salý» saıysynda Qazaqstan birinshi oryn aldy. Komanda qarsylastaryn daıyndyq jyldamdyǵy men ushqyshsyz ushý qurylǵylarynyń ushý nátıjelerimen anyqtady, baqylaý núktesiniń baǵytymen ushyp ótýde qazaqstandyqtar úzdik nátıje kórsetti. Ekinshi oryn Reseı men Belarýs, úshinshi oryn – Irannyń qanjyǵasyna baılandy.


Jeke synaqta ırandyq kapıtan Mohhamad Dehgan UUQ úzdik operatory atandy, úzdik mergen – Belarýs aǵa leıtenanty Vladıslav Rostovskıı, al Reseılik kapıtan Dmıtrıı Posevın UUQ úzdik tehnık dep tanyldy.

Armııa oıyndarynyń aýqymdy konkýrstarynyń biri – «Artıllerııa atysynyń sheberleri» boıynsha - altyn medal Qazaqstan áskerı qyzmetshileriniń qorjynynda, kúmis júldege reseılikter laıyq dep tanylsa, qola júlde ózbek aǵaıyndarǵa buıyrdy. Bul saıysta Qazaqstan komandasynyń birinshi mına atqyshtar toby úzdik mına atqysh eseptop atandy, qazylar alqasynyń sheshimi boıynsha qazaqstandyq áskerı qyzmetshi - Ǵaıbýtdın Ábdirahmanov ózin úzdik granata atqysh retinde kórsetti. Aǵa serjant Vıacheslav Emelıanov (Reseı) úzdik mına atqysh komandıri, serjant Farýh Odılov (Ózbekstan) úzdik mehanık, al serjant Hıkmet Atakashıev (Ázerbaıjan) úzdik kózdeýshi atandy.


Qazaqstan áskerı oıyndardy óz jerinde tórt jyl qatarynan ótkizýde. Jyl saıyn elimizge túrli elderden jáne kontıgentterden áskerı kásipqoılar halyqaralyq deńgeıdegi sheberlikterin kórsetýge keledi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT