Qazaqstanda árbir azamat jylyna shamamen 200 dana jumyrtqa jeıdi
2022 jylǵy 20 maýsym 13:24

Qazaqstanda árbir azamat jylyna shamamen 200 dana jumyrtqa jeıdi

NUR-SULTAN. QazAqparat – 2022 jyldyń qańtar-sáýir aılarynda sharýalar 1,6 mlrd dana jumyrtqa óndirdi. Bul bir jyl burynǵy kórsetkishten 12,1 paıyz artyq, dep habarlaıdy QazAqparat energyprom.kz saıtyna silteme jasap.

Óńirlik turǵyda jumyrtqa óndirý jaǵynan birinshi oryndy Almaty oblysy tur – 300,3 mln dana jumyrtqa jáne ónim ósimi 27,5% quraǵan.

Óndiris jaǵynan kósh bastap turǵan óńirler arasynda sondaı-aq Aqmola oblysy (233,4 mln dana, mınýs 1,8%) jáne Soltústik Qazaqstan oblysy (213,7 mln dana, ósim 2,2 eseni kórsetti) bar.

Jalpy, 2021 jyldyń qańtar-jeltoqsan aılarynda elimizde 4,8 mlrd dana jumyrtqa óndirildi. Bul bir jyl burynǵy kórsetkishten 4,5% az. Buǵan deıin 2019-2020 jyldary da elimizde óndiristiń quldyraýy baıqalǵan. 2021 jyly bir qazaqstandyqtyń jumyrtqany ortasha tutynýy jylyna 193,9 jumyrtqany nemese aıyna 16,2 jumyrtqany qurady. Bul bir jyl burynǵy kórsetkishten 2,6% az.

Sondaı-aq qala turǵyndarynyń aýyldyqtarǵa qaraǵanda jumyrtqany kóbirek tutynatyny belgili boldy. Jan basyna shaqqanda ortasha alǵanda jylyna 211,9 dana (aýylda168,2 dana). Jumyrtqany kóp jeıtinder Qostanaı oblysynda turady: ótken jyly oblystyń bir turǵynyna shaqqandaǵy ortasha tutyný 259,8 jumyrtqany qurady, plıýs jylyna 2,3%. Úzdik «úshtikke» Qaraǵandy men Aqmola oblystary da kirdi. Eń tómengi kórsetkishter Mańǵystaý oblysynda tirkeldi.


Uqsas jańalyqtar

Jańalyqtar

Úrdis

MURAǴAT