+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Qazaqstanda apta ishinde oryn alǵan taǵaıyndaýlar

2020 jylǵy 19 qańtar 11:50
Bólisińiz:
Qazaqstanda apta ishinde oryn alǵan taǵaıyndaýlar

NUR-SULTAN. QazAqparat - Ótip bara jatqan apta ishinde elimizdiń ortalyq jáne jergilikti atqarýshy organdarynda birqatar kadrlyq aýys-túıis oryn aldy. QazAqparat osy taǵaıyndaýlardy oqyrman nazaryna usynady.

Sonymen QR Prezıdenti Qasym-Jomart Toqaevtyń Jarlyǵymen Áset Órentaıuly Isekeshev Qazaqstan Respýblıkasy Prezıdentiniń kómekshisi – Qaýipsizdik Keńesiniń Hatshysy bolyp taǵaıyndaldy

Áset Órentaıuly 1971 jyly Qaraǵandy qalasynda týǵan. 1994 jyly Ál-Farabı atyndaǵy QazMÝ-diń zań fakýltetin, 1998 jyly Qazaqstan Respýblıkasy Prezıdenti janyndaǵy Joǵary memlekettik basqarý mektebin aıaqtady. 1995-1997 jyldary Medeý aýdany prokýrorynyń taǵylymdamadan ótýshisi, kómekshisi, aǵa kómekshisi; UJMBM tyńdaýshysy (1997-1998 jyldary). 1998-1999 jyldary Qazaqstan Respýblıkasynyń Strategııalyq josparlaý jáne reformalar agenttiginiń bas mamany, 1999-2000 jyldary Qazaqstan Respýblıkasy Ádilet mınıstrligi Ortalyq jáne jergilikti organdardyń normatıvtik quqyqtyq aktilerin tirkeý jáne baqylaý departamentiniń dırektory bolyp jumys istedi. 2000-2001 jyldary - Qazaqstan Respýblıkasy Ádilet mınıstrligi janyndaǵy «Ulttyq zań qyzmeti» JAQ prezıdenti, 2002 jylǵa deıin jeke sektorda jumys istedi. 2002 jylǵy qarasha - 2003 jylǵy maýsym - Qazaqstan Respýblıkasy Ekonomıka jáne bıýdjettik josparlaý mınıstriniń keńesshisi. 2003 jyldan bastap, Qazaqstan Respýblıkasy Indýstrııa jáne saýda vıtse-mınıstri. 2006 jyldan bastap - «Qazyna» Ornyqty damý qory» AQ Basqarmasy tóraǵasynyń orynbasary. 2007 jyldan 2008 jylǵa deıin - «Credit Swiss (Qazaqstan)» JShS qarjylyq jobalaý marketıngi boıynsha dırektory. 2008 jylǵy naýryz-mamyr - Qazaqstan Respýblıkasy Prezıdentiniń kómekshisi. 2009 jylǵy mamyrdan bastap, Qazaqstan Respýblıkasy Indýstrııa jáne saýda mınıstri. 2010 jyldyń naýryzynan - QR Premer-Mınıstriniń orynbasary - Indýstrııa jáne jańa tehnologııalar mınıstri. 2012 jyldyń qańtar aıynan bastap - Indýstrııa jáne jańa tehnologııalar mınıstri. 2012 jyldyń qyrkúıeginen 2014 jyldyń 6 tamyzyna deıin QR Premer-Mınıstriniń orynbasary - Indýstrııa jáne jańa tehnologııalar mınıstri. 6 tamyzdan bastap, Qazaqstan Respýblıkasynyń Investıtsııalar jáne damý mınıstri. 2016-2018 jyldary Astana qalasynyń ákimi. 2018-2019 jyldary QR Prezıdenti Ákimshiliginiń basshysy. 2019 jyldyń naýryzynan búginge deıin Qazaqstan Respýblıkasynyń Tuńǵysh Prezıdenti – Elbasy qorynyń atqarýshy dırektory qyzmetin atqardy. «Qurmet» ordenimen, «Astanaǵa 10 jyl» medalimen marapattalǵan.

Al onyń ornyna Jumabaev Qanat Nesipbaıuly Qazaqstan Respýblıkasy Tuńǵysh Prezıdenti – Elbasy qorynyń atqarýshy dırektory boldy.

Qanat Nesipbaıuly 1965 jyly dúnıege kelgen. M.V.Lomonosov atyndaǵy Máskeý memlekettik ýnıversıtetin jáne Máskeý memlekettik halyqaralyq qatynastar ınstıtýtyn (MGIMO) syrtqy ekonomıkalyq qyzmetter úshin mamandar daıarlaý mektebin bitirgen. «QazAstyqTrans» JShS basqarma tóraǵasy, Qazaqstan Respýblıkasy Prezıdenti Іs basqarmasynyń qyzmetkeri; «Alataý» Emdeý-saýyqtyrý kesheni» AQ prezıdenti (2014 jyldan); Qazaqstan Respýblıkasynyń Tuńǵysh Prezıdenti – Elbasy qorynyń atqarýshy dırektory. 2016 jyldyń jeltoqsanynan 2019 jyldyń 25 naýryzyna deıin - QR Tuńǵysh Prezıdenti-Elbasy qorynyń atqarýshy dırektory. 2019 jyldyń naýryzynan QR Tuńǵysh Prezıdenti-Elbasy qory atqarýshy dırektorynyń orynbasary boldy.

Memleket basshysynyń Ókimimen Ánýar Tóleýhanuly Sadyqulov Qazaqstan Respýblıkasy Ulttyq qaýipsizdik komıteti Tóraǵasynyń orynbasary – «A» Arnaýly maqsattaǵy qyzmetiniń dırektory bolyp taǵaıyndaldy

Ánýar Tóleýhanuly 1967 jyly 7 qazanda Almaty qalasynda dúnıege keldi. 1991 jyly Almaty zooveterınar ınstıtýtyn bitirgen. 2000 jyly Abaı atyndaǵy Almaty memlekettik ýnıversıtetiniń zań fakýltetin úzdik támamdaǵan. 1985-1987 jyldary KSRO QK qatarynda merzimdik áskerı qyzmetten ótti. 1992 jyly QR Prezıdenti Kúzet qyzmetiniń áskerı qyzmetine alyndy. Qyzmetin QR Prezıdenti jeke kúzetiniń ár túrli ofıtserlik jáne basshylyq laýazymdarynda ótkergen. 2006 jyly QR Prezıdenti Kúzet qyzmeti bastyǵynyń orynbasary –jeke kúzet departamentiniń bastyǵy bolyp taǵaıyndaldy. 2012 jyly QR Prezıdenti Kúzet qyzmeti bastyǵynyń orynbasary – Prezıdent qaýipsizdigi qyzmetiniń bastyǵy laýazymyna taǵaıyndalǵan. 2013 jyly QR Prezıdenti Kúzet qyzmetiniń bastyǵy boldy. 2014 jyly Memleket basshysynyń ókimine sáıkes QR Memlekettik kúzet qyzmetiniń bastyǵy bolyp taǵaıyndaldy; Qazaqstan Respýblıkasy Ulttyq qaýipsizdik komıteti tóraǵasynyń orynbasary – QR UQK «A» arnaıy qyzmetiniń dırektory (2014-2019). 2019 jyldyń maýsymynan Qazaqstan Respýblıkasy Memlekettik kúzet qyzmetiniń bastyǵy boldy. 2-dárejeli «Aıbyn» jáne «Andropov» ordenderimen, 11 medalmen marapattalǵan.

Polıtsııa general-polkovnıgi Qalmuhanbet Qasymov Qazaqstan Respýblıkasy Memlekettik kúzet qyzmetiniń bastyǵy bolyp taǵaıyndaldy.

Qalmuhanbet Qasymov 1957 jyly 18 mamyrda Almaty oblysynda dúnıege kelgen. 1979 jyly S.Kırov atyndaǵy Qazaq memlekettik ýnıversıtetiniń zań fakýltetin bitirgen. 1979-2005 jyldary ishki ister organdarynyń jedel-tergeý bólimshelerinde qyzmet atqarǵan (Almaty q., Astana q. jáne Almaty oblysy). 2005-2009 jyldary – Qazaqstan Respýblıkasynyń Іshki ister vıtse-mınıstri, birinshi vıtse-mınıstri. 2009-2011 jyldary – Shyǵys Qazaqstan oblysynyń Іshki ister departamenti bastyǵy. 2011-2019 jyldary – Qazaqstan Respýblıkasynyń Іshki ister mınıstri. 2019 jylǵy 12 aqpanda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy bolyp taǵaıyndaldy. «Dańq» ordeniniń ıegeri.

Memleket basshysy Qasym-Jomart Toqaevtyń Ókimimen Talǵat Sábıtuly Muhtarov Qazaqstan Respýblıkasy Memlekettik kúzet qyzmeti bastyǵynyń orynbasary bolyp taǵaıyndaldy.

Talǵat Sábıtuly 1966 jyly 5 naýryzda Qaraǵandy oblysy Temirtaý qalasynda dúnıege keldi. QR Bas prokýratýrasy áskerı prokýratýra organdarynda qyzmet etken (1992-1994); QR UQK organdarynda - asa mańyzdy ister boıynsha aǵa tergeýshi, basqarma bastyǵynyń orynbasary, basqarma bastyǵy, Departament bastyǵynyń orynbasary (1997-2011); QR Qorǵanys mınıstrligi kadr departamentiniń bastyǵy (2011-2014). 2014-2019 jyldary QR Qorǵanys mınıstriniń orynbasary. Osy taǵaıyndaýǵa deıin Qazaqstan Respýblıkasy Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi boldy. II dárejeli «Dańq» ordenimen; «Jaýyngerlik erligi úshin» medalimen; 15 vedomstvolyq, mereıtoılyq medalmen marapattalǵan.

Daýylbaev Erlan Slamhanuly QR Ortalyq saılaý komıssııasynyń múshesi qyzmetine taǵaıyndaldy.

Erlan Slamhanuly kóp jyldar boıy ádilet salasynda jumys istedi. Ortalyq saılaý komıssııasy júıesinde de qyzme etti. Sońǵy ýaqytta Shymkent qalalyq aýmaqtyq saılaý komıssııasynyń tóraǵasy boldy.

Atyraý oblysy ákiminiń jańa orynbasary taǵaıyndaldy. Bul qyzmetke Erjan Ábilhanov keldi.

Erjan Ábilhanov 1984 jyly týǵan. «Bolashaq» baǵdarlamasynyń stıpendıaty. Malaızııa tehnologııalyq ýnıversıtetinde bilim alǵan. Atalǵan taǵaıyndaýǵa deıin QR Energetıka mınıstrligi Jer qoınaýyn paıdalaný departamentiniń dırektory laýazymyn atqarǵan.

Atyraý qalasynyń ákimi bolyp Qaırat Orazbaev taǵaıyndaldy.

Qaırat Qulymuly 1963 jyly 8 tamyzda Atyraý oblysynda dúnıege kelgen. 1987 jyly Qazan qalasynyń hımııa-tehnologııa ınstıtýtyn Munaı óńdeýdiń hımııalyq tehnologııasy mamandyǵy boıynsha bitirdi. Eńbek jolyn 1979 jyly «Mańǵyshlaq- munaıbarlaý» keshendi ekspedıtsııasynda operator bolyp bastady. Keıinnen Munaı óndirý basqarmasynda slesar, V.Lenın atyndaǵy Gýrev MÓZ-iniń № 3 tsehynda operator bolyp jumys istedi. 1987-1996 jyldary № 1 tsehtyń alkılatsııa qondyrǵysynyń bastyǵy, № 4 tsehtyń bastyǵy, estakada bastyǵy, № 4 tseh bastyǵynyń orynbasary, tseh bastyǵy qyzmetterin atqardy. Munaı ónimderin esepke alý men taratý jónindegi óndiris sektory (keıinnen bólim) jumysyn uıymdastyrýmen aınalysty jáne bólim bastyǵy boldy. 1996 jyly «Lýkoıl AMÓZ» AOZT Bas dırektory. Qazaqstan Respýblıkasy 1996 jyly shildede Qazaqstan Respýblıkasy Munaı jáne gaz ónerkásibi mınıstrligi apparatynyń Óndiristi damytý bas basqarmasy bastyǵynyń orynbasary laýazymyna aýystyryldy 1997 jylǵy naýryzdan bastap 2002 jylǵy qańtarǵa deıin «QazaqOıl» UK-da Tehnıkalyq saıasat departamentiniń jetekshi mamany, aǵa ekspert, Munaı jáne gazdy óndirý men tasymaldaý departamentiniń menedjeri, «AMÓZ» AAQ qaıta qurylymdaý joba basqarmasy departamentiniń sektor meńgerýshisi, «AMÓZ» UK «QazaqOıl» AAQ qaıta qurylymdaý joba basqarmasy dırektsııasy Bas menedjeriniń orynbasary. 2001-2007 jyldarda «AMÓZ» AAQ salynyp jatqan kásipornynyń dırektory - Damytý jónindegi Vıtse-prezıdenti. «AMÓZ» JShS kúrdeli qurylys jáne damytý jónindegi Dırektory. 2007 jylǵy qyrkúıekten bastap óndiristik-tehnıkalyq jáne qurylys qyzmetterin basqaryp - Bas dırektordyń birinshi orynbasary - bas ınjener qyzmetin atqardy. Keıinnen «QazMunaıGaz» UK AQ-da Marketıngtik analızdeý departamentiniń dırektory, munaı óńdeý jáne munaı-hımııa damytý jónindegi dırektordyń orynbasary qyzmetterine aýystyryldy. «AMÓZ» JShS-niń Damytý jónindegi Bas dırektordyń orynbasary, Bas dırektordyń damytý jáne modernızatsııa jónindegi birinshi orynbasary. 2013 jylǵy 2 shildeden bastap «Atyraý munaı óńdeý zaýyty» JShS-niń bas dırektory bolǵan.

Nurbek Serikov «TKSh QazOrtalyǵy» AQ Basqarma tóraǵasynyń orynbasary bolyp taǵaıyndaldy.

Nurbek Nurjanuly 1989 jyly Qaraǵandy oblysy, Balqash qalasynda dúnıege kelgen. Bóketov atyndaǵy Qaraǵandy memlekettik ýnıversıtetin, Tıýmen qalasyndaǵy Soltústik Oral memlekettik agrarlyq ýnıversıtetin jáne QR Prezıdenti janyndaǵy Memlekettik basqarý akademııasyn bitirgen.

Almaty ákiminiń ókimimen, Prezıdent Ákimshiliginiń jáne qalalyq máslıhat depýtattarynyń kelisimimen Alataý jáne Túrksib aýdandarynyń ákimderi bolyp Azamat Qaldybekov jáne Baqytjan Aqjarov taǵaıyndaldy.

Alataý aýdanynyń jańa ákimi Azamat Qaldybekov búgingi kúnge deıin Almaty qalasy Jer qatynastary basqarmasy basshysynyń orynbasary laýazymynda boldy.

Túrksib aýdanyna ákim bolyp taǵaıyndalǵan Baqytjan Aqjarov Almatynyń turǵyn úı saıasaty basqarmasynyń basshysy qyzmetin atqardy.


Bizdiń kanalymyzǵa jazylyńyz:

Basty sózder: Taǵaıyndaý,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT