Qazaqstanda apta ishinde bolǵan kadrlyq taǵaıyndaýlar
2022 jylǵy 26 maýsym 11:44

Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Ótip bara jatqan aptada elimizde birqatar kadrlyq aýys-túıis boldy. Prezıdent Ákimshiliginde bólim meńgerýshisi taǵaıyndalyp, Aqparat mınıstrligi Jastar jáne otbasy isteri komıtetine jańa tóraǵa keldi.

***

Memleket basshysynyń ókimimen Rýslan Muhtaruly Turǵanaly Qazaqstan Respýblıkasy Prezıdenti Ákimshiliginiń Memlekettik qyzmet jáne kadr saıasaty bóliminiń meńgerýshisi laýazymyna taǵaıyndaldy.

Rýslan Muhtaruly Turǵanaly 1986 jyly Jambyl oblysynda týǵan. 2008 jyly Qazaq gýmanıtarlyq-zań ýnıversıtetin, 2016 jyly «Bolashaq» baǵdarlamasy boıynsha Ulybrıtanııanyń Nottıngem ýnıversıtetin bitirgen. Mamandyǵy boıynsha halyqaralyq quqyq bakalavry, memlekettik saıasat magıstri.

2021 jylǵy shildeden bastap Prezıdent Ákimshiliginiń Memlekettik qyzmet jáne kadr saıasaty bólimi meńgerýshisiniń orynbasary boldy.

***

Osy aptada Qaırat Dúısembaıuly Baımýldınov QR Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy bolyp taǵaıyndaldy.

Qaırat Baımýldınov 1983 jyly Qaraǵandy oblysynda dúnıege kelgen. E. Bóketov atyndaǵy Qaraǵandy memlekettik ýnıversıtetin, Qaraǵandy «Bolashaq» ózekti bilim berý ınstıtýtyn támamdaǵan. Eńbek jolyn 2004 jyly óńirlik gazette jýrnalıst bolyp bastady.

2020 jylǵy tamyzdan bastap qazirgi ýaqytqa deıin QR Aqparat jáne qoǵamdyq damý mınıstrligi Jastar jáne otbasy isteri komıteti tóraǵasynyń orynbasary boldy.

***

Qanat Taımerdenov Іshki ister mınıstrliginiń Ortalyq apparatyna laýazymdy qyzmetke aýystyrylyp jatyr.

Aıta keteıik, búgin buqaralyq aqparat quraldarynda Q. Taımerdenov Almaty qalalyq polıtsııa departamentiniń bastyǵy qyzmetinen bosatylǵany jóninde aqparat taraǵan bolatyn.

***

Atyraý oblysy Jylyoı aýdanynyń ákimi qyzmetine Jumabek Qarajanov taǵaıyndaldy.

J. Qarajanov Qazaqstan-Brıtan tehnıkalyq ýnıversıtetin, Qazaqstan Respýblıkasynyń Prezıdenti janyndaǵy Memlekettik basqarý akademııasyn «Ekonomıka jáne bıznes» mamandyǵy boıynsha bitirgen. Ekonomıka jáne bıznes magıstri, memlekettik aýdıtor sertıfıkaty bar.

2019 jyldyń aqpan aıynan bastap Atyraý qalasy ákiminiń orynbasary qyzmetin atqardy.

***

Bul aptada Mańǵystaý oblysynyń jastar saıasaty máseleleri basqarmasynyń basshysy bolyp Batyrhan Qýanyshbekov taǵaıyndaldy.

B. Qýanyshbekov Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetin «Quqyqtaný» jáne «Týrızm» mamandyqtary boıynsha eki joǵary bilim alǵan. Eńbek jolyn 2012 jyly Aqtaý qalasy ákimi apparatynda is júrgizýshi bolyp bastaǵan.

2014-2022 jyldar aralyǵynda Mańǵystaý oblysynyń ishki saıasat basqarmasynda ınspektor, taldaý jáne monıtorıng bóliminiń bas mamany, taldaý jáne monıtorıng bóliminiń basshysy, ishki saıasat basqarmasy basshysynyń orynbasary laýazymdaryn atqardy.

***

Murat Baısalov QR Memlekettik qyzmet isteri agenttigi BQO boıynsha departamentiniń basshysy, Ádep jónindegi keńestiń tóraǵasy bolyp taǵaıyndaldy.

M. Seılbekuly 1988 jyly Ońtústik Qazaqstan oblysynyń Kentaý qalasynda dúnıege kelgen. Qazaqstan menedjment, ekonomıka jáne boljaý ınstıtýtyn memlekettik basqarý mamandyǵy boıynsha bitirgen. Prezıdenttik jastar kadr rezerviniń múshesi.

Jańa laýazymǵa taǵaıyndalǵanǵa deıin QR Memlekettik qyzmet isteri agenttigi memlekettik qyzmetter departamenti dırektorynyń orynbasary qyzmetin atqardy.

***

Almaty jastar saıasaty basqarmasyna basshy bolyp Qaıyrjan Meńdiǵalıev taǵaıyndaldy.

Q. Meńdiǵalıev 2011 jyly ál-Farabı atyndaǵy Qazaq ulttyq ýnıversıtetiniń ekonomıka jáne bıznes joǵary mektebin quqyq jáne ekonomıka negizi mamandyǵy boıynsha bitirdi. 2013 jyly osy ýnıversıtette ınnovatsııalyq menedjment mamandyǵy boıynsha ekonomıka ǵylymdarynyń magıstri dárejesin aldy.

2018 jyldan 2021 jylǵa deıin jeke qurylymdarda jumys istedi. Almaty qalasy jastar saıasaty basqarmasynyń basshysy bolyp taǵaıyndalǵanǵa deıin Halyqaralyq bilim berý korporatsııasynyń birinshi prorektory qyzmetin atqardy.

***

«Qazaqstan halqyna»qory Qamqorshylyq keńesiniń jańa tóraǵasy bolyp «Atameken» UKP-niń Kásipkerler quqyǵyn qorǵaý jáne sybaılas jemqorlyqqa qarsy is-qımyl jónindegi keńestiń tóraǵasy Qaıyrbek Súleımenov saılandy.

***

Aptanyń basynda Almaty jáne Jetisý oblysyndaǵy kásipkerler palatasynyń dırektorlary taǵaıyndaldy.

Merıtokratııa qaǵıdaty boıynsha Jetisý oblysy ókildiginiń dırektory bolyp Almaty oblysy óńirlik kásipkerler palatasynyń burynǵy basshysy Dáýren Ońalbaev, Almaty oblysy ókildiginiń basshysy qyzmetine Ulttyq kásipkerlik palatasy agroónerkásip keshen departamenti dırektorynyń orynbasary Qýandyq Chýnkýnov taǵaıyndaldy.

Eske salaıyq, 2022 jyldyń 8 maýsymynda QR Prezıdentiniń «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Jarlyǵy kúshine endi. Nátıjesinde jańadan qurylǵan óńirlerde kásipkerler palatasy ashylyp jatyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT