Qazaqstanda apta ishinde bolǵan kadrlyq taǵaıyndaýlar
2022 jylǵy 29 mamyr 11:43

Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Ótken apta ishinde elimizde birqatar kadrlyq aýys-túıis boldy, dep habarlaıdy QazAqparat.

23 mamyr kúni ekonomıst Oraz Jandosov Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń shtattan tys keńesshisi bolyp taǵaıyndaldy.

Bul jaıynda mınıstr Baǵdat Mýsın óziniń áleýmettik jelidegi paraqshasynda málim etti.

Sol kúni Mańǵystaý oblysynyń ákimi Nurlan Noǵaevtyń ókimimen Dınara Jumasheva atalǵan óńirdiń bilim basqarmasynyń basshysy bolyp taǵaıyndaldy.

Dınara Naǵımollaqyzynyń «tarıh pániniń muǵalimi» jáne «zańger» mamandyqtary boıynsha joǵary bilimi bar, tarıh ǵylymdarynyń magıstri.

Eńbek jolyn 1997 jyly orta mektepte tarıh jáne ekonomıka pánderiniń muǵalimi bolyp bastady.

2002-2006 jyldar aralyǵynda Mańǵystaý oblysynyń bilim departamentinde bas maman;

2006-2007 jyldar aralyǵynda oblystyń tilderdi damytý jónindegi basqarmasynda bólim bastyǵy;

2007 – 2009 jyldar arylyǵynda atalǵan basqarma basshysynyń orynbasary qyzmetterin atqarǵan;

2009-2010 jyldar aralyǵynda Mańǵystaý oblysy ákimdiginiń bilim basqarmasynyń tárbıe jumystary bóliminiń basshysy;

2010-2011 jyldar aralyǵynda Aqtaý qalalyq bilim bóliminiń bastyǵy;

2011-2015 jyldar aralyǵynda oblystyq bilim basqarmasynyń basshysy boldy;

2015 jyly oblystyq tehnıkalyq jáne kásiptik bilim berýdiń oqý-ádistemelik kabınetiniń ádiskeri;

2015-2017 jyldar aralyǵynda oblys ákimdiginiń «Tilderdi oqytý, memlekettik qyzmetshilerdi qaıta daıarlaý jáne olardyń biliktiligin arttyrý» óńirlik ortalyǵynyń dırektory;

2017-2018 jyldar aralyǵynda Prezıdent janyndaǵy Memlekettik basqarý akademııasynyń Mańǵystaý oblystyq fılıalynyń dırektory qyzmetterin atqardy;

2018 jyldyń naýryz aıynan bastap 2022 jyldyń naýryzǵa deıin «Qazaqteńizkólikfloty» ulttyq teńiz keme qatynasy kompanııasynyń bas dırektorynyń jurtshylyqpen baılanys jónindegi keńesshisi qyzmetin atqardy.

23 mamyrdaǵy taǵy bir taǵaıyndaý - Memleket basshysynyń ókimimen Erlan Erǵalıuly Aldajumanov Ulttyq qaýipsizdik komıteti tóraǵasynyń orynbasary – Shekara qyzmetiniń dırektory laýazymyna taǵaıyndaldy.

Erlan Aldajumanov 1966 jyly Shyǵys Qazaqstan oblysynyń Semeı qalasynda týǵan.

F.E. Dzerjınskıı atyndaǵy Joǵary shekara komandalyq ýchılıesin bitirgen (1987).

Shekara zastavasy bastyǵynyń orynbasary, óńirlik basqarma bastyǵynyń orynbasary, óńirlik basqarma shekaralyq bólimsheleri qolbasshysynyń orynbasary, Qazaqstan Respýblıkasy Ulttyq qaýipsizdik komıteti Shekara qyzmetiniń bas shtaby bastyǵy - dırektordyń birinshi orynbasary laýazymdarynda ofıtserlik qyzmet atqarǵan.

Orden jáne medaldarmen marapattalǵan. Ulttyq qaýipsizdik komıteti joǵarǵy qolbasshylyǵynyń ókili, general-maıor.

Sondaı-aq, dúısenbi kúni Іshki ister mınıstriniń buıryǵymen Dýman Taev Aqmola oblystyq polıtsııa departamentiniń bastyǵy bolyp taǵaıyndaldy.

Dýman Áshkenuly 1967 jyly 13 naýryzda Soltústik Qazaqstan oblysynyń Sergeev aýdany Kókterek aýylynda dúnıege kelgen.

Іshki ister organdaryndaǵy qyzmetin 1988 jyly Soltústik Qazaqstan oblystyq atqarý komıtetiniń ІІB PPQ jeke rotasynyń mılıtsıoneri bolyp bastady.

1991-2004 jyldar aralyǵynda Petropavl qalasynyń ІІB ártúrli jedel laýazymdarda jumys istedi.

2004 jyly Esil aýdanynyń ishki ister bólimin, keıin Petropavl qalasynyń ІІB basqardy. Ár jyldary SQO ІІD qoǵamdyq qaýipsizdik basqarmasynyń bastyǵy, Ǵ.Músirepov aýdanynyń ІІB basshysy, Petropavl qalasynyń ІІB bastyǵy, SQO ІІD bastyǵynyń birinshi orynbasary qyzmetterin atqarǵan.

Jańa qyzmetke taǵaıyndalǵanǵa deıin ol QR ІІM Krımınaldyq polıtsııa departamentiniń bastyǵy boldy.

24 mamyr kúni Soltústik Qazaqstan oblysy ákiminiń ókimimen Erlan Jarov Tımırıazev aýdanynyń ákimi bolyp taǵaıyndaldy.

Erlan Jarov 1982 jyly týǵan.

Eki joǵary bilimi bar: 2003 jyly Qaraǵandy «Femıda» zań akademııasyn «zańtaný» mamandyǵy boıynsha, 2007 jyly Sh. Ýálıhanov atyndaǵy Kókshetaý memlekettik ýnıversıtetin «menedjment» mamandyǵy boıynsha támamdaǵan.

Eńbek jolyn 2001 jyly Kókshetaý qalasyndaǵy «Dezınfektsııa» AQ zańger bolyp bastaǵan.

2003 jyldan bastap 2015 jylǵa deıin Taıynsha aýdandyq ákimdiginde birqatar qyzmetti atqardy. Aýdan ákiminiń orynbasary qyzmetine deıin kóterildi.

2015-2016 jyldary Aqmola oblysy Kókshetaý qalasy «Agrofırma Qazeskportastyq» JShS bas dırektordyń orynbasary boldy.

2015-2018 jyldary Aqmola oblysy Zerendi aýdany Zerendi aýylynda «Zerenda-Astyk» JShS dırektory laýazymyn atqardy.

2016-2019 jyldar aralyǵynda Aqmola oblysy Zerendi aýdany «Qyzylegis» fermerlik sharýashylyǵynyń basshysy boldy.

2019 jyldan osy taǵaıyndaýǵa deıin Taıynsha aýdany ákiminiń aýyl sharýashylyǵy jáne kásipkerlik máseleler jónindegi orynbasary bolyp eńbek etti.

25 mamyrda Bilim jáne ǵylym mınıstriniń buıryǵymen Ádilet Toıbaev vedomstvoǵa qarasty Ǵylym komıtettiń tóraǵasy bolyp taǵaıyndaldy.

Ádilet Toıbaev 1982 jyly Shyǵys Qazaqstan oblysynda dúnıege kelgen.

Ál-Farabı atyndaǵy Qazaq ulttyq ýnıversıtetin támamdaǵan.

Eńbek jolyn 2008 jyly ál-Farabı atyndaǵy QazUÝ-da oqytýshy bolyp bastaǵan.

2008-2009 jyldary - ál-Farabı atyndaǵy QazUÝ-da ádisteme bóliminiń meńgerýshisi, akademııalyq máseleler jónindegi dırektor.

2011-2017 jyldary - Qazaq memlekettik qyzdar pedagogıkalyq ýnıversıtetiniń oqý-ádisteme bóliminiń meńgerýshisi, oqý isi jónindegi prorektor.

2017-2018 jyldary - Qazaqstan ınjenerlik-tehnologııalyq ýnıversıtetiniń birinshi prorektory-akademııalyq máseleler jónindegi prorektory.

2018 jyldan bastap qazirge deıin BǴM Joǵary jáne joǵary oqý ornynan keıingi bilim departamentiniń dırektory qyzmetin atqardy.

Sol kúni Almaty ákimi Erbolat Dosaevtyń ókimimen Prezıdent Ákimshiliginiń jáne Almaty qalasy máslıhatynyń kelisimi boıynsha Medeý aýdanynyń ákimi bolyp Erkebulan Nurlanuly Orazalın taǵaıyndaldy.

Erkebulan Orazalın eńbek jolyn 2002 jyly Almaty qalasy Aqparattyq-taldaý ortalyǵy aqparattyq-kommýnıkatıvtik bóliminiń sarapshysy qyzmetinen bastady.

2005-2007 jyldary Tuńǵysh Prezıdent Qory janyndaǵy Álemdik ekonomıka jáne saıasat ınstıtýtynyń sarapshysy bolyp jumys istedi.

2010-2012 jyldary Almaty qalasynyń Óńirlik damý áleýmettik-kásipkerlik korporatsııasynyń ınvestıtsııalar jónindegi departamentiniń dırektory boldy.

2012 jyldan 2016 jyldar aralyǵynda Almaty qalasy Tabıǵı resýrstar jáne tabıǵat paıdalanýdy retteý basqarmasy bastyǵynyń orynbasary, basshysy qyzmetin atqardy.

2016-2019 jyldary Almaty qalasy Áýezov aýdany ákiminiń orynbasary bolyp jumys istedi, áleýmettik sala jáne kásipkerlik máselelerine jetekshilik jasady.

2019 jyldan bastap Almaty qalasy Kásipkerlik jáne ınvestıtsııalar basqarmasynyń basshysy qyzmetin atqardy.

25 mamyrdaǵy taǵy bir taǵaıyndaý Ulttyq olımpıada komıtetinen málim etkendeı, Ulttyq quramanyń bas bapkeri qyzmetine Batyrbek Estavletov keldi.

Sondaı-aq, Serik Palmaǵambetov memlekettik jattyqtyrýshy qyzmetine kiristi.

Batyrbek Estavletov osyǵan deıin taekvondodan Qazaqstan quramasynyń aǵa jattyqtyrýshysy qyzmetin atqarǵan.

Halyqaralyq dárejedegi sport sheberi, 1997-2007 jyldar aralyǵynda QR chempıony jáne QR Kýbogy ıegeri, Jazǵy spartakıada jeńimpazy, Azııa chempıonatynyń jáne birqatar halyqaralyq týrnır júldegeri.

Sársenbi kúngi taǵy bir taǵaıyndaý Memleket basshysynyń ókimimen Rýslanbek Keńesbekuly Bekjigitov Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi laýazymyna taǵaıyndaldy. Bul týraly Aqorda habarlady.

25 mamyr kúngi taǵy bir kadrlyq aýys-túıis konkýrstyq komıssııanyń sheshimine jáne merıtokratııa qaǵıdattaryna sáıkes Nurlan Nursultan Batys Qazaqstan oblysy Aqparattandyrý, memlekettik kórsetiletin qyzmetter jáne arhıvter basqarmasynyń basshysy bolyp taǵaıyndaldy.

Nurlan Nursultan 1991 jyly Ońtústik Qazaqstan oblysynda dúnıege kelgen.

Bilimi joǵary. 2014 jyly M.Áýezov atyndaǵy Ońtústik Qazaqstan memlekettik ýnıversıtetin «quqyqtaný» mamandyǵy boıynsha aıaqtaǵan.

Sonymen qatar Manchester ýnıversıtetinde (Ulybrıtanııa) «Bolashaq» baǵdarlamasy aıasynda magıstr dárejesin alǵan.

Eńbek jolyn 2015 jyly Memlekettik qyzmet isteri jáne sybaılas jemqorlyqqa qarsy is-qımyl agenttigi Batys Qazaqstan oblysy boıynsha departamentiniń memlekettik qyzmet jáne sybaılas jemqorlyq profılaktıkasy basqarmasy taldaý jáne sybaılas jemqorlyq qaterlerdi anyqtaý bóliminiń mamany mindetin atqarýshy bolyp bastaǵan.

Ár jyldary Oral qalasy ákimi apparaty aqparattyq-taldaý jumystary jáne halyqaralyq yntymyqtastyq bóliminiń basshysy, Oral qalasy ákimi apparaty memlekettik qyzmet kórsetý monıtorıng bóliminiń basshysy, BQO aqparattandyrý, memlekettik kórsetiletin qyzmetter jáne arhıvter basqarmasy aqparattandyrý bóliminiń basshysy qyzmetterin atqardy.

Kúni búginge deıin BQO aqparattandyrý, memlekettik kórsetiletin qyzmetter jáne arhıvter basqarmasy basshynyń orynbasary bolyp qyzmet etti.

25 mamyr kúngi taǵaıyndaýlardyń qatarynda Almaty oblysy boıynsha Antıkor basshylyǵynyń taǵaıyndalýy bar. Atap aıtqanda, Maqsat Jebegenov Sybaılas jemqorlyqqa qarsy is-qımyl agenttiginiń Almaty oblysy boıynsha departamentine basshy bolyp taǵaıyndaldy.

Maqsat Myrzahanuly Jebegenov Ulttyq qaýipsizdik komıtetiniń akademııasyn bitirgen.

2002-2022 jyldar aralyǵynda ulttyq qaýipsizdik organdarynda, onyń ishinde UQK Almaty oblysy boıynsha departamentinde ártúrli basshylyq laýazymdarda qyzmet atqardy.

Jańa taǵaıyndaýǵa deıin Ulttyq qaýipsizdik komıtetiniń Almaty oblysy boıynsha departamenti basshysynyń orynbasary boldy.

26 mamyr kúni konkýrstyq komıssııanyń sheshimine jáne merıtokratııa qaǵıdattaryna sáıkes Mádı Jangeldiuly Otarbaev Batys Qazaqstan oblysynyń memlekettik sáýlet-qurylys baqylaýy basqarmasynyń basshysy bolyp taǵaıyndaldy.

BQO ákiminiń baspasóz qyzmetinen málim etkenindeı, Mádı Otarbaev 1968 jyly Almaty qalasynda dúnıege kelgen.

Bilimi joǵary, Qazaq ulttyq sáýlet-qurylys akademııasyn ınjener-qurylysshy jáne Qazaq Ulttyq quqyq ýnıversıtetin quqyqtaný mamandyǵy boıynsha támamdaǵan. Tehnıka ǵylymdarynyń kandıdaty.

Ár jyldary qurylys kompanııalarynda ınjener, dırektor, Oral qalasy sáýlet-qurylys baqylaý basqarmasynyń bólim bastyǵy, Qurylys jáne turǵyn úı-kommýnaldyq sharýashylyq isteri agenttigi departamentiniń basshysy, Shyǵys Qazaqstan oblysy boıynsha memlekettik sáýlet-qurylys baqylaý jáne lıtsenzııalaý departamentiniń basshysy, Almaty qalasy qurylys basqarmasynyń basshysy, ShQO qurylys, sáýlet jáne qala qurylysy basqarmasynyń basshysy qyzmetterin atqardy.

Kúni búginge deıin Talǵar aýdany qurylys bóliminiń basshysy bolyp qyzmet etti.

Sol kúni Almaty qalasy sport basqarmasynyń basshysy bolyp Erden Rashıduly Haırýllın taǵaıyndaldy.

Erden Rashıduly Haırýllın 2009 jyly Q.Sátbaev atyndaǵy Qazaq ulttyq tehnıkalyq ýnıversıtetin «Avtomattandyrý jáne basqarý» mamandyǵy, 2011 jyly Q.Sátbaev atyndaǵy Qazaq ulttyq tehnıkalyq ýnıversıtetin «Ekonomıka» mamandyǵy boıynsha támamdaǵan.

Azamattyq avıatsııa akademııasynyn avıatsııa tehnıkasy jáne tehnologııasynyń magıstri dárejesin alǵan.

2012-2019 jyldary Almaly aýdany ákimi apparatynda kásipkerlikti jáne ónerkásipti damytý bóliminiń bas mamany, osy bólimniń basshysy bolyp qyzmet atqarǵan.

2019-2022 jyldary Almaty qalasy Almaly aýdany ákiminiń orynbasary bolyp jumys istegen.

Beısenbi kúni Іshki ister mınıstrliginiń departament basshylary taǵaıyndaldy.

Atalǵan kandıdatýralar qaraý jáne áńgimelesý nátıjeleri boıynsha ishki ister mınıstriniń buıryǵymen taǵaıyndaldy.

ІІM Krımınaldyq polıtsııa departamentiniń bastyǵy laýazymyna Aıdos Rysbaev;

ІІM Esirtki qylmysyna qarsy is-qımyl departamentiniń bastyǵy laýazymyna Hadjı-Ǵalı Imajanov;

ІІM Kadr saıasaty departamenti bastyǵynyń orynbasary laýazymyna Shyńǵys Alekeshev;

ІІM Qylmystyq-atqarý júıesi komıteti tóraǵasynyń orynbasary laýazymyna Damır Taıjanov;

Sondaı-aq, Pavlodar oblysy polıtsııa departamenti bastyǵynyń orynbasary laýazymyna Rústem Tuńǵyshbaev taǵaıyndaldy.

27 mamyr kúni Mádenıet jáne sport mınıstriniń buıryǵymen Janat Sabyrjanuly Ahmetov Mádenıet jáne sport mınıstrligi apparatynyń basshysy laýazymyna taǵaıyndaldy.

Janat Ahmetov 1986 jyly Omby qalasynda (Reseı Federatsııasy) dúnıege kelgen.

F.M.Dostoevskıı atyndaǵy Omby memlekettik ýnıversıtetin támamdaǵan.

Eńbek jolyn 2008 jyly Tótenshe jaǵdaılar mınıstrliginiń Memlekettik materıaldyq rezervter komıtetiniń Uıymdastyrý-quqyqtyq qamtamasyz etý basqarmasy sarapshysynyń mindetin atqarýdan bastady.

2008-2012 jyldary Tótenshe jaǵdaılar mınıstrliginiń qurylymynda sarapshy, bas sarapshy bolyp jumys istedi.

2012-2013 jyldary - Ekonomıkalyq damý jáne saýda mınıstrligi Zań departamentiniń Quqyqtyq qamtamasyz etý basqarmasynyń bas sarapshysy.

2013-2016 jyldary - Ekonomıka jáne bıýdjettik josparlaý mınıstrligi (2014 jyldan bastap Ulttyq ekonomıka mınıstrliginiń) Zań departamentiniń Quqyqtyq qamtamasyz etý basqarmasynyń basshysy.

2016-2019 jyldary - Aqparat jáne kommýnıkatsııalar mınıstrliginiń Zań departamenti dırektorynyń orynbasary.

2019 jylǵy sáýirden bastap qazirge deıin Aqparat jáne qoǵamdyq damý mınıstrligi Zań departamentiniń dırektory qyzmetin atqardy.

Sonymen qatar juma kúni Nur-Sultan qalasy men Qaraǵandy oblysynyń bas prokýrorlary aýysty.

Memleket basshysynyń kelisimimen Nur-Sultan qalasy jáne Qaraǵandy oblysynyń prokýrorlary taǵaıyndaldy.

Nur-Sultan qalasynyń prokýrory laýazymyna aǵa ádilet keńesshisi Ótegenov Erlan Rahymjanuly taǵaıyndaldy.

Erlan Ótegenov 1997 jyldan bastap prokýratýra organdarynda jumys istep keledi.

Almaty, Ońtústik Qazaqstan, Aqmola oblystarynyń jáne Almaty qalasynyń prokýratýralarynda basshylyq qyzmetterdi atqardy.

Almaty tabıǵatty qorǵaý prokýrorynyń orynbasary jáne Almaty oblysy Qarasaı aýdanynyń prokýrory, Aqmola oblysynyń Tselınograd, Egindikól aýdandarynyń jáne Almaty oblysy boıynsha Talǵar aýdanynyń prokýrory, Almaty qalasynyń Quqyqtyq statıstıka jáne arnaıy esepke alý komıtetiniń basqarma bastyǵy bolǵan.

2019 jyldyń maýsymynan bastap, Nur-Sultan qalasy prokýrorynyń orynbasary laýazymyn atqardy.

Sol kúni Qaraǵandy oblysynyń prokýrory bolyp, 3-synypty memlekettik ádilet keńesshisi Myrzakerov Baýyrjan Qypshauly taǵaıyndaldy.

Baýyrjan Myrzakerov qyzmet jolyn 1997 jyly Qapshaǵaı garnızonynda áskerı prokýrordyń kómekshisi retinde bastaǵan.

Ár jyldary Shymkent, Saryózek, Óskemen, Qapshaǵaı garnızondarynda áskerı prokýratýranyń basshylyq qyzmetterin atqardy.

Pavlodar oblysy, Bas áskerı prokýrordyń orynbasary, Bas prokýratýranyń zańdy kúshine engen úkimderdiń zańdylyǵyn jáne olardyń oryndalýyn qadaǵalaý qyzmetiniń basshysy boldy.

2019 jyldyń sáýirinen bastap elordalyq prokýratýrany basqardy.

Apta sońyndaǵy taǵy bir taǵaıyndaý Jannat Dúbirova QR Ulttyq statıstıka bıýrosy basshysynyń orynbasary bolyp taǵaıyndaldy.

J.Dúbirova aqparattyq tehnologııalar, statıstıkalyq derekterdi jınaý jáne óńdeý protsesteriniń ádisnamasy men avtomattandyrylýy, Data menedjmentti damytý jáne ózgeristerdi basqarý máselelerine jetekshilik etpek.

Jannat Dúbirova buǵan deıin Nur-Sultan qalasy ákimdigi iKOMEK109 qalalyq ortalyǵynyń basshysy bolyp jumys istegen.

Kvazımemlekettik jáne jeke sektorlarda, onyń ishinde konsaltıng salasynda PwC-de jumys tájirıbesi bar.

«Bimash» JShS meta-derekter ákimshisi, jobalar jetekshisi, «Tsesnabank» AQ IT departamenttiń bas menedjeri, ENRC Group óndiris IT menedjeri, IT dırektordyń orynbasary, «PricewaterhouseCoopers» JShS keńesshi menedjer, «Astana Innovations» AQ Basqarma tóraǵasynyń orynbasary boldy.

2017 jylǵy jeltoqsannan bastap osy ýaqytqa deıin Nur-Sultan qalasy ákimdigi «Qalalyq monıtorıng jáne jedel áreket etý ortalyǵy» MKK basshysy qyzmetin atqardy.

2008 jyly L. Gýmılev atyndaǵy Eýrazııa ulttyq ýnıversıtetin bitirgen, tehnıka jáne tehnologııa bakalavry.

Ulybrıtanııadaǵy Manchester ýnıversıtetiniń Aqparattyq tehnologııalar jáne IT Menedjment magıstri (2015 jyl).

Prezıdenttik Jastar kadrlyq rezerviniń múshesi (2019 jyl).


Jańalyqtar

MURAǴAT