+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Qazaqstanda apta ishinde bolǵan kadrlyq taǵaıyndaýlar

2021 jylǵy 25 shilde 14:00
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Osy apta ishinde elimizde birneshe kadrlyq aýys-túıis boldy, dep habarlaıdy QazAqparat tilshisi.

Uqsas jańalyqtar
Ardaq Zebeshev ınvestıtsııa komıtetiniń tóraǵasy bolyp taǵaıyndaldy SQO-da eki basqarmaǵa jańa basshy taǵaıyndaldy Almaty áýejaıynyń prezıdenti aýysty

Apta basynda Pavlodar oblysynyń ákimdiginde birneshe taǵaıyndaý boldy. Atap aıtsaq, oblys ortalyǵy - Pavlodar qalasynyń ákimi bolyp Asaıyn Baıhanov taǵaıyndaldy.

Asaıyn Baıhanov 1978 jyly Pavlodar oblysynyń Baıanaýyl aýdanynda dúnıege keldi.

2000 jyly joǵary bilim alǵannan keıin eńbek jolyn bank sektorynda, Eýropalyq qaıta qurý jáne damý bankinde (EQQDB) Qazaqstanda ótkizgen baǵdarlama boıynsha bastady. Ekibastuzda nesıelik eksperttiń tyńdaýshysynan EQQDB-niń Almatydaǵy bas keńsesiniń jańa bank ónimderin engizý bóliminiń basshysyna deıin ósip, sonymen birge EQQDB Qazaqstan jáne shet elderde ótkizgen semınarlarynda kópsatyly oqý baǵdarlamasyn meńgerdi.

2003–2007 jyldary Asaıyn Baıhanov ProCredit Holding AG bank halyqaralyq bank holdınginde túrli laýazymdar atqardy, onyń ishinde Kıevtegi «ProKredıt Ýkraına» JAQ basqardy.

2007 jyly A. Baıhanov Qazaqstanǵa oralyp, «Nurbank» AQ basqarma tóraǵasynyń orynbasary qyzmetine taǵaıyndalyp, fılıaldar jelisin keńeıtý men shaǵyn jáne orta bıznesti, onyń ishinde aýyl sharýashylyǵy salasyndaǵy nesıelendirýdi damytý baǵyttary úshin jaýapty boldy.

2009 - 2015 jyldary Asaıyn Baıhanov aýyl sharýashylyǵy salasyndaǵy kásipkerlikpen aınalysty: Almatyda jáne Almaty oblysynda mal jáne ósimdik ósirý, logıstıka jáne júk tasymaldaý boıynsha birqatar sátti jobalardy júrgizip, damytty.

2015 - 2020 jyldary A. Baıhanov «QazAgro» Ulttyq basqarýshy holdıngi» AQ quramyndaǵy «QazAgroÓnim» AQ basqarma tóraǵasynyń orynbasary. Osy merzim ishinde aýyl sharýashylyǵy salasynyń túrli memlekettik baǵdarlamalaryn talqylaý jáne ózgertý, sondaı-aq, agroónerkisip ónimderin eksportqa shyǵarýdyń maqsatty ındıkatorlaryna qol jetkizý jónindegi jumys toptarynyń múshesi jáne jetekshisi boldy.

2020 jyldyń naýryz aıynan bastap sońǵy taǵaıyndalýyna deıin Pavlodar oblysy ákiminiń orynbasary qyzmetin atqaryp, aýyl sharýashylyǵy, aýyldy aımaqtardy damytý, jer qoınaýyn paıdalaný, qorshaǵan orta jáne sý resýrstary, jer qatynastary jáne t.b. máseleler úshin jaýapty boldy.

Sondaı-aq, Pavlodar aýdanyna da jańa ákim keldi. Erjan Imanslıamdy jergilikti aktıvke oblys ákimi Ábilqaıyr Sqaqov tanystyrdy.

Erjan Imanıslıam 1972 jyly Pavlodar oblysynda týǵan.

Eńbek jolyn 1987 godý Qashyr aýdanynyń Kalınovka selosynda, qurylys ýchaskesiniń jumysshysy bolyp bastady.

1994 – 2000 jyldar aralyǵynda Erjan Imanslıam Qashyr aýdanynyń ishki ister bólimi men prokýratýrasynda túrli qyzmetter atqardy.

2005 – 2008 jyldary Qashyr aýdanynyń ákimshiliginde qyzmet etip, onyń ishinde ákim apparatyn basqardy.

2008 – 2011 jyldary E.Imanslıam Aqsý qalasynyń ákimdiginde jumys istep, onyń ishinde qala ákiminiń orynbasary boldy.

2011–2013 jyldary Erjan Imanslıam Pavlodar qalasy ákiminiń apparat jetekshisi,

2013–2014 jyldary – Pavlodar qalasy ákiminiń orynbasary laýazymdaryna taǵaıyndalǵan.

2017 jyldan keıin Soltústik Qazaqstan oblysynda jumys istep, ındýstrııalyq-ınnovatsııalyq damý basqarmasynda laýazymdar ıesi bolyp, Taıynsha aýdanynyń ákimi qyzmetin atqardy.

2017–2020 jyldary QR Indýstrııa jáne ınfraqurylymdyq damý mınıstrliginde qyzmetter atqaryp, onyń ishinde mashına jasaý basqarmasynyń basshysy boldy.

2020 jyldyń shildesinde Pavlodar qalasynyń ákimi qyzmetine taǵaıyndalǵan.

Al Aqtóbede oblysynda veterınarııa basqarmasynyń basshysy qyzmetine Qusaıyn Sársembaı taǵaıyndaldy.

Sársenbaı Eskendiruly 1961 jyly qarasha aıynda dúnıege kelgen.

Eńbek ótilin 1984 jyly Aqtóbe oblysynyń Shalqar aýdanyna qarasty Toǵyz sovhozynda mal dárigeri bolyp bastady.

Aqtóbe oblysynyń Shalqar aýdanyna qarasty Toǵyz aýyldyq okrýginiń ákimi, mal sharýashylyǵy bóliminiń basshysy, Aqtóbe oblysynyń aýyl sharýashylyǵy basqarmasy basshysynyń orynbasary boldy.

2017 jyldyń mamyr aıynan bastap Aqtóbe oblystyq aýyl sharýashylyǵy basqarmasynyń basshysy qyzmetin atqaryp kelgen.

Onyń ornyna aýyl sharýashylyǵy basqarmasynyń basshysy bolyp Isataı Espaǵanbetov keldi.

Isataı Baýyrjanuly Espaǵanbetov 2004 jyly Q.Jubanov atyndaǵy Aqtóbe memlekettik ýnıversıtetin «Zańger» mamandyǵy boıynsha támamdaǵan.

Eńbek ótilin 2006 jyly Mártók aýdandyq Ekonomıka, bıýdjetti josparlaý jáne kásipkerlik bóliminiń jetekshi mamany bolyp bastady.

2008-2018 jyldar aralyǵynda Mártók aýdanynda sáýlet, qala qurylysy jáne qurylys bóliminiń bas mamany, Baıtorysaı aýyldyq okrýginiń ákimi, jer qatynastary bóliminiń basshysy, Mártók aýyldyq okrýginiń ákimi qyzmetterin atqardy. Jańa qyzmetke taǵaıyndalar aldynda Mártók aýdany ákiminiń orynbasary boldy.

Atyraý oblysynda Tótenshe jaǵdaılar departamentiniń basshysy aýysty. Bul qyzmekte azamattyq qorǵaý polkovnıgi Bıtaev Sábıt Kenjehanuly taǵaıyndaldy.

Sábıt Kenjehanuly 1976 jyly 14 qazanda týǵan.

1998 jyly Qazaqstan Respýblıkasy Іshki ister mınıstrliginiń Almaty joǵary tehnıkalyq ýchılıesin órt qaýipsizdigi tehnıgi mamandyǵy boıynsha, al 2001 jyly Qazaqstan Respýblıkasy Tótenshe jaǵdaılar mınıstrliginiń Kókshetaý tehnıkalyq ınstıtýtyn órt qaýipsizdigi ınjeneri mamandyǵy boıynsha bitirgen.

Eńbek jolyn Almaty oblysy Memlekettik órtke qarsy qyzmet jedel bóliminiń ınjeneri bolyp bastady.

2008 jyldan búgingi kúnge deıingi aralyqta azamattyq qorǵaý organdarynda ártúrli basshylyq laýazymdarda qyzmet atqardy.

Buǵan deıin Іshki ister mınıstriniń orynbasary laýazymynda qyzmet etken Alekseı Dmıtrıevıch Kalaıchıdı Qazaqstan Respýblıkasy Prezıdenti Ákimshiliginiń Qaýipsizdik jáne quqyqtyq tártip bóliminiń meńgerýshisi laýazymyna taǵaıyndaldy.

Polıtsııa general-maıory Alekseı Kalaıchıdı 1963 jyly 3 qańtarda Almaty oblysy Eńbekshiqazaq aýdanynyń Esik aýylynda dúnıege kelgen.

1985 jyly Frýnze polıtehnıkalyq ınstıtýtyn «Taý-ken ınjeneri» mamandyǵy boıynsha, 1990 jyly KSRO ІІM Joǵarǵy kýrstaryn, 2008 jyly E. Býketov atyndaǵy Qaraǵandy memlekettik ýnıversıtetin «Zańtaný» mamandyǵy boıynsha bitirgen.

Qyzmette jetken jetistikteri úshin ІІM basshylyǵymen birneshe ret kótermelengen, «Qurmet» (2012), «Parasat» (2018) ordenderimen jáne 5 merekelik medalmen marapattalǵan.

Іshki ister organdaryndaǵy qyzmetin 1990 jyldyń sáýirinen Shymkent oblysy Abaı AІІB qylmystyq izdestirý bólimshesiniń jedel ýákili bolyp bastaǵan. 1990 jyldyń sáýiri men 2005 jyldyń mamyry aralyǵynda ishki ister organdarynda ártúrli orta jáne aǵa basshylyq quram laýazymdarynda qyzmet atqarǵan.

2005 jyldyń mamyry men 2009 jyldyń aqpany aralyǵynda Mınıstrliktiń ortalyq apparatynda basshylyq laýazymdarda qyzmet etken.

2005 jyldyń mamyry men 2006 jyldyń aqpany aralyǵynda – Qazaqstan Respýblıkasy ІІM Zań basqarmasynyń bastyǵy;

2006 jyldyń aqpany men shildesi aralyǵynda – ІІM Zań departamenti bastyǵynyń orynbasary; 2006 jyldyń shildesi men qazany aralyǵynda – ІІM Kadr jumysy departamenti Jeke quram jónindegi ınspektsııanyń bastyǵy;

2006 jyldyń qazany men 2008 jyldyń naýryzy aralyǵynda – Jambyl oblysy ІІD bastyǵynyń tárbıe jáne kadr jumysy jónindegi orynbasary boldy.

2008 jyldyń qarashasy men 2009 jyldyń aqpany aralyǵynda – ІІM Zań departamentiniń bastyǵy;

2009 jyldyń aqpany men 2016 jyldyń maýsymy aralyǵynda – Qazaqstan Respýblıkasy Prezıdenti Ákimshiliginiń ınspektory, sektor meńgerýshisi, quqyq qorǵaý júıesi bólimi meńgerýshisiniń orynbasary laýazymynda qyzmet etti.

Al 2016 jyldyń maýsymy men 2019 jyldyń qańtary aralyǵynda – Qazaqstan Respýblıkasy Prezıdenti Ákimshiligi quqyq qorǵaý júıesi bóliminiń meńgerýshisi;

2019 jyldyń qańtarynan qazirgi ýaqytqa deıin – Qazaqstan Respýblıkasy Іshki ister mınıstriniń orynbasary boldy.

Bul laýazymǵaMemleket basshysynyń ókimimen Murat Qalıbekuly Baımuqashev Qazaqstan taǵaıyndaldy.

Murat Qalıbekuly Baımuqashev 1967 jyly 23 mamyrda dúnıege keldi.

1994 jyldan bastap quqyq qorǵaý organdarynda jumys isteıdi. Іshki ister organyndaǵy jumysyn jol polıtsııasynyń patrýldik qyzmeti batalonynyń ınspektory laýazymynan bastady.

1997 jyldan bastap QR ІІM jol polıtsııasy basqarmasynda jumys istedi, sonymen qatar mınıstrliktiń ortalyq apparatynyń departamentteri men bólimderin basqardy.

2009 – 2019 jyldary QR Premer-mınıstri Keńsesinde basshylyq laýazymdarda, sonyń ishinde alty jylǵa jýyq qorǵanys jáne quqyq qorǵaý bóliminiń bastyǵy boldy.

2019 jyldyń sáýir aıynan bastap QR Qaýipsizdik Keńesi hatshysynyń orynbasary qyzmetin atqardy.

2020 jyldyń naýryzynan QR ІІM Ákimshilik polıtsııa komıtetiniń tóraǵasy qyzmetin atqaryp keldi.

QR Tsıfrlyq damý, ınnovatsııalar jáne aeroǵarysh ónerkásibi mınıstriniń buıryǵymen Qajmuqan Ahmatdınuly Bekmuqashev Geodezııa jáne kartografııa komıtetiniń tóraǵasy qyzmetine kiristi.

Qajmuqan Bekmuqashev 1982 jyly Orynbor oblysynda (RF) dúnıege kelgen. Qazaq memlekettik zań akademııasyn, Batys Qazaqstan ınjenerlik-gýmanıtarlyq ýnıversıtetin bitirgen.

Eńbek jolyn 2002 jyly jeke uıymda zańger laýazymynan bastaǵan.

2005-2006 jyldary — Aqtóbe oblysynyń Dene shynyqtyrý jáne sport basqarmasy buqaralyq jáne ulttyq sport túrlerin damytý bóliminiń bas mamany.

2006-2011 jyldary — Aqtóbe oblysy ákiminiń apparatynda túrli laýazymdarda qyzmet atqardy.

2011-2012 jyldary – Aqtóbe jáne Batys Qazaqstan oblystary boıynsha óńiraralyq jer ınspektsııasynyń basshysy; QR Jer resýrstaryn basqarý agenttiginiń «MemjerǴÓO» RMK bas dırektory orynbasarynyń m. a., Aqtóbe qalasy.

2012-2013 jyldary – QR Jer resýrstaryn basqarý agenttiginiń Geodezııa, kartografııa jáne geodezııalyq baqylaý departamenti dırektorynyń orynbasary, Astana qalasy.

2013-2014 jyldary – QR Óńirlik damý mınıstrligi, Geodezııa jáne kartografııa basqarmasynyń basshysy.

2014-2016 jyldary – QR Ulttyq ekonomıka mınıstrligi Geodezııa jáne kartografııa basqarmasynyń basshysy.

2016-2019 jyldary – QR Aýyl sharýashylyǵy mınıstrligi Geodezııa jáne kartografııa basqarmasynyń basshysy.

2019 jylǵy tamyz aıynan qarashaǵa deıin –Geodezııa jáne kartografııa komıtetiniń Memlekettik geodezııalyq baqylaý jáne memlekettik qyzmetter kórsetý basqarmasynyń basshysy.

2019 jylǵy qarashadan bastap qazirgi ýaqytqa deıin Geodezııa jáne kartografııa komıteti tóraǵasynyń orynbasary boldy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT