+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda apta ishinde bolǵan kadrlyq taǵaıyndaýlar

2021 jylǵy 20 maýsym 11:39
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Osy aptada ortalyq ta, jergilikti de atqarýshy organdarda birqatar kadrlyq aýys-túıis boldy. QazAqparat oqyrman nazaryna maýsymnyń 14-20-sy kúnderi aralyǵyndaǵy osy kadrlyq ózgeristerge sholý usynady.

Uqsas jańalyqtar
Prezıdent ókimderimen birqatar taǵaıyndaýlar boldy Jerdi paıdalaný men qorǵaý jónindegi Bas memlekettik ınspektor taǵaıyndaldy Atyraý oblysynyń Inder aýdanyna jańa ákim taǵaıyndaldy

Sonymen, osy aptada QR Densaýlyq saqtaý mınıstriniń buıryǵymen Batyrbek Sultanuly Ábdildın QR DSM apparatynyń basshysy laýazymyna taǵaıyndaldy.

Batyrbek Ábdildın 1982 jyly Qostanaı oblysynda dúnıege kelgen. A. Baıtursynov atyndaǵy Qostanaı memlekettik ýnıversıtetin, Ortalyq Azııa ýnıversıtetin, Sıngapýr ýnıversıtetin támamdaǵan. Eńbek jolyn 2001 jyly Qazaqstandaǵy sheteldik kommertsııalyq uıymnyń ókili retinde bastaǵan. 2002-2005 jyldary — QR Indýstrııa jáne saýda mınıstrliginiń «Qurylys konsaltıng» AQ mamany; memlekettik satyp alý bóliminiń basshysy; dırektorynyń orynbasary. 2005-2009 jyldary jeke uıymdarda basshylyq qyzmetterdi atqardy. 2009-2011 jyldary — «Zamanaýı medıtsınalyq tehnologııalardy engizý ortalyǵy» RMK memlekettik satyp alý jáne materıaldyq qamtamasyz etý bóliminiń basshysy; dırektorynyń orynbasary. 2011-2015 jyldary — «Astana qalasy ákimdiginiń №1 qalalyq aýrýhanasy» MKK bas dárigeriniń orynbasary. 2015-2020 jyldary jeke sektorda eńbek etken. 2018-2019 jyldary — Qazaqstannyń medıtsınalyq týrızm qaýymdastyǵynyń atqarýshy dırektory. 2020 jylǵy qyrkúıekten bastap qazirgi ýaqytqa deıin QR Densaýlyq saqtaý mınıstrligi Jobalyq keńsesiniń basshysy bolyp qyzmet etti.

Aqan Abdýalıev Mədenıet jəne sport mınıstrligi Mədenıet komıtetiniń tóraǵasy qyzmetine keldi.

Ol 1975 jyly Almaty oblysy, Jambyl aýdany, Shıen aýylynda dúnıege kelgen. 2005 jyly Qurmanǵazy atyndaǵy Qazaq Ulttyq Konservatorııasyn halyq áni mamandyǵy, 2012 jyly Almaty ekonomıka jáne statıstıka akademııasyn ekonomıst mamandyǵy boıynsha təmamdaǵan. Eńbek jolyn Taldyqorǵan qalasynda Súıinbaı atyndaǵy Almaty oblysy fılarmonııasynyń jeke oryndaýshysy retinde bastaǵan. 2003-2004 jyldary «Qazaqkontsert» memlekettik kontsert uıymynda ənshi-aspapshy, 2005-2007 jyldary J.Elebekov atyndaǵy estrada-tsırk kolledjinde, 2007-2008 jyldary Qurmanǵazy atyndaǵy Qazaq ulttyq konservatorııasynda oqytýshy bolǵan. 2008-2015 jyldar aralyǵynda A.Jubanov atyndaǵy daryndy balalarǵa arnalǵan RQMMMI dırektorynyń orynbasary, dırektory; 2009-2015 jyldary T.Júrgenov atyndaǵy óner akademııasynda «Dástúrli oryndaýshylyq óner» kafedrasynyń meńgerýshisi; 2015-2016 jyldary Jambyl atyndaǵy Qazaq memlekettik fılarmonııasynyń dırektory; 2016-2018 jyldary Almaty oblysy Mádenıet, arhıv jáne qujattama basqarmasy basshysy; 2018-2019 jyldary Almaty oblysy ákiminiń orynbasary. 2019 jyldan osy ýaqytqa deıin Mədenıet jəne sport mınıstrligine qarasty T.Júrgenov atyndaǵy Qazaq ulttyq óner akademııasynyń rektory boldy.

QR Parlamenti Májilisiniń depýtattary Respýblıkalyq bıýdjettiń atqarylýyn baqylaý jónindegi esep komıtetiniń 2 múshesin qyzmetke taǵaıyndady. Atap aıtqanda Rústem Nurpeıisov pen ıÝlııa Engel Esep komıtetiniń múshesi boldy.

Rústem Nurpeıisovtiń bilimi joǵary, memlekettik aýdıt jáne qarjylyq baqylaý salasynda halyqaralyq sertıfıkattary bar. 2018 jyldan bastap qazirgi ýaqytqa deıin Esep komıteti apparaty Ekonomıkanyń naqty sektoryna aýdıt júrgizý bóliminiń basshysy, memlekettik aýdıtor qyzmetin atqaryp keledi.

ıÝlııa Engeldiń de bilimi joǵary. 2017 jyldan bastap qazirge deıin Esep komıteti apparatynyń Josparlaý, taldaý jáne eseptilik bóliminiń basshysy qyzmetin atqarǵan.

Danııar Qyryqbaev Almaty qalasy Turǵyn úı saıasaty basqarmasynyń basshysy qyzmetine taǵaıyndaldy.

Danııar Qyryqbaev 1986 jyly 29 sáýirde týǵan. Ál-Farabı atyndaǵy Qazaq ulttyq ýnıversıtetin, І.Jansúgirov atyndaǵy Jetisý memlekettik ýnıversıtetin támamdaǵan. Ekonomıka jáne bıznes magıstri. Eńbek jolyn 2007 jyly bank salasynda bastady. 2007-2009 jyldary – «Jolaýshylar tasymaly» AQ-da jumys istedi. 2009 jyly – «Kazsatnet» AQ Basqarmasy tóraǵasynyń keńesshisi. 2009-2013 jyldary Qazaqstan Respýblıkasynyń Bas prokýratýrasynda, Qazaqstan Respýblıkasy Parlamenti Senatynyń apparatynda jumys istedi. 2013 jyldan bastap sot júıesinde jumys isteıdi. 2016-2019 jyldary Almaty qalasy boıynsha sottar ákimgeriniń basshysy boldy. Qazirgi taǵaıyndaýǵa deıin ol «Azamattarǵa arnalǵan úkimet» Memlekettik korporatsııasy» KEAQ Almaty fılıalynyń dırektory bolyp qyzmet etti.

QR Ekologııa, geologııa jáne tabıǵı resýrstar mınıstri M.M.Myrzaǵalıevtiń buıryǵymen SQO boıynsha ekologııa departamentiniń basshysy laýazymyna Azamat Bektasov taǵaıyndaldy.

Azamat Baýyrjanuly eńbek jolyn Esil aýdanynyń Pokrovka aýylynda pedagog bolyp bastady. 2014-2020 jyldary SQO boıynsha ekologııa departamentinde bas maman, memlekettik ekologııalyq baqylaý bóliminiń basshysy, basshynyń orynbasary qyzmetterin atqardy. Keıin Qaraǵandy oblysy boıynsha ekologııa departamenti basshysynyń orynbasary qyzmetin atqardy. Osy ýaqytqa deıin SQO ákimdiginiń energetıka jáne turǵyn úı-kommýnaldyq sharýashylyq basqarmasy basshysynyń orynbasary bolyp jumys istedi.

Soltústik Qazaqstan oblysy Esil aýdanynyń ákimi bolyp Medet Ospanov taǵaıyndaldy.

Medet Dýlatuly 1985 jyly 20 sáýirde SQO Shal aqyn aýdany Jańasý aýylynda dúnıege kelgen. M. Qozybaev atyndaǵy Soltústik Qazaqstan memlekettik ýnıversıtetin «Tarıh, ekonomıka jáne quqyq negizderi» mamandyǵy boıynsha, Qazaqstan-Reseı ýnıversıtetin «Ekonomıka» mamandyǵy boıynsha bitirgen. Eńbek jolyn 2006 jyly Petropavldaǵy «Ál-Farabı atyndaǵy №18 qazaq orta mektep-lıtseıi» KMÝ tarıh muǵalimi bolyp bastady. 2007 jyly «Soltústik Qazaqstan oblysynyń ishki saıasat departamenti» MM bas mamany boldy. 2007-2011 jyldar aralyǵynda Soltústik Qazaqstan oblysy ákimi orynbasarynyń kómekshisi bolyp eńbek etti. 2011-2014 jyldar aralyǵynda Shal aqyn aýdany ákimi apparatynyń basshysy bolsa, 2015-2017 jyldary Taıynsha aýdany ákimi apparatynyń basshysy, ákimniń aýyl sharýashylyǵy jáne kásipkerlik máseleler jónindegi orynbasary laýazymynda eńbek etti. 2017-2020 aralyǵynda Ýálıhanov aýdanyn basqarsa, Esil aýdany ákimi bolǵanǵa deıin SQO ákimdiginiń kásipkerlik jáne ındýstrııaly-ınnovatsııalyq damý basqarmasynyń basshysy boldy.

Al osy oblysqa qarasty Aıyrtaý aýdanyn Erbolat Bekshenov basqarady.

Erbolat Muratuly buǵan deıin SQO aýyl sharýashylyǵy jáne jer qatynastary basqarmasynyń jetekshisi bolyp eńbek etti. Erbolat Bekshenov 1973 jyly týǵan, Ortalyq Azııa ýnıversıtetin ekonomıst mamandyǵy boıynsha bitirgen. Eńbek jolyn «Bekshenov» sharýa-fermerlik qojalyǵy basshysynyń orynbasary bolyp bastady. «Et» JShS-de marketıng bóliminiń meńgerýshisi, Taıynsha aýdanyndaǵy Donetsk aýyldyq okrýginiń ákimi, Mamlıýtka qalasy ákiminiń orynbasary, Mamlıýt aýdany ákiminiń orynbasary qyzmetterin atqardy. 2014-2018 jyldary Mamlıýt aýdanynyń ákimi bolyp jumys istedi.

Shyǵys Qazaqstan oblysy ákiminiń baspasóz hatshysy bolyp Janjigit Omarhan taǵaıyndaldy.

Janjigit Abzalbekuly osyǵan deıin Qazaqstan Respýblıkasy Aýyl sharýashylyǵy mınıstrliginiń baspasóz hatshysy qyzmetin atqarǵan. Jýrnalıstıka, quqyqtaný, memlekettik jáne jergilikti basqarý mamandyqtaryn támámdaǵan jáne áleýmettik ǵylymdar magıstri. Eńbek jolyn 2009 jyly «Astana» telearnasy baǵdarlamalar qyzmetiniń reportery, tilshisi bolyp bastady. 2010-2011 jyldary «Astana» telearnasyndaǵy «Qaıyrly tań», «Qaýipsiz jol» baǵdarlamalarynyń telejúrgizýshisi. 2011-2015 jyldary Qazaqstan ulttyq arnasynda «Iman aınasy» baǵdarlamasynyń júrgizýshisi. 2015-2016 jyldaǵy «Eýrazııa birinshi» telearnasynyń «Ashyǵyn aıtqanda» tok-shoýynyń júrgizýshisi boldy. 2016-2018 jyldary «Astana» telearnasyndaǵy avtorlyq «Ózekti» telejobasynyń júrgizýshisi, jetekshisi. 2018-2019 jyldary Jambyl oblysy ákimdigi ishki saıasat basqarmasy «Óńirlik kommýnıkatsııalar qyzmeti» KMM basshysynyń orynbasary jáne basshysy bolyp qyzmet etti. 2019 jyldyń sáýirinen qazany aralyǵynda «QazAvtoJol» Ulttyq kompanııasy» AQ-nyń baspasóz qyzmetiniń basshysy. 2019 jyldyń qazanynan osy ýaqytqa deıin Qazaqstan Respýblıkasy Aýyl sharýashylyǵy mınıstrliginiń baspasóz hatshysy bolyp eńbek etti.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT