+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Qazaqstanda apta ishinde bolǵan kadrlyq taǵaıyndaýlar

2021 jylǵy 17 qańtar 12:35
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Ótip bara jatqan apta ishinde QR Prezıdenti Qasym-Jomart Toqaevtyń usynysymen jáne Májilis depýtattarynyń qoldaýymen elimizdiń Premer-Mınıstri qyzmetine Asqar Mamın qaıta taǵaıyndaldy.

Sonymen qatar 7-shi shaqyrylymdaǵy Parlament Májilisiniń spıkeri laýazymyna Nurlan Nyǵmatýlın saılandy. Munan bólek, tómengi palatanyń 7 turaqty komıtetiniń tóraǵalary da qyzmetterine kiristi.

Sonymen Asqar Uzaqbaıuly Mamın 1965 jyly Tselınograd qalasynda dúnıege kelgen. Tselınograd ınjener qurylysy ınstıtýtyn, G.Plehanov atyndaǵy Reseı ekonomıkalyq akademııasyn ınjener-qurylysshy, ekonomıst mamandyǵy boıynsha támamdaǵan. Eńbek jolyn «Tselıntıajstroı» tresinde montajdaýshy bolyp bastaǵan.

1996–2008 jyldar aralyǵynda Astana qalasy ákiminiń birinshi orynbasary, kólik jáne kommýnıkatsııalar vıtse-mınıstri, ındýstrııa jáne saýda birinshi vıtse-mınıstri, Qazaqstan Respýblıkasy kólik jáne kommýnıkatsııalar mınıstri, Astana qalasynyń ákimi qyzmetterin atqarǵan.

2008 jylǵy sáýirden bastap — «Qazaqstan temir joly» ulttyq kompanııasy» aktsıonerlik qoǵamynyń prezıdenti.

2016 jylǵy 9 qyrkúıekten bastap — QR Premer-Mınıstriniń birinshi orynbasary.

2019 jylǵy 25 aqpannan bastap Qazaqstan Respýblıkasy Prezıdentiniń Jarlyǵymen QR Premer-Mınıstri bolyp taǵaıyndaldy.

«Eren eńbegi úshin» medalimen (1998), «Qurmet» ordenimen (2006), ekinshi dárejeli «Barys» ordenimen (2011), Áýlıe knıaz Máskeýlik Danııldiń úshinshi deńgeıli ordenimen (2010), Frantsýz Respýblıkasynyń Qurmetti Legıony (2013) jáne Latvııa Respýblıkasynyń «Tanym kresti» ekinshi deńgeıli ordenimen (2013), Ispanııa Koroldiginiń «Azamattyq eńbegi úshin» birinshi deńgeıli ordenimen (2014) marapattalǵan. Astana qalasynyń qurmetti azamaty (2011), Qurmetti temirjolshy (2012), Qazaqstannyń qurmetti qurylysshysy (2013).


Májilis spıkeri Nurlan Zaırollauly Nyǵmatýlın 1962 jyly Qaraǵandyda týǵan. Qaraǵandy polıtehnıkalyq ınstıtýtyn bitirgen. Saıası ǵylymdarynyń doktory. Instıtýtty bitirgennen keıin «Qaraǵandyoblgaz» óndiristik birlestigi avtokolonnasynyń ınjeneri, bastyǵy bolyp jumys istegen.

1985-1990 jyldary – Qazaqstan LKJO Lenın aýdandyq komıtetiniń birinshi hatshysy, Qazaqstan LKJO OK komsomol uıymdary bólimi meńgerýshisiniń orynbasary, Qazaqstan LKJO Qaraǵandy oblystyq komıtetiniń hatshysy, birinshi hatshysy.

1990-1993 jyldary – Qazaqstan jastar uıymdary komıtetiniń tóraǵasy.

1993-1995 jyldary – «Tengrı» qazaq-amerıkan birlesken kásiporynnyń prezıdenti.

1995-1999 jyldar aralyǵynda – Qazaqstan Respýblıkasy Prezıdenti Ákimshiliginiń Uıymdastyrý-baqylaý bóliminiń memlekettik ınspektory, bólim meńgerýshisiniń orynbasary.

1999-2002 jyldary – Astana qalasy ákiminiń orynbasary.

2002-2004 jyldar aralyǵynda – Qazaqstan Respýblıkasy kólik jáne kommýnıkatsııa vıtse-mınıstri.

2004-2006 jyldary – Qazaqstan Respýblıkasy Prezıdenti Ákimshiligi Basshysynyń orynbasary.

2006-2009 jyldar aralyǵynda – Qaraǵandy oblysynyń ákimi.

2009-2012 jyldar aralyǵynda – «Nur Otan» Halyqtyq Demokratııalyq partııasy Tóraǵasynyń birinshi orynbasary.

2012 jylǵy 20 qańtar – 2014 jylǵy 3 sáýir aralyǵynda besinshi saılanǵan QR Parlamenti Májilisiniń Tóraǵasy,

«Nur Otan» Halyqtyq demokratııalyq partııasynyń QR Parlamenti Májilisindegi fraktsııasynyń jetekshisi.

2014 jylǵy 3 sáýir – 2016 jylǵy 21 maýsym aralyǵynda QR Prezıdenti Ákimshiliginiń Basshysy qyzmetin atqardy.

2016 jylǵy 22 maýsymnan bastap altynshy saılanǵan Qazaqstan Respýblıkasy Parlamenti Májilisiniń Tóraǵasy bolyp biraýyzdan saılandy, «Nur Otan» partııasynyń múshesi, partııalyq tizim boıynsha saılanǵan.

2019 jylǵy 22 tamyzynan - «NurOtan» partııasynyń Májilistegi fraktsııasynyń jetekshisi. «QR Tuńǵysh Prezıdenti - Elbasy Nursultan Nazarbaev», «Qurmet», II dárejeli «Barys» ordenderimen marapattalǵan.


Al Májilistiń Agrarlyq máseleler komıtetine parlamenttik oppozıtsııadan Erlan Barlybaev, («Aq jol» Qazaqstannyń demokratııalyq partııasy), Áleýmettik-mádenı damý komıtetine Jámıla Nurmanbetova, Zańnama jáne sot-quqyqtyq reforma komıtetine Qanat Mýsın, Halyqaralyq ister, qorǵanys jáne qaýipsizdik komıtetine Aıgúl Quspan, Qarjy jáne bıýdjet komıtetine Marat Qusaıynov, Ekonomıkalyq reforma jáne óńirlik damý komıtetine Albert Raý, Ekologııa máseleleri jáne tabıǵat paıdalaný komıtetine parlamenttik oppozıtsııadan Aleksandr Mılıýtın (Qazaqstan halyq partııasy) tóraǵa bolyp saılandy.


Sondaı-aq osy aptada ıÝrıı Zalygın Qaraǵandy oblysynyń sanıtarlyq-epıdemıologııalyq baqylaý departamentiniń basshysy bolyp taǵaıyndaldy.

ıÝrıı Zalygınniń eki joǵary bilimi bar. Qaraǵandy memlekettik medıtsına ınstıtýtyn «gıgıenıst-epıdemıolog dáriger» mamandyǵy boıynsha, Qazaqstan-Reseı ýnıversıtetin «ekonomıka bakalavry» biliktiligi boıynsha bitirgen.

Sanıtarlyq qyzmette 2001 jyldyń shildesinen bastap jumys isteıdi. Jezqazǵan men Temirtaýda túrli laýazymdarda eńbek etti. Jezqazǵan qalasy boıynsha Memlekettik sanıtarlyq-epıdemıologııalyq qadaǵalaý basqarmasyn, Jezqazǵan qalalyq tutynýshylardyń quqyqtaryn qorǵaý basqarmasyn basqardy. Oblystyq tutynýshylardyń quqyqtaryn qorǵaý, qoǵamdyq densaýlyq saqtaý, taýarlar men qyzmetterdiń sapasy men qaýipsizdigin baqylaý departamentteri basshysynyń orynbasary boldy.

2020 jylǵy qarashadan bastap qazirgi ýaqytqa deıin QR DSM sanıtarlyq-epıdemıologııalyq baqylaý komıtetiniń Qaraǵandy oblysy sanıtarlyq-epıdemıologııalyq baqylaý departamenti basshysynyń orynbasary bolyp jumys istedi.


Qostanaı oblysynyń sanıtarlyq-epıdemıologııalyq baqylaý departamentiniń basshysy bolyp Ermuhanbet Dáýletbaev taǵaıyndaldy.

Ermuhanbet Dáýletbaev óńirdiń bas sanıtar dárigeri qyzmetin de qosa atqarady. Ol Qarabalyq aýdany boıynsha memlekettik sanıtarlyq-epıdemıologııalyq qadaǵalaý bóliminiń basshysy bolǵan.


Qyzylorda oblystyq ekologııa departamentine jańa basshy keldi. Bul qyzmetke Nurjan Ómirserikuly taǵaıyndaldy.

Nurjan Ómirserikuly 1985 jyly Jańaqorǵan aýdanynda dúnıege kelgen. Ol ál-Farabı atyndaǵy Qazaq ulttyq jáne Qazaq gýmanıtarlyq zań ýnıversıtetterin bitirgen. Eńbek jolyn 2005 jyly Qyzylorda qalalyq qarjy bóliminde esepshi bolyp bastaǵan. Keıingi jyldary oblystyq ekonomıka jáne bıýdjettik josparlaý departamentiniń jetekshi mamany, QR Parlamenti Senaty depýtatynyń kómekshisi, Qyzylorda oblysy boıynsha Tekserý komıssııasy uıymdastyrý-quqyqtyq bóliminiń basshysy, oblystyq kásipkerlik jáne týrızm basqarmasynyń basshysy, QR Premer-Mınıstri Keńsesiniń Óńirlik damý bóliminiń bas ınspektory sekildi jaýapty qyzmet atqarǵan.


Mańǵystaý oblysynyń ákimi Serikbaı Trumovtyń ókimimen Investıtsııalar jáne týrızmdi damytý basqarmasynyń basshysy bolyp Venera Mustapaeva taǵaıyndaldy

Mustapaeva Venera Turanqyzy 1966 jyly týǵan. Bilimi joǵary. «Qarjy jáne nesıe», «Temirjol kóligimen tasymalynda úrdisterdi basqarý» mamandyqtary boıynsha joǵary bilim alǵan.

1993 jyly Mańǵystaý oblystyq Qarjy basqarmasynyń aktsıonerlik qoǵamdaryn, sharýashylyq júrgizýshi sýbektilerin jáne kompanııalardy tirkeý boıynsha jetekshi maman bolyp jumys istegen.

2013 jylǵa deıin Kásipkerlik basqarmasynda ártúrli laýazymdardy atqardy.

2013 - 2015 jyldar aralyǵynda Kásipkerlik basqarmasy basshysynyń orynbasary boldy. 2015 jyldan beri Mańǵystaý oblysy Kásipkerlik jáne saýda basqarmasynyń basshysy qyzmetin atqaryp keldi.


Memleket basshysynyń ókimimen Baqytjan Berikbaıuly Temirbolat «Qazaqstan Respýblıkasynyń Tuńǵysh Prezıdenti – Elbasynyń kitaphanasy» memlekettik mekemesiniń dırektory qyzmetine taǵaıyndaldy.

Baqytjan Berikbaıuly Temirbolat 1972 jylǵy 10 jeltoqsanda dúnıege kelgen. 1998 jyly Ál-Farabı atyndaǵy Qazaq ulttyq ýnıversıtetin «Saıasattaný» mamandyǵy boıynsha támamdaǵan. Eńbek ótili: – Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtynda ǵylymı qyzmetker (1998-2000);

– Qazaqstan Respýblıkasy Prezıdentiniń Ákimshiligine jumysqa shaqyrylyp, Іshki saıasat bóliminde, Aqparattyq-taldaý ortalyǵynda konsýltant, bas sarapshy, sektor meńgerýshisi laýazymdarynda qyzmet etti (2000-2006);

– Qaýipsizdik Keńesi hatshylyǵynda bas ınspektor (2006-2007);

– Qazaqstan Respýblıkasy Prezıdentiniń Keńsesi bastyǵynyń orynbasary (2007-2018);

– Qazaqstan Respýblıkasy Prezıdentiniń Ákimshiligi Jalpy bóliminiń meńgerýshisi (2018-20.03.2019);

– Qazaqstan Respýblıkasy Prezıdentiniń Keńsesi bastyǵynyń ýaqytsha mindetin atqarýshy (20.03.2019-07.2019);

– Qazaqstan Respýblıkasy Mádenıet jáne sport mınıstrliginiń jaýapty hatshysy (07.2019 j). Sońǵy qyzmetinen 2020 jylǵy 28 jeltoqsanda bosatylǵan edi.


QR Parlamenti Senatynyń baspasóz hatshysy qyzmetine Danııar Ramazanov taǵaıyndaldy.

Danııar Ramazanov M.Ótemisov atyndaǵy Batys Qazaqstan memlekettik ýnıversıtetinde, Ál-Farabı atyndaǵy Qazaq ulttyq ýnıversıtetinde bilim alǵan. Ulybrıtanııadaǵy Glazgo, Kardıff ýnıversıtetterinde bilimin shyńdaǵan. Ár jyldary «Qazaqstan» RTRK» Batys Qazaqstan oblystyq fılıalynyń tilshisi, «Habar-24» telearnasynyń tilshisi, halyqaralyq aqparattar bóliminiń bas redaktory, QR Tsıfrlyq damý, ınnovatsııa jáne aeroǵarysh ónerkásibi mınıstriniń baspasóz hatshysy bolyp eńbek etken.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT