+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qazaqstanda apta ishinde bolǵan kadrlyq taǵaıyndaýlar

2020 jylǵy 25 qazan 11:04
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat - Osy aptada Memleket basshysynyń ókimimen birqatar laýazym ıeleri taǵaıyndaldy. Munan ózge de taǵaıyndaýlar jergilikti jáne ortalyq atqarýshy organdarda oryn aldy. QazAqparat apta ishindegi kadrlyq aýys-túıiske sholý usynady.

Uqsas jańalyqtar
Almaty oblysynyń jastar basqarmasyna jańa basshy taǵaıyndaldy Qazaqstanda apta ishinde bolǵan taǵaıyndaýlar Almaty oblysynyń Tótenshe jaǵdaılar departamentine jańa basshy taǵaıyndaldy

Memleket basshysy Qasym-Jomart Toqaevtyń ókimderimen Qorǵanys mınıstriniń eki orynbasary taǵaıyndaldy.

Daryn Shylbynuly Tuıaqov pen Muhamedjan Qadirjanuly Talasov Qazaqstan Respýblıkasy Qorǵanys mınıstriniń orynbasary qyzmetine bekitildi.

Osy aptanyń ortasynda Prezıdenttiń ókimderimen Básekelestikti qorǵaý jáne damytý agenttigi tóraǵasynyń orynbasarlary taǵaıyndaldy. Rýstam Nurlanuly Ahmetov QR Básekelestikti qorǵaý jáne damytý agenttigi tóraǵasynyń birinshi orynbasary qyzmetine; Marat Talǵatuly Omarov QR Básekelestikti qorǵaý jáne damytý agenttigi tóraǵasynyń orynbasary qyzmetine; Bolat Qýanyshbekuly Sámbetov Qazaqstan Respýblıkasynyń Básekelestikti qorǵaý jáne damytý agenttigi tóraǵasynyń orynbasary qyzmetine bekitildi.

Sonymen qatar, Memleket basshysynyń ókimimen Sábıt Nurlybaı QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń tóraǵasy bolyp taǵaıyndaldy. Ol QR Ekologııa, geologııa jáne tabıǵı resýrstar mınıstrliginiń jaýapty hatshysy qyzmetinen bosatyldy.

QR Premer-Mınıstriniń ókimimen Bıahmetov Asqar Saqtaǵanuly QR Premer-Mınıstri Keńsesiniń basshynyń orynbasary bolyp taǵaıyndaldy.

Asqar Bıahmetov 1975 jyly Aqtóbe oblysynda týǵan. Qazaq memlekettik basqarý akademııasyn «Qarjy jáne nesıe» mamandyǵy boıynsha, QAZGZÝ «Quqyqtaný» mamandyǵy boıynsha, QR Prezıdenti janyndaǵy MBA UMSM magıstratýrasyn «Saıasattaný» mamandyǵy boıynsha jáne Dıýk ýnıversıtetin bitirgen. 1993–2004 jj. — oblystyq qarjy basqarmasynda, «Profılaktorıı» PK, Salyq komıtetinde, qalalyq ákimdikte, sondaı-aq Aqtóbe oblysynyń qazynashylyq jáne qarjy basqarmalarynda basshylyq laýazymdarda jumys istedi.

2019–2020 jj. — QR Premer-Mınıstri birinshi orynbasarynyń keńesshisi.

Bul aptada QR Úkimetiniń Qaýylysymen Ahmetjanov Ánýar Muratuly QR Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri qyzmetine taǵaıyndaldy.

Ánýar Ahmetjanov 1975 jyly Qaraǵandy qalasynda dúnıege kelgen. 1996 jyly E.A. Bóketov atyndaǵy Qaraǵandy memlekettik ýnıversıtetin, 2000 jyly Djons Hopkıns ýnıversıtetin bitirgen. Eńbek jolyn 1996 jyly E.A. Bóketov atyndaǵy Qaraǵandy memlekettik ýnıversıtetiniń ekonomıka jáne syrtqy ekonomıkalyq qyzmet kafedrasynyń oqytýshysy bolyp bastaǵan.

2019 jyldyń tamyz aıynan bastap qazirge deıin QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń jaýapty hatshysy qyzmetin atqardy.

QR Úkimetiniń Qaýylysymen Azamat Kemeńgeruly Ámrın QR Ulttyq ekonomıka vıtse-mınıstri qyzmetine taǵaıyndaldy.

Azamat Ámrın 1973 jyly Soltústik Qazaqstan oblysynda dúnıege kelgen. Aqmola aýyl sharýashylyǵy ınstıtýtyn jáne M. Qozybaev atyndaǵy Soltústik Qazaqstan memlekettik ýnıversıtetin bitirgen. Mamandyǵy boıynsha ekonomıst-menedjer, quqyqtaný bakalavry. Eńbek jolyn 1989 jyly Korneev keńsharynda jumysshy bolyp bastady.

2015 jylǵy qańtardan bastap qazirge deıin QR Ulttyq ekonomıka mınıstrliginiń Salyq jáne keden saıasaty departamentiniń dırektory bolyp eńbek etti.

QR Úkimetiniń Qaýylysymen Ásem Bekqyzy Núsipova Qazaqstan Respýblıkasy densaýlyq saqtaý vıtse-mınıstri qyzmetine taǵaıyndaldy.

Ásem Núsipova 1975 jyly Almaty qalasynda týǵan. 1996 jyly ál-Farabı atyndaǵy Qazaq memlekettik ulttyq ýnıversıtetin «ekonomıka» mamandyǵy boıynsha, 1998 jyly osy ýnıversıtettiń magıstratýrasyn bitirgen. 2001-2003 jj. — Qaýipsizdik Keńesiniń ekonomıkalyq qaýipsizdik máseleleri jónindegi bóliminiń bas sarapshysy, QR Prezıdenti Ákimshiliginiń júıeli zertteýler ortalyǵynyń sarapshysy, sektor meńgerýshisi.

2016-2019 jj. — Shyǵys Qazaqstan oblysy ákiminiń orynbasary. 2020 j. — «Astana» Halyqaralyq qarjy ortalyǵynyń ákimshiligi» AQ bas konsýltanty. 2020 jylǵy shildeden bastap qazirge deıin — QR Densaýlyq saqtaý mınıstrliginiń jaýapty hatshysy.

Túrkistan oblysy ákiminiń orynbasary bolyp Arman Sábıtov taǵaıyndaldy.

Arman Sábıtov 1984 jyly Shymkent qalasynda týǵan, bilimi joǵary. Ál-Farabı atyndaǵy Qazaq Ulttyq ýnıversıtetin, T.Rysqulov atyndaǵy Qazaq ekonomıkalyq ýnıversıtetiniń aspırantýrasyn bitirgen. Mamandyǵy boıynsha ekonomıst, ekonomıka ǵylymdarynyń kandıdaty, memlekettik aýdıtor. Eńbek jolyn «Azamataýdıt» JShS aýdıtorlyq mekemesinde aýdıtordyń assıstenti bolyp bastaǵan.

2019 jyldan beri Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń Memlekettik ınspektory, Prezıdent Ákimshiliginiń Memlekettik ınspektory qyzmetterin atqaryp kelgen.

QR Memlekettik qyzmet isteri agenttiginiń buıryǵymen Rafhat Bısenov agenttiktiń Qyzylorda oblysy boıynsha departamentiniń basshysy, Ádep jónindegi keńes tóraǵasy qyzmetine taǵaıyndaldy.

R. Bısenov 1983 jyly Batys Qazaqstan oblysynda dúnıege kelgen. 2003 jyly Q.Jubanov atyndaǵy Aqtóbe memlekettik ýnıversıtetin «Qazaqstan tarıhy», 2014 jyly Qazaq-orys halyqaralyq ýnıversıtetin «Quqyqtaný» mamandyǵy boıynsha támamdaǵan. Eńbek jolyn 2003 jyly Aqtóbe qalasyndaǵy №51 gımnazııada tarıh pániniń muǵalimi retinde bastaǵan. 2016 jyldan bastap osy kezge deıin atalǵan departament basshysynyń orynbasary qyzmetin atqardy.

Atyraý oblystyq Densaýlyq saqtaý basqarmasynyń basshysy bolyp Ashan Baıdýálıev taǵaıyndaldy.

Ashan Marhabaıulynyń mamandyǵy – dáriger-ýrolog, medıtsına ǵylymdarynyń kandıdaty. S.Asfendııarov atyndaǵy Qazaq ulttyq medıtsına ýnıversıtetin bitirgen. Eńbek jolyn atalǵan ýnıversıtettiń ýrologııa jáne jedel nefrologııa kafedrasynda assıstent bolyp bastaǵan.

Osy taǵaıyndaýǵa deıin Atyraý oblystyq Densaýlyq saqtaý basqarmasy basshysynyń orynbasary, basshysynyń mindetin atqarýshy boldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT