+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qazaqstanda apta ishinde bolǵan kadrlyq taǵaıyndaýlar

2020 jylǵy 18 qazan 13:00
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat - Osy aptada Memleket basshysynyń Jarlyǵymen qurylǵanyna kóp bola qoımaǵan Tótenshe jaǵdaılar mınıstrliginiń úsh vıtse-mınıstri taǵaıyndaldy. Munan ózge de taǵaıyndaýlar jergilikti jáne ortalyq atqarýshy organdarda oryn aldy. QazAqparat apta ishindegi atalǵan kadrlyq aýys-túıiske sholý usynady.

Uqsas jańalyqtar
Almaty oblysynyń jastar basqarmasyna jańa basshy taǵaıyndaldy Qazaqstanda apta ishinde bolǵan taǵaıyndaýlar Almaty oblysynyń Tótenshe jaǵdaılar departamentine jańa basshy taǵaıyndaldy

QR Úkimetiniń qaýlysymen Ibragım Kúlshimbaev QR Tótenshe jaǵdaılar birinshi vıtse-mınıstri qyzmetine taǵaıyndaldy.

Ibragım Daýkesuly 1972 jyly Qaraǵandy oblysynda dúnıege kelgen.

1994 jyly Qaraǵandy polıtehnıkalyq ınstıtýtyn, 2004 jyly Reseı TJM Azamattyq qorǵaý akademııasyn bitirgen.

Eńbek jolyn 1994 jyly Qaraǵandy oblysy, Nura aýdany, Amantaý keńsharynda avtopark mehanıgi bolyp bastaǵan. 1996-1999 jyldary — QR Qorǵanys mınıstrligi 1-armııa korpýsy 78 tank dıvızııasy 143 tank polkiniń shtab bastyǵynyń orynbasary, tank vzvodynyń komandıri.

2000-2004 jyldary — QR TJM 52859 áskerı bólimi rota komandıriniń tárbıe jáne áleýmettik-quqyqtyq jumystar jónindegi orynbasary. 2004-2005 jyldary — Qaraǵandy oblystyq tótenshe jaǵdaılar basqarmasy Daıyndyq jáne oqytý ortalyǵynyń bólim basshysynyń orynbasary.

2005 jyldan bastap 2009 jylǵa deıin Qaraǵandy oblysynyń Tótenshe jaǵdaılar departamentiniń qurylymynda jumys istedi. 2009-2013 jyldary tabıǵı jáne tehnogendik sıpattaǵy tótenshe jaǵdaılardy joıý mindetterin oryndaıtyn QR TJM 52859 áskerı bólimine basshylyq etti.

2013-2016 jyldary — Astana qalasy Tótenshe jaǵdaılar departamenti basshysynyń orynbasary. 2016 jyldan bastap qazirgi tańǵa deıin Qaraǵandy oblysy tótenshe jaǵdaılar departamentiniń basshysy qyzmetin atqardy.

Mereke Pishembaev QR Tótenshe jaǵdaılar vıtse-mınıstri qyzmetine taǵaıyndaldy.

Mereke Qudaıbergenuly 1962 jyly Pavlodar oblysynda dúnıege kelgen.

Óskemen jol-qurylys ınstıtýtyn, Qazaq memlekettik basqarý akademııasy janyndaǵy Naryq ınstıtýtyn, RF Prezıdenti janyndaǵy Reseı memlekettik qyzmet akademııasyn támamdaǵan. Mamandyǵy — ınjener-qurylysshy, ekonomıst, menedjer.

Eńbek jolyn 1985 jyly Pavlodar oblystyq avtomobıl joldary basqarmasynyń Maı aýdandyq avtomobıl jolynda aǵa jol sheberi, bas ınjener bolyp bastaǵan. 1986 jyldan bastap 1996 jylǵa deıin kvazımemlekettik sektorda túrli laýazymdardy atqarǵan. 1997 jylǵy qyrkúıekten 2000 jyldyń aqpanyna deıin QR Kólik jáne kommýnıkatsııalar mınıstrliginde basshylyq laýazymdarynda eńbek etken.

2000-2002 jyldary — Soltústik Qazaqstan memlekettik avtomobıl joldary mekemesiniń dırektory, Soltústik Qazaqstan oblystyq avtomobıl joldary basqarmasynyń basshysy. 2002-2013 jyldary — QR Kólik jáne kommýnıkatsııalar mınıstrliginiń Avtomobıl joldary jáne ınfraqurylymdyq keshen qurylysy komıtetiniń «Qazaqavtojol» respýblıkalyq memlekettik kásipornynyń bas dırektory.

2013 jyldan bastap 2014 jylǵa deıin — QR kólik jáne kommýnıkatsııalar vıtse-mınıstri; 2014 jylǵy tamyzdan bastap 2019 jylǵy naýryzǵa deıin — QR Investıtsııalar jáne damý mınıstrliginiń Avtomobıl joldary komıtetiniń tóraǵasy.

2019 jylǵy naýryzdan bastap qazirgi tańǵa deıin QR Indýstrııa jáne ınfraqurylymdyq damý mınıstrliginiń jaýapty hatshysy qyzmetin atqardy.

Marat Kúldikov QR Tótenshe jaǵdaılar vıtse-mınıstri qyzmetine taǵaıyndaldy.

Marat Muhametqalıuly 1967 jyly Semeı oblysynda týǵan. 1994 jyly QR ІІM Almaty joǵary tehnıkalyq ýchılıesin «órtten qorǵaný tehnıkasy jáne ony uıymdastyrý» mamandyǵy boıynsha, 2000 jyly QR TJK Kókshetaý tehnıkalyq ınstıtýtyn «órt qaýipsizdigi» mamandyǵy boıynsha bitirgen.

Eńbek jolyn 1989 jyly Semeı qalasyn kúzetý jónindegi ІІB №79 áskerılendirilgen órt sóndirý bólimine baǵynysty órt sóndirýshi bolyp bastady.

1993-2008 jyldary Shyǵys Qazaqstan oblysynyń memlekettik órtke qarsy qyzmet organdarynda orta jáne aǵa basshy quramynyń túrli laýazymdaryn atqardy.

2008-2012 jj. — Shyǵys Qazaqstan oblysynyń Tótenshe jaǵdaılar departamentiniń bastyǵynyń orynbasary – Semeı qalasynyń Tótenshe jaǵdaılar basqarmasynyń bastyǵy. 2012-2014 jj. — Jambyl oblysynyń Tótenshe jaǵdaılar departamentiniń bastyǵy.

2014-2016 jj. — Batys Qazaqstan oblysynyń Tótenshe jaǵdaılar departamentiniń bastyǵy. 2016-2019 jj. — QR ІІM Tótenshe jaǵdaılar komıteti tóraǵasynyń orynbasary.

2019 jyldan qazirgi ýaqytqa deıin Tótenshe jaǵdaılar komıtetiniń tóraǵasynyń birinshi orynbasary qyzmetin atqardy.

Sonymen qatar QR Tótenshe jaǵdaılar mınıstrliginiń resmı ókili qyzmetine Talǵat Ýálı taǵaıyndaldy.

Talǵat Qanatuly 1988 jyly ShQO Tarbaǵataı aýdany Aqsýat aýylynda dúnıege kelgen.

2009 jyly «Qaınar» Semeı ýnıversıtetin ekonomıst mamandyǵy boıynsha aıaqtaǵan.

Eńbek jolyn 2010 jyly Semeı qalalyq TVK-6 telearnasynda jýrnalıst qyzmetinen bastaǵan.

2011 «Qazaqstan» RTRK Semeı fılıalynda redaktor-júrgizýshi, 2012 jyly «ERA» JShS Jetinshi arna tekekompanııasynyń jańalyqtar qyzmetinde jýrnalıst bolyp jalǵastyrdy. 2015 jyly «Habar» agenttigi» AQ jańalyqtar qyzmetinde jýrnalıst bolyp jumys istegen.

2016 jyldan bastap «Atameken Business» mýltımedııalyq telearnasynyń jańalyqtar qyzmetinde arnaıy tilshi, telejúrgizýshi jáne prezıdenttik pýl jýrnalısti bolyp qyzmet atqardy.

2019 jyly QR Qarjy mınıstrligi Memlekettik kirister komıtetiniń resmı ókili bolǵan. 2020 jyly QR Ekologııa, geologııa jáne tabıǵı resýrstar mınıstrliginiń baspasóz qyzmetinde eńbek etken.

QR Densaýlyq saqtaý mınıstriniń buıryǵymen Aıjan Esmaǵambetova DSM Sanıtarlyq-epıdemıologııalyq baqylaý komıtetiniń tóraıymy qyzmetine taǵaıyndaldy.

Aıjan Esmaǵambetova 1972 jyly Almaty oblysynda dúnıege kelgen.

1997 jyly Almaty memlekettik medıtsına ýnıversıtetin gıgıenıst dáriger, epıdemıolog mamandyǵy boıynsha támamdaǵan.

Eńbek jolyn 1990 jyly Almaty qalasy №7 emhanasynda feldsher-zerthanashy bolyp bastaǵan.

1997-2004 jyldary Respýblıkalyq sanıtarlyq-epıdemıologııalyq stantsııanyń asa qaýipti ınfektsııalar bóliminde dáriger-epıdemıolog, dáriger-bakterıolog, zerthana meńgerýshisi bolyp jumys istegen.

2004-2014 jyldary QR DSM Memlekettik sanıtarlyq-epıdemıologııalyq qadaǵalaý komıtetiniń qurylymynda jetekshi mamannan bastap tóraıymǵa deıin túrli laýazymdardy atqarǵan.

2014 jyly – QR Tutynýshylardyń quqyqtaryn qorǵaý agenttiginiń epıdemıologııalyq qadaǵalaý departamentiniń dırektory – bas memlekettik sanıtarlyq dárigerdiń orynbasary.

2014-2017 jyldary — QR UEM Tutynýshylardyń quqyqtaryn qorǵaý komıtetiniń epıdemıologııalyq qadaǵalaý basqarmasynyń basshysy.

2017 jyly — QR DSM strategııalyq damý jáne qoǵamdyq densaýlyq saqtaý departamentiniń dırektory. 2017-2020 jyldary — QR qoǵamdyq densaýlyq saqtaý saıasaty departamentiniń dırektory.

2020 jylǵy 23 maýsymnan bastap qazirgi ýaqytqa deıin QR DSM Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary qyzmetin atqardy.

QR QM Memlekettik kirister komıteti tóraǵasynyń orynbasary bolyp Qaırat Mııatov taǵaıyndaldy.

Qaırat Isataıuly Jambyl qalasynda 1971 jylda dúnıege keldi.

Bilimi joǵary: 1993 jyly Jambyl gıdromelıoratıvtik-qurylys ınstıtýtyn «ınjener-qurylysshy» mamandyǵy boıynsha 1997 jyly Jambyl gıdromelıoratıvtik-qurylys ınstıtýtyn «Ekonomıst-býhgalter» mamandyǵy boıynsha jáne 2006 jyly Qazaq gýmanıtarlyq-zań ýnıversıtetin «Zańtaný»mamandyǵy boıynsha bitirgen.

Eńbek jolyn 1993 jyly Jambyl oblysy boıynsha Salyq ınspektsııasynyń aǵa salyq ınspektory bolyp bastady, onda 2002 jylǵa deıin shaǵyn bıznes bóliminiń bastyǵy, kelispeýshilikter jáne konsýltatsııalar bóliminiń bastyǵy laýazymdarynda qyzmet atqardy.

2002 jyldan bastap QR Memlekettik kirister mınıstrligine monıtorıng jáne transferttik baǵa belgileý departamentiniń halyqaralyq iskerlik operatsııalar baǵalarynyń monıtorıngi bóliminiń bas mamany bolyp jumysqa aýysty.

2003 jyldan 2005 jylǵa deıin QR Qarjy mınıstrligi Salyq komıtetiniń salyqtyq ákimshilendirý basqarmasynyń bas mamany bolyp jumys istedi.

2005 jyly Aqtóbe oblysy Aqtóbe qalasy boıynsha Salyq komıteti tóraǵasynyń orynbasary laýazymyna taǵaıyndaldy, onda 2007 jylǵa deıin jumys istedi.

2007 jyldan 2009 jylǵa deıin QR Qarjy mınıstrligi Salyq komıtetiniń salyqtyq ákimshilendirý basqarmasy bastyǵynyń orynbasary, sodan keıin salyqtyq aýdıt basqarmasynyń bastyǵy laýazymdarynda jumys istedi.

2009 jyly Astana qalasy boıynsha Salyq departamentiniń Almaty aýdany boıynsha Salyq basqarmasynyń bastyǵy bolyp taǵaıyndaldy, onda 2011 jylǵa deıin jumys istedi.

2012 jyldan 2013 jylǵa deıin Qazaqstan Respýblıkasy Qarjy mınıstrliginiń Dármensiz boryshkerlermen jumys komıteti tóraǵasynyń orynbasary bolyp jumys istedi.

2013 jyldan 2017 jylǵa deıin Qazaqstan Respýblıkasy Qarjy mınıstrligi Memlekettik kirister komıtetiniń ońaltý jáne bankrottyq basqarmasynyń, janama salyqtardy ákimshilendirý basqarmasynyń, eksporttyq baqylaý basqarmasynyń basshysy bolyp jumys istedi.

2017 jyldan 2020 jylǵa deıin Qazaqstan Respýblıkasy Qarjy mınıstrliginiń apellıatsııa departamentiniń dırektory bolyp jumys istedi.

QR Prezıdenti Ákimshiligi jáne qalalyq máslıhat depýtattarynyń kelisimimen Eset Baıken elordanyń Saryarqa aýdanyna ákim bolyp taǵaıyndaldy.

Eset Berikuly eńbek jolyn 2008 jyly Astana qalasynyń ekonomıka jáne bıýdjetti josparlaý basqarmasynda jetekshi maman retinde bastaǵan.

Ár jyldary Astana qalasy ákiminiń áleýmettik-mádenı sala bóliminiń bas mamany, Astana qalasy ákiminiń bas ınspektory, Astana qalasy ákiminiń uıymdastyrý-ınspektorlyq bóliminiń basshysy qyzmetterin atqardy.

Sońǵy jyldary ol QR Prezıdenti Ákimshiligi basshysynyń hatshylyǵynda sarapshy, QR Prezıdenti Ákimshiliginiń memlekettik baqylaý jáne uıymdastyrýshylyq-aýmaqtyq jumys bóliminiń memlekettik ınspektory, Qaraǵandy oblysy Nura aýdanynyń ákimi qyzmetterinde boldy.

Memlekettik qyzmettegi jumys ótili 11 jyldan asady. 34 jastaǵy Eset Baıken ákimdik bóliminiń mamanynan qalalyq ákimshiliktiń ákim apparatynyń jetekshisine deıingi qyzmet jolynan ótti.

Qazaqstan Respýblıkasynyń Prezıdenti Ákimshiliginiń kelisimine saı̆ jáne aýdandyq máslıhat depýtattarynyń tolyq qoldaýymen Birjan sal aýdany ákimi laýazymyna Dostanbek Esjanov taǵaı̆yndaldy.

Dostanbek Berikuly 1982 jyly 17 naýryzda Aqmola oblysynyń Esil qalasynda týǵan. Bilimi joǵary. 2005 jyly Astana qalasyndaǵy «Turan» ýnıversıtetin zańger mamandyǵy boıynsha bitirgen.

2006-2007 jyldary Esil aýdany əkimi apparatynyń bas mamany, 2007 jyly Astana qalasyndaǵy «Tsesnaastyq» kontserni seriktestiginiń zańgeri bolyp qyzmet atqarǵan.

2009 jyldan 2012 jylǵa deıin Esil aýdany əkimi apparatynyń uıymdastyrý kadr jumysy bóliminiń bastyǵy, 2012-2016 jyldary Esil aýdany əkimi apparatynyń basshysy laýazymynda qyzmet istedi. 2016-2018 jyldary Esil aýdany əkiminiń orynbasary boldy.

2018 jyldyń naýryzynan 2019 jyldyń səýirine deıin Aqmola oblysy əkimi apparaty uıymdastyrý ınspektorlyq jumys bóliminiń basshysy bolyp qyzmet atqardy.

Jańa qyzmetke taǵaıyndalǵanǵa deıin Býrabaı aýdany əkiminiń orynbasary bolyp qyzmet istedi.

«Nur Otan» fraktsııasynyń depýtaty, QR Parlamenti Májilisiniń Zańnama jáne sot-quqyqtyq reforma komıtetiniń tóraǵasy Qanat Mýsın Saıası keńes bıýrosynyń sheshimimen partııanyń Quqyqtyq keńesiniń tóraǵasy bolyp taǵaıyndaldy.

Qanat Sergeıuly 1966 jylǵy 27 aqpanda Tselınograd (Nur-Sultan) qalasynda dúnıege kelgen. E.Bóketov atyndaǵy Qaraǵandy memlekettik ýnıversıtetin bitirgen.

1998-2001 jyldary Soltústik Qazaqstan oblysy prokýrorynyń orynbasary, Jambyl oblysy prokýrorynyń birinshi orynbasary boldy.

2001-2007 jyldary qarjy Batys Qazaqstan oblysy, Almaty qalasy Ekonomıkalyq qylmys jáne sybaılas jemqorlyqqa qarsy kúres departamenti basshysynyń orynbasary qyzmetin atqardy. 2007-2010 jyldary Qazaqstan Respýblıkasynyń Qaýipsizdik Keńes apparatynda jumys istedi.

2010-2012 jyldary - Soltústik Qazaqstan oblysy prokýrorynyń birinshi orynbasary. 2012-2016 jyldary - Astana qalasynyń Ádilet departamentiniń basshysy.

2016 jyldyń naýryzynan bastap altynshy saılanymdaǵy Qazaqstan Respýblıkasy Parlamenti Májilisiniń depýtaty.

Eýrazııalyq damý banki basqarma tóraǵasynyń keńesshisi qyzmetine Grıgorıı Marchenko taǵaıyndaldy.

Grıgorıı Marchenko 1959 jyldyń 26 jeltoqsanynda Almaty qalasynda dúnıege kelgen. Ol 1999-2004 jáne 2009-2013 jyldary Qazaqstannyń Ulttyq bankin basqarǵan. Al 2005-2009 jyldary aralyǵynda «Qazaqstannyń halyqtyq jınaq banki» AQ basqarma tóraǵasy bolǵan.

Ár jyldary QR Prezıdentiniń shtattan tys keńesshisi jáne kómekshisi, QR Premer-Mınıstriniń birinshi orynbasary laýazymdarynda qyzmet etken. 2013 jyldan beri táýelsiz sarapshy bolyp júr.

Grıgorıı Marchenko «Parasat», «Qazaqstan Respýblıkasynyń Tunǵysh Prezıdenti Nursultan Nazarbaev», Ispanııanyń Orden del Mérito Civil «Azamattyq eńbegi úshin» ordenderimen marapattalǵan.

Sonymen qatar ol Ispanııa koroldiginiń Almaty qalasy men Almaty oblysyndaǵy qurmetti konsýly.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT