+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qazaqstanda apta ishinde bolǵan kadrlyq taǵaıyndaýlar

2020 jylǵy 9 tamyz 11:24
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Osy aptada birneshe mınıstrlik pen oblys ákimdikterinde jańa taǵaıyndaý boldy. «QazAqparat» halyqaralyq aqparat agenttigi Qazaqstandaǵy apta ishinde bolǵan kadrlyq taǵaıyndaýlar sholýyn usynady.

Uqsas jańalyqtar
Ǵalymurat Júkel Almaty oblysy ákiminiń keńesshisi qyzmetine taǵaıyndaldy Qaraǵandy qalasynyń burynǵy ákimi Nurlan Áýbákirov jańa qyzmetke taǵaıyndaldy Qyzylorda oblystyq jer qatynastary basqarmasynyń basshysy aýysty

Memleket basshysynyń ókimimen Sáken Seıtjapparuly Sársenov Qazaqstan Respýblıkasy Іshki ister mınıstriniń orynbasary qyzmetine taǵaıyndaldy.

Sáken Seıitjapparuly 1977 jyly 2 aqpanda Shymkent oblysynda dúnıege keldi. Máskeý memlekettik avıatsııalyq ınstıtýtyn bitirgen, «Aqparat óńdeý jáne basqarýdyń avtomattandyrylǵan júıesi» mamandyǵy boıynsha ınjener. Ár jyldary Qazaqstan Respýblıkasy Kólik jáne kommýnıkatsııa mınıstrliginde jumys istegen, Qazaqstan Respýblıkasy radıojıilik spektrin paıdalanýdy baqylaý máselesimen aınalysty, Qazaqstan Respýblıkasy Qarjy mınıstrligi «Qarjylyq júıelerdi aqparattandyrý ortalyǵy» RMK aqparatty qorǵaýdy uıymdastyrý bóliminiń meńgerýshisi bolyp jumys istedi. 2003 jyly «Ulttyq aqparattyq tehnologııalar» AQ Basqarma tóraǵasynyń orynbasary qyzmetine taǵaıyndaldy.

2012-2014 jyldary QR Kólik jáne kommýnıkatsııa vıtse-mınıstri qyzmetinde boldy. Sonymen qatar QR Baılanys jáne aqparat agenttigi tóraǵasynyń birinshi orynbasary (09.04.2014-13.08.2014); QR Investıtsııalar jáne damý mınıstrliginiń aqparattandyrý jáne aqparat komıtetiniń tóraǵasy (08.2014 bastap) laýazymdaryn atqardy. 2016-2017 jyldary Qazaqstan Respýblıkasynyń Investıtsııalar jáne damý vıtse-mınıstri bolǵan. 2017 jyldyń aqpanynan 2020 jylǵa deıin «Qazposhta» AQ basqarma tóraǵasy boldy.

***

QR Qarjy mınıstriniń buıryǵymen Ánýar Serqululy Jumadildaev QR Qarjy mınıstrliginiń Qazynashylyq komıtetiniń tóraǵasy bolyp taǵaıyndaldy.

Ánýar Jumadildaev 22 qyrkúıekte Qyzylorda oblysynda dúnıege kelgen. Patrıs Lýmýmba atyndaǵy halyqtar dostyǵy ýnıversıteti men Batys Qazaqstan ınjenerlik-tehnologııalyq ýnıversıtetin bitirgen. 2005 jyly Batys Qazaqstan oblysy boıynsha Salyq komıteti tóraǵasynyń orynbasary bolyp taǵaıyndaldy. 2008 jyly QR Qarjy mınıstrliginiń Salyq komıtetiniń Alkogol, temeki jáne aktsızdeýge jatatyn basqa da ónimderdi ákimshilendirý basqarmasynyń bastyǵy bolyp eńbek etti. 2009 jyly QR Qarjy mınıstrligi Salyq komıteti tóraǵasynyń orynbasary bolyp taǵaıyndaldy. 2012 jyly QR Qarjy mınıstrligi Salyq komıtetiniń tóraǵasy laýazymyna aýystyryldy. Ár jyldary QR Qarjy mınıstrliginiń Іshki memlekettik aýdıt komıtetin jáne Qarjylyq baqylaý komıtetin basqardy. 2017-2019 jyldary QR Qarjy mınıstrliginiń Qarjylyq monıtorıng komıtetiniń tóraǵasy qyzmetin atqardy. 2019-2020 jyldary QR Qarjy mınıstrliginiń Іshki memlekettik aýdıt komıtetiniń tóraǵasy boldy.

***

Dáýren Sábıtov EEK Kólik jáne ınfraqurylym departamentiniń dırektory bolyp taǵaıyndaldy.

Dáýren Qýanbekuly T. Rysqulov atyndaǵy Qazaq ekonomıkalyq ýnıversıtetin aıaqtaǵan. 2013-2017 jyldary Qazaqstan Respýblıkasy Kólik jáne kommýnıkatsııalar mınıstrligi Kólik saıasaty jáne logıstıka departamentiniń dırektory bolyp qyzmet atqardy. 2017 jyldan 2020 jylǵa deıin Qazaqstan Respýblıkasy Indýstrııa jáne ınfraqurylymdyq damý mınıstrligi Kólik komıteti tóraǵasynyń orynbasary boldy.

***

Shahmardan Asqaruly Baımanov QR Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy qyzmetine taǵaıyndaldy.

Shahmardan Baımanov 1984 jyly Qyzylorda qalasynda dúnıege kelgen. 2005 jyly Qorqyt ata atyndaǵy Qyzylorda memlekettik ýnıversıtetin, 2012 jyly QR Prezıdenti janyndaǵy Memlekettik basqarý akademııasyn támamdaǵan. Eńbek jolyn 2005 jyly Qorqyt ata atyndaǵy Qyzylorda memlekettik ýnıversıteti rektorynyń jastar isteri jónindegi kómekshisi bolyp bastaǵan. 2007-2008 jyldary — Qyzylorda oblysynyń «Jastar bastamalaryn damytý ortalyǵy» qaýymdastyǵynyń atqarýshy dırektory.

2015-2017 jyldary — «Nur Otan» partııasy janyndaǵy «Jas Otan» jastar qanatynyń tóraǵasy. 2017-2019 jyldary — Qyzylorda qalasynyń ákimi orynbasarynyń mindetin atqarýshy, qala ákiminiń orynbasary. 2019 jyldan bastap qazirgi ýaqytqa deıin QR Aqparat jáne qoǵamdyq damý mınıstrliginiń Jastar jáne otbasy isteri komıteti tóraǵasynyń orynbasary qyzmetin atqardy.

***

Atyraý oblystyq Tótenshe jaǵdaılar departamentiniń bastyǵy bolyp Omar Berjanov taǵaıyndaldy.

Batys Qazaqstan oblysy TJD bastyǵynyń orynbasary, Qyzylorda oblysy TJD bastyǵy qyzmetterin atqarǵan. ІІІ, ІІ, І dárejeli «Órtke qarsy qyzmet organdaryndaǵy minsiz qyzmeti úshin» medaldarymen, «Tótenshe jaǵdaılar júıesin damytýǵa qosqan úlesi úshin» tósbelgisimen, «Erligi úshin» memlekettik medalimen jáne taǵy basqa kóptegen marapattarǵa ıe bolǵan.

***

Almaty oblysynyń Densaýlyq saqtaý basqarmasyna Ómirzaq Nııazbekov basshy bolyp taǵaıyndaldy.

Ómirzaq Ábilseıituly 1966 jyly týǵan. Almaty memlekettik medıtsına ınstıtýtyn dáriger mamandyǵy boıynsha bitirgen. Eńbek jolyn Almaty oblysy Alakól aýdany Úsharal qalasyndaǵy Alakól ortalyq aýdandyq aýrýhanasynyń hırýrgııa bóliminde hırýrg bolyp bastaǵan.

2018 jyldyń shildesinen Almaty oblysy Densaýlyq saqtaý basqarmasy basshysynyń emdeý-aldyn alý jumysy jónindegi orynbasary qyzmetin atqardy.

***

Oblys ákiminiń ókimimen jáne BQO memlekettik qyzmet isteri boıynsha ýákiletti organnyń kelisimimen rotatsııa qaǵıdasy aıasynda Berik Esenǵalıev oblystyq jerdiń paıdalanylýy men qorǵalýyn baqylaý basqarmasynyń basshysy bolyp taǵaıyndaldy.

BQO ákiminiń baspasóz qyzmetinen túsken málimetke qaraǵanda, Berik Abatuly 1977 jyly dúnıege kelgen. Bilimi joǵary. Batys Qazaqstan agrarlyq ýnıversıtetin ekonomıst mamandyǵy boıynsha támamdaǵan. Ekonomıka ǵylymdarynyń magıstri dárejesi bar.

Ár jyldary «Qurmet» ZJQ BQO fılıalynyń zeınetaqy qory jónindegi mamany, aımaqtyq dırektory, óńirdegi túrli kásiporynda basshylyq qyzmette boldy. Sondaı-aq Jánibek aýdany ákiminiń orynbasary, osy aýdannyń ákimi, BQO qarjy basqarmasy basshysynyń orynbasary, BQO energetıka jáne turǵyn úı-kommýnaldyq sharýashylyǵy basqarmasy basshysynyń orynbasary, 2017 jyldan BQO aýyl sharýashylyǵy basqarmasynyń basshysy qyzmetin atqardy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT