+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Qazaqstanda apta ishinde bolǵan kadrlyq taǵaıyndaýlar

2020 jylǵy 5 sáýir 10:36
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat - Osy aptada Parlament Májilisiniń Áleýmettik-mádenı damý komıtetine jańa tóraǵa keldi, óńirlik atqarýshy bılikte de kadrlyq aýys-túıis boldy. QazAqparat oqyrman nazaryna osy taǵaıyndaýlardy usynady.

Aptanyń ortasynda Parlament Májilisiniń Áleýmettik-mádenı damý komıtetiniń tóraǵasy qyzmetine depýtat Beıbit Mamraev saılandy.

Buǵan deıin ol Áleýmettik-mádenı damý komıtetiniń Hatshysy qyzmetin atqarǵan edi.

1957 jyldyń 5 aqpanynda Qaraǵandy oblysynyń Nura aýdanynda dúnıege kelgen. Ǵylym doktory, professor, akademık. Eńbek qyzmetin 1973 jyly Qaraǵandy oblysynyń Chkalov atyndaǵy sovhoz jumysshysy retinde bastaǵan. 1980 jyly Qaraǵandy memlekettik ýnıversıtetin támamdap, Qaraǵandy kooperatıvtik ınstıtýtyna oqytýshy retinde shaqyrylǵan. 1983-1986 jyldary Abaı atyndaǵy Qazaq pedagogıkalyq ınstıtýtynyń Ádebıet kafedrasynyń aspıranty. Dıssertatsııa qorǵaǵannan keıin Qaraǵandy ýnıversıtetterinde oqytýshylyq qyzmetpen aınalysqan, Qaraǵandy memlekettik ýnıversıtetiniń dotsenti bolǵan. 1989 jyly QR Ulttyq ǵylym akademııasyna ǵylymı-zertteýshilik qyzmetke kóshken.

QR Ǵylym akademııasynyń M. Áýezov atyndaǵy Ádebıet jáne óner ınstıtýtynda basshylyq jumys atqarǵan. Qosa atqarýshylyq boıynsha ál-Farabı atyndaǵy Qazaq memlekettik ýnıversıtetiniń professory bolyp jumys istegen.

2000-2004 jyldary QR Prezıdenti Ákimshiliginiń Іshki saıasat basqarmasy sektorynyń meńgerýshisi. 2004-2006 jyldary Reseı Federatsııasyndaǵy QR Elshiliginde Keńesshi-Ýákil qyzmetin atqarǵan. 2006-2008 jyldary QR Prezıdenti Ákimshiliginiń Memlekettik ınspektory.

2008 jyldan 2012 jylǵa deıin «S. Amanjolov atyndaǵy Shyǵys Qazaqstan memlekettik ýnıversıteti» RMQK rektory. 2012-2016 jyldary «H. Dosmuhamedov atyndaǵy Atyraý memlekettik ýnıversıteti» ShJQ RMK rektory. QR Bilim jáne ǵylym mınıstrliginiń Jemqorlyqqa qarsy kúres jónindegi úılestirý keńesiniń múshesi. 200-den astam ǵylymı basylymdardyń avtory, onyń ishinde shetel basylymdary.

***

Shyǵys Qazaqstan oblysy ákiminiń birinshi orynbasary bolyp Asmashan Smatlaev taǵaıyndaldy.

Ol osyǵan deıin aımaq basshysynyń ekonomıka jáne qarjy máseleleri jónindegi orynbasary bolyp qyzmet etken.

Almashan Smatlaev Reseı Federatsııasynyń Úkimeti janyndaǵy Qarjy ýnıversıtetin jáne Blýmberg ýnıversıtetin (Pensılvanııa, AQSh) támámdaǵan. «Ekonomıka», «halyqaralyq ekonomıka», «qarjy jáne kredıt» mamandyqtary boıynsha tórt joǵary bilimi bar. Sonymen qatar ol memlekettik jáne mýnıtsıpaldyq basqarý magıstri atanǵan. 2009-2011 jyldary - «Koral Grýpp» kompanııasy bas dırektorynyń orynbasary bolyp qyzmet etti. 2011-2012 jyldary - «Servıs ı Tehnologıı INVEST» kompanııasynyń bas dırektory. 2012-2014 jyldary - Eýrazııalyq ekonomıkalyq komıssııasynda keńesshi. 2014 jyldan bastap oblys ákimi apparatynda jumys istegen ol ekonomıka jáne bıýdjettik josparlaý basqarmasyn basqardy. 2018 jyldan osy ýaqytqa deıin oblys ákiminiń ekonomıka jáne qarjy máseleleri jónindegi orynbasary bolyp qyzmet etken.

***

Atyraý oblysy ákiminiń ókimimen Azamat Serikboluly Sálimbaev ekonomıka jáne bıýdjettik josparlaý basqarmasyna basshy bolyp taǵaıyndaldy.

Azamat Serikboluly 1985 jylǵy 20 shildede Shyǵys-Qazaqstan oblysy, Besqaraǵaı aýdanynda dúnıege kelgen.

2007 jyly H.Dosmuhamedov atyndaǵy Atyraý memlekettik ýnıversıtetin ekonomıka mamandyǵy boıynsha bitirgen. Eńbek jolyn 2007 jyly Atyraý oblysy Energetıka jáne kommýnaldyq sharýashylyq departamentinde qarjy bóliminiń bas mamany laýazymynan bastaǵan.

2008-2010 jyldary QR Ekonomıka jáne bıýdjettik josparlaý mınıstrligi ónerkásipti damytý basqarmasynda ekspert; 2010-2013 jyldary QR Qarjy mınıstrliginde josparlaý departamentiniń bas eksperti; 2013-2014 jyldary QR Ekonomıka jáne bıýdjettik josparlaý mınıstrligi ónerkásip salasyndaǵy bıýdjettik baǵdarlamalardy josparlaý departamentiniń bas eksperti; 2014 jyly QR Ekonomıka jáne bıýdjettik josparlaý mınıstrligi ónerkásip jáne janarmaı-energetıka kesheni salasyndaǵy bıýdjettik baǵdarlamalardy josparlaý basqarmasynyń basshysy; 2014-2019 jyldary QR Qarjy mınıstrligi ónerkásip jáne janarmaı-energetıka kesheniniń bıýdjeti basqarmasynyń basshysy; 2019 jylǵy qazannan qazirgi ýaqytqa deıin QR Qarjy mınıstrligi, janarmaı-energetıka kesheniniń bıýdjeti jáne ekonomıkalyq qyzmetti damytý basqarmasynyń basshysy laýazymdaryn atqarǵan.

2014 jyly QR Qarjy mınıstriniń qurmet gramotasymen marapattalǵan.


Bizdiń kanalymyzǵa jazylyńyz:

Basty sózder: Taǵaıyndaý, Qoǵam,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT