+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Qazaqstanda apta ishinde bolǵan kadrlyq taǵaıyndaýlar

2020 jylǵy 23 aqpan 10:55
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat - Osy aptada Qazaqstannyń Ýkraına men Iraktaǵy jáne Palestınadaǵy Elshileri taǵaıyndalyp, ortalyq jáne jergilikti memlekettik organdarda, óńirlik atqarýshy bılikte birqatar kadrlyq aýys-túıis boldy. QazAqparat oqyrman nazaryna osy taǵaıyndaýlardy usynady.

Memleket basshysynyń Jarlyqtarymen: Darhan Amanuly Káletaev Qazaqstan Respýblıkasynyń Ýkraınadaǵy Tótenshe jáne Ókiletti Elshisi qyzmetine; Qazaqstan Respýblıkasynyń Iordan Hashımıttik Koroldigindegi Tótenshe jáne Ókiletti Elshisi Aıdarbek Anýarbekuly Tumatov Qazaqstan Respýblıkasynyń Irak Respýblıkasyndaǵy, Palestına Memleketindegi Tótenshe jáne Ókiletti Elshisi qyzmetin qosa atqarýshy qyzmetine taǵaıyndaldy.

Darhan Amanuly 1972 jyly 14 qazanda Shyǵys Qazaqstan oblysynda týǵan.

Shyǵys Qazaqstan memlekettik ýnıversıtetin tarıhshy mamandyǵy boıynsha jáne Qazaqstan Respýblıkasy Prezıdentiniń janyndaǵy Ulttyq Joǵary memlekettik basqarý mektebin bitirgen. Saıasattaný ǵylymdarynyń doktory. Eńbek jolyn 1995 jyly Qazaqstan Respýblıkasy Mınıstrler kabıneti janyndaǵy Til komıtetinde maman retinde bastaǵan. 1995-1996 jyldary Qazaqstan Respýblıkasy Ulttyq saıasat jónindegi memlekettik komıtetiniń bas mamany boldy. 1997 jyly QR Bilim jáne mádenıet mınıstrligi Til saıasatyn úılestirý departamentiniń basqarma bastyǵynyń orynbasary boldy. 1997-2002 jyldary QR Aqparat jáne qoǵamdyq kelisim mınıstrliginiń Jastar saıasaty bóliminiń bastyǵy, Іshki saıasat departamenti dırektorynyń orynbasary qyzmetterin atqardy. 2002 jyly QR Mádenıet, aqparat jáne qoǵamdyq kelisim mınıstrligine Jastar saıasaty departamentiniń dırektory bolyp aýysady. 2002-2007 jyldary Іshki saıasat basqarmasynyń sektor meńgerýshisi, Іshki saıasat bóliminiń meńgerýshisi, Іshki saıasat basqarmasynyń áleýmettik-saıası bóliminiń meńgerýshisi, QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń meńgerýshisi bolyp jumys istedi.

2007-2008 jyldary QR Prezıdenti Ákimshiligi Basshysynyń orynbasary boldy. 2009-2016 jyldary «Samuryq-Qazyna» Ulttyq ál-aýqat qory» AQ-nyń Basqarýshy dırektory. 2018 jyly QR Din isteri jáne azamattyq qoǵam mınıstri bolyp taǵaıyndaldy. 2018-2019 jyldary QR Qoǵamdyq damý mınıstri qyzmetin atqardy. 2019 jyly QR Premer-Mınıstri Keńsesiniń basshysy boldy.

Qazaqstannyń Ýkraınadaǵy Elshisi laýazymyna taǵaıyndalǵanǵa deıin QR Prezıdent Ákimshiligi Basshysynyń birinshi orynbasary qyzmetin atqardy.

1967 jyly Almaty qalasynda dúnıege kelgen Aıdarbek Anýarbekuly Sankt-Peterbýrg memlekettik ýnıversıtetinin, T.Rysqulov atyndaǵy Qazaq ekonomıka ýnıversıtetin bitirgen. Qazaqstannyń Túrkııadaǵy Elshiliginiń ekinshi, birinshi hatshysy, QR SІM Ekonomıkalyq jáne gýmanıtarlyq yntymaqtastyq departamentiniń basqarma, bólim bastyǵy, Qazaqstannyń Dýbaıdaǵy Bas konsýldyǵynyń birinshi hatshysy, Qazaqstannyń BAÁ-degi Elshiliginiń keńesshisi, QR SІM Aqparattyq-saraptamalyq departamenti dırektorynyń orynbasary, basqarma bastyǵy, Jan-jaqty yntymaqtastyq departamenti dırektorynyń orynbasary, Azııa jáne Afrıka departamentiniń dırektory qyzmetterin atqarǵan. 2019 jyly Qazaqstan Respýblıkasynyń Iordan Hashımıt Koroldigindegi Tótenshe jáne Ókiletti Elshisi bolyp taǵaıyndalǵan.

QR Úkimetiniń 2020 jylǵy 21 aqpandaǵy Qaýlysymen Qaırat Bolatuly Rahymov Qazaqstan Respýblıkasynyń Energetıka vıtse-mınıstri laýazymyna taǵaıyndaldy.

Qaırat Rahymov 1985 jyly Qaraǵandy oblysy, Temirtaý qalasynda dúnıege kelgen. Qaraǵandy memlekettik tehnıkalyq ýnıversıtetin, Qaztutyný odaǵy Qaraǵandy ekonomıkalyq ýnıversıtetin jáne Seýl ulttyq ýnıversıtetin támamdaǵan. Eńbek jolyn 2006 jyly Qaraǵandy qalasynda «Qaraǵandy-Jaryq» JShS-da elektromonter bolyp bastaǵan.

2007-2015 jyldary QR Energetıka mınıstrliginde jáne Tabıǵı monopolııalardy retteý agenttiginde sarapshy, bas sarapshy, basqarma basshysy laýazymdaryn atqarǵan. 2015-2018 jyldary - QR Energetıka mınıstrligi Elektr energetıkasy jáne kómir ónerkásibi departamenti dırektorynyń orynbasary. 2018 jylǵy shildeden bastap qazirgi tańǵa deıin QR Energetıka mınıstrliginiń Elektr energetıkasy departamentiniń dırektory qyzmetin atqardy.

Pavlodar oblysy ákiminiń orynbasary qyzmetine Prezıdent kadr rezerviniń múshesi Sáken Beıimbetuly Shaıahmetov taǵaıyndaldy.

Ol 1990 jyly 2 mamyrda Almaty qalasynda dúnıege kelgen. AQSh-tyń Tehas ýnıversıtetin (The University of Texas) «Munaı-gaz isi» jáne «Ekonomıka» mamandyqtary boıynsha támamdaǵan. MVA dárejesin Qytaı-Evropa halyqaralyq bıznes mektebinde (China Europe International Business School) alǵan, sondaı-aq quqyq pen dıplomatııa salasyndaǵy gýmanıtarly ǵylymdar magıstri (The Fletcher School of Law and Diplomacy, Tufts University). Oqý kezinde jyl saıyn Chevron (AQSh), J.P. Morgan (Ulybrıtanııa), Citibank (Almaty), World Bank (AQSh) syndy kompanııalarda arnaıy aqyly taǵylymdamalardan ótken. Eńbek jolyn 2011 jyly Atyraý oblysyndaǵy «Bolashaq» zaýytynda mehanıktiń kómekshisi bolyp bastady. 2012-2014 jyldary Caspi Meruerty Operating Company B.V. kompanııasynda ekonomıst bolyp qyzmet etti. Keıin 2017 jylǵa deıin magıstratýrada bilim aldy. 2017 jyly memlekettik qyzmetke aýysty. 2017-2018 jyldary QR Premer-Mınıstriniń keńesshisi, al 2018 jyldyń jeltoqsanynan bastap QR Premer-Mınıstri Keńsesi basshysynyń orynbasary laýazymdaryn atqarǵan.

Al onyń ornyna Arystan Qabykenov QR Premer-Mınıstri Keńsesi basshysynyń orynbasary bolyp taǵaıyndaldy.

Arystan Qabykenov 1980 jyly 11 qazanda Jezqazǵan qalasynda dúnıege kelgen. 2002 jyly Baıqońyrov atyndaǵy Jezqazǵan ýnıversıtetin, 2004 jyly — KIMEP, 2012 jyly Nottıngem ýnıversıtetin (Ulybrıtanııa) támamdaǵan. Eńbek jolyn 2001 jyly jekemenshik sektorda bastaǵan. 2004–2006 jyldary Qarjy mınıstrliginde túrli laýazymdarda boldy. 2006–2008 jyldary QR Premer-Mınıstri Keńsesiniń Makroekonomıkalyq taldaý jáne baǵdarlamalyq monıtorıng bóliminiń sektor meńgerýshisi qyzmetin atqardy. 2008–2011 jyldary QR Prezıdenti Ákimshiliginde jumys istedi. 2011–2015 jyldary QR Prezıdenti janyndaǵy Strategııalyq jobalar jáne taldaý ortalyǵynda, Óńirlik damý mınıstrliginde, sondaı-aq Ulttyq ekonomıka mınıstrliginde qyzmet etken. 2015–2016 jyldary QR Premer-Mınıstri Keńsesiniń basshysynyń orynbasary bolǵan. 2016 jyldyń qazan aıynan bastap 2018 jylǵy qańtar aıyna deıin Qazaqstannyń Japonııadaǵy elshiliginiń keńesshisi qyzmetin atqarǵan. 2018-2019 jyldary Qazaqstan Respýblıkasy Investıtsııalar jáne damý vıtse-mınıstri bolyp qyzmet etti. 2019 jyldyń naýryz aıynan qazirge deıin Pavlodar oblysy ákiminiń orynbasary laýazymynda boldy.

Prezıdenttik jastar kadr rezerviniń múshesi Dastan Ryspekov QR Mádenıet jáne sport mınıstrligi Týrızm ındýstrııasy komıtetiniń tóraǵasy qyzmetine taǵaıyndaldy.

Dastan Adaıuly 1984 jyly Jezqazǵan qalasynda týǵan. Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademııasyn bitirgen. Eńbek jolyn 2006 jyly Almaty qalasyndaǵy Ekonomıka jáne bıýdjetti josparlaý departamentiniń boljamdaý jáne túsimder bóliminiń bas mamany retinde bastaǵan. 2007-2016 jyldary Almaty qalasynda Ekonomıka jáne bıýdjettik josparlaý departamentinde, Almaty qalasy boıynsha Tekserý komıssııasynda, Astana qalasy respýblıkalyq bıýdjettiń atqarylýyn baqylaý jónindegi esep komıtetinde basshylyq laýazymdarda jumys istedi. 2018-2019 jyldary — Pavlodar oblysy kásipkerlik, saýda jáne týrızm basqarmasynyń basshysy. 2019 jyldyń sáýir aıynan bastap «Astana Ekspo-2017» UK» AQ Ekonomıka jáne bıýdjetti josparlaý departamentiniń dırektory qyzmetin atqardy.

Maıra Turǵanbaıqyzy Meldebekova QR Bilim jáne ǵylym mınıstrliginiń Mektepke deıingi jáne orta bilim komıtetiniń tóraǵasy bolyp taǵaıyndaldy.

Maıra Meldebekova 1971 jyly Qyzylorda oblysynda dúnıege kelgen. 1993 jyly Abaı atyndaǵy Almaty memlekettik ýnıversıtetin «Fızıka jáne ınformatıka oqytýshysy» mamandyǵy boıynsha bitirgen. Eńbek jolyn 1988 jyly Qyzylorda oblysyndaǵy «Jas suńqar» pıoner lageriniń tárbıeshisi bolyp bastaǵan. 1993-2005 jyldary Shymkent qalasy Almaty jáne Shyǵys Qazaqstan oblystarynyń orta mektepterinde qazaq tili, matematıka jáne ınformatıka pánderiniń muǵalimi bolyp jumys istegen. 2005-2018 jyldary QR Bilim jáne ǵylym mınıstrliginiń júıesinde basshylyq qyzmetterdi atqarǵan 2018 jyldan bastap Qyzylorda oblystyq bilim basqarmasynyń basshysy qyzmetin atqardy.

Memleket basshysynyń kelisimine sáıkes, QR Bas prokýrorynyń buıryǵymen Túrkistan oblysynyń prokýrory qyzmetine Alıhanov Marat Tileýqabyluly taǵaıyndaldy.

Marat Alıhanov burynǵy Tselınograd oblysynyń Esil qalasynda 1965 jyly týǵan. E.Bóketov atyndaǵy Qaraǵandy memlekettik ýnıversıtetin «quqyqtaný» mamandyǵy boıynsha bitirgen. Eńbek jolyn 1989 jyly Aqtóbe oblysynyń Aqtóbe qalalyq prokýratýrasynda taǵylymdamashy-tergeýshi qyzmetinen bastaǵan. Aqsý aýdanynyń soty, Pavlodar oblysynyń Ekibastuz aýdany, Aqsý qalasy men Pavlodar aýdanynyń prokýrory qyzmetterin atqarǵan. Prokýratýra organdarynda tájirıbesi mol, onyń ishinde basshylyq laýazymdarda. QR Bas prokýratýranyń Basqarma men Quqyqtyq statıstıka jáne arnaıy esepke alý jónindegi komıtetinde jáne Aqmola oblysynda quqyq qorǵaý organdarynyń basshylyq quramynda, QR Bas kólik prokýrory bolyp qyzmet atqarǵan. Osy kúnge deıin Pavlodar oblysy prokýrorynyń birinshi orynbasary laýazymynda qyzmet etti. Prokýratýra organdaryndaǵy eńbek ótili 24 jyldan asady.

Qoǵamdyq tártip pen zańdylyqty qamtamasyz etý qyzmetinde qol jetkizgen tabystary men eren eńbegi úshin Memleket basshysynyń buıryǵymen ІІ dárejeli «Aıbyn» ordeni men «Qazaqstan Respýblıkasynyń Táýelsizdigine 20 jyl» jáne «Qazaqstan Konstıtýtsııasyna 10 jyl» tolýyna oraı shyǵarylǵan mereıtoılyq medaldarymen marapattalǵan.

Qazaqstan Respýblıkasy Bas prokýrorynyń buıryǵymen aǵa ádilet keńesshisi Qanat Esirkepuly Mamaev Jambyl oblysy prokýrorynyń birinshi orynbasary bolyp taǵaıyndaldy.

Q.Mamaev 1974 jyly týǵan. «Ál-Farabı» atyndaǵy Qazaq memlekettik ulttyq ýnıversıtetin «quqyqtaný» mamandyǵy boıynsha bitirgen. Prokýratýra organdaryndaǵy qyzmetin 1996 jyly bastady. Ońtústik Qazaqstan oblysynyń Saryaǵash, Almaty qalasynyń Alataý, Almaly, Medeý aýdandary prokýrory, Almaty qalasy jáne Qostanaı oblysy prokýrorlarynyń orynbasary qyzmetterin atqarǵan. 2019 jyldyń qyrkúıeginen - Aqmola oblysy prokýrorynyń birinshi orynbasary laýazymynda boldy. Prokýratýra organdaryndaǵy jumys ótilimi 23 jyldan asady.

QR Prezıdenti Ákimshiliginiń kelisimimen Jambyl oblysy ákiminiń orynbasary bolyp Erjan Jylqybaev taǵaıyndaldy.

Erjan Jumatuly 1982 jyly týǵan. Bilimi – joǵary. 2003 jyly M.Áýezov atyndaǵy Ońtústik Qazaqstan memlekettik ýnıversıtetin ekonomıst-menedjer mamandyǵy boıynsha bitirgen. 2006 jyly Qazaqstan Respýblıkasy Prezıdentiniń janyndaǵy Memlekettik basqarý akademııasyn memlekettik jáne jergilikti basqarý magıstri mamandyǵy boıynsha, 2011 jyly S.Amanjolov atyndaǵy Shyǵys Qazaqstan memlekettik ýnıversıtetin quqyqtaný mamandyǵy boıynsha támamdaǵan.

Eńbek jolyn 2003 jyly Ońtústik Qazaqstan oblystyq Ekonomıka departamentiniń bas mamany bolyp bastaǵan. Ár jyldary QR Ekonomıka jáne bıýdjettik josparlaý mınıstrligi memlekettik aktıvter basqarmasynyń saıasat departamentiniń bólim bastyǵy, Shyǵys Qazaqstan oblysy ákiminiń apparat basshysynyń orynbasary, ShQO Semeı qalasy ákiminiń orynbasary, Shyǵys Qazaqstan oblysy ákiminiń apparat basshysy, QR Prezıdenti Ákimshiliginiń memlekettik ınspektory (Jambyl oblysyna jetekshilik etti), Almaty qalasy Medeý aýdanynyń ákimi laýyzymdarynda bolǵan.

Qaraǵandy oblysy boıynsha Qylmystyq-atqarý júıesi departamentiniń bastyǵy qyzmetine Ǵazız Takeshev taǵaıyndaldy.

Ǵazız Takeshev 1970 jyly Qaraǵandy oblysy Qarajal qalasynda dúnıege kelgen. 2002 jyly B. Beısenov atyndaǵy QR ІІM Qaraǵandy zań ınstıtýtyn quqyqtaný mamandyǵy boıynsha bitirdi. 1989 jyldan 1991 jylǵa deıin Qarýly Kúshter qatarynda qyzmet etti. 1994 jyly Quqyq qorǵaý organdaryna qyzmetke qabyldandy. Osy ýaqyttan 1997 jylǵa deıin Qaraǵandy oblysy ІІB janyndaǵy QAJD KD-173/2 mekemesiniń jasaq bastyǵy boldy. Odan keıin 1997 jyldan 1999 jylǵa deıin QAJKB AK-159/22 mekemesi kolonııa bastyǵynyń kezekshi kómekshisi laýazymynda qyzmet atqardy. 2001 jyly Qaraǵandy oblysy boıynsha QAJK qaramaǵyna jiberildi. 2002 jyldan 2006 jylǵa deıin Qaraǵandy oblysy boıynsha QAJKB AK-159/22 mekemesiniń arnaıy esepke alý bóliminiń bastyǵy bolyp jumys istedi. 2006 jyldan 2010 jylǵa deıin QAJKB AK-159/22 mekemesi kolonııa bastyǵynyń tárbıe jumysy jónindegi orynbasary boldy. 2012 jyldan bastap 2017 jylǵa deıin Qaraǵandy oblysy boıynsha QAJD AK-159/25 mekemesiniń bastyǵy qyzmetin atqardy. Osy ýaqytqa deıin Qaraǵandy oblysy boıynsha QAJD bastyǵynyń orynbasary qyzmetin atqaryp keldi.

QR Prezıdenti ákimshiliginiń kelisimimen jáne QR ІІM buıryǵymen QR ІІM Qylmystyq-túzetý júıesiniń Aqtóbe oblystyq departamenti bastyǵy laýazymyna Almas Shamıshev taǵaıyndaldy.

Ol 1979 jyly týǵan. Joǵary bilimdi. QR ІІM Akademııasynyń tyńdaýshysy. Eńbek jolyn QR Ádilet mınıstrliginiń Qylmystyq atqarý júıesi departamenti KA-168/2 mekemesiniń jedel ýákili jedel bóliminiń bastyǵy bolyp bastady. Ár jyldary QR ІІM Qylmystyq-atqarý júıesi komıtetiniń jedel ýákili, asa mańyzdy ister jónindegi aǵa jedel ýákili, jedel basqarý bóliminiń bastyǵy, Astana qalasy boıynsha qylmystyq atqarý júıesi komıteti basqarmasynyń rejim jáne qadaǵalaý bóliminiń bastyǵy boldy. 2019-2020 jyldary Qylmystyq atqarý júıesi komıtetiniń Aqtóbe oblysy boıynsha departamenti bastyǵynyń orynbasary qyzmetin atqardy.

QR Prezıdenti Ákimshiligi jáne aýdandyq máslıhat depýtattarynyń kelisimimen Jambyl oblysy Qordaı aýdanyna ákim bolyp Rústem Dáýlet taǵaıyndaldy.

Rústem Rysbaıuly 1974 jyly Jambyl oblysynda týǵan. Bilimi joǵary, 1996 jyly Jambyl joǵary kásipkerlik mektebin «kásipker-marketolog», 2003 jyly Qazaqstan Respýblıkasy Prezıdenti janyndaǵy Memlekettik basqarý akademııasyn «Memlekettik basqarý», 2010 jyly M.H.Dýlatı atyndaǵy Taraz memlekettik ýnıversıtetin «Quqyqtaný» mamandyǵy boıynsha bitirgen. Eńbek jolyn 1994 jyly «Bostandyq» aktsıonerlik qoǵamynda qarapaıy jumysshy bolyp bastaǵan. Ár jyldary Talas aýdany Bostandyq aýyldyq okrýgi ákiminiń orynbasary, ákimi, Qarataý qalasy ákiminiń orynbasary, Qazaqstan Respýblıkasy Parlamenti Senaty Apparatynyń keńesshisi, Qazaqstan Respýblıkasy Indýstrııa jáne saýda mınıstrliginiń Saýda komıtetiniń basqarma bastyǵy, «ALIT» JShS bas dırektorynyń orynbasary, Qazaqstan Respýblıkasy Parlamenti Senaty tóraǵasy orynbasarynyń kómekshisi, Qazaqstan Respýblıkasy Parlamenti Senaty depýtatynyń kómekshisi, Jambyl aýdany ákiminiń orynbasary, Jambyl jáne Shý aýdandarynyń ákimi, Taraz qalasynyń ákimi qyzmetterin atqarǵan. 2018 jyldyń sáýir aıynan bastap Jambyl oblysy ákiminiń keńesshisi, 2019 jylǵy sáýirden bastap Jambyl oblysy ákimi apparatynyń basshysy qyzmetin atqaryp keldi.

«Ǵylym qory« AQ tóraǵasynyń orynbasary laýazymyna Baqytjan Sarkeev bekitildi. Buǵan deıin ol CSI strategııalyq bastamalar ortalyǵy jobalarynyń dırektory bolyp jumys istegen. Ol Qazaq ulttyq tehnıkalyq ýnıversıtetiniń Qarataý fılıalyn «ekonomıka jáne óndiristik basqarý» mamandyǵy boıynsha bitirgen. QR Prezıdenti janyndaǵy Qazaqstannyń menedjment, ekonomıka jáne boljaý ınıstıtýtynyń magıstratýrasyn aıaqtaǵan. Memlekettik basqarý magıstri (Master of Public Administration – MPA) dárejesi bar.


Bizdiń kanalymyzǵa jazylyńyz:

Basty sózder: Taǵaıyndaý, Qoǵam,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT