+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Qazaqstanda apta ishinde bolǵan kadrlyq taǵaıyndaýlar

2020 jylǵy 16 aqpan 11:12
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat - Osy aptada Premer-Mıınstrdiń jańa orynbasary taǵaıyndalyp, Jambyl oblysynda birqatar mańyzdy kadrlyq aýys-túıis boldy. QazAqparat oqyrman nazaryna 10-15 aqpan aralyǵyndaǵy kadrlyq ózgeristerdi usynady.

Apta basynda Qordaı aýdanyndaǵy atyshýly oqıǵadan keıin Asqar Myrzahmetov óz erkimen Jambyl oblysynyń ákimi laýazymynan ketti. Onyń ornyna QR Premer-Mınıstriniń orynbasary bolǵan Berdibek Saparbaev taǵaıyndaldy.

Berdibek Máshbekuly Saparbaev 1953 jyly 9 aqpanda Qyzylorda oblysy Jańaqorǵan aýdany Besaryq aýylynda dúnıege keldi. 1977 jyly Almaty Halyq sharýashylyǵy ınstıtýtyn «Ekonomıka jáne materıaldyq-tehnıkalyq jabdyqtaý» mamandyǵy boıynsha aıaqtady. Ekonomıka ǵylymdarynyń doktory, professor.

Eńbek jolyn Qyzylorda oblysynyń Zadarınskıı sovhozynda jumysshy bolyp bastady (1969-1971 jyldary); 1971-1973 jyldary áskerı boryshyn atqardy. Instıtýtty bitirisimen Respýblıkalyq memlekettik eńbek jınaqtaý kassalary (gostrýdsberkassy) basqarmasynda ekonomıst (1977); QazKSR Qarjymıninde ekonomıst, aǵa ekonomıst, jetekshi, bas ekonomıst, bólim bastyǵynyń orynbasary (1977-1988 jyldary); josparlaý-qarjy basqarmasynyń bastyǵy, Bas ekonomıka basqarmasynyń bastyǵy, QR Bilim mınıstriniń orynbasary (1988-1993 jyldary); Prezıdent Apparaty bólimi men QR Mınıstrleri kabıneti meńgerýshisiniń orynbasary (1993); QR Mınıstrler kabıneti Іster basqarmasy Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jyldary) boldy. QR Mınıstrler kabıneti Apparatynyń basshysy (1995); Qyzylorda oblysynyń ákimi (1995-1999 jyldary); Ońtústik Qazaqstan oblysynyń ákimi (1999-2002 jyldary) qyzmetterin atqardy.

QR Kedendik baqylaý agenttiginiń tóraǵasy, QR Qarjy vıtse-mınıstri - Kedendik baqylaý komıtetiniń tóraǵasy (2002-2006); Premer-Mınıstr Keńsesi basshysynyń orynbasary - QR Parlamentindegi Úkimettiń Ókili (2006-2007); QR Ekonomıka jáne bıýdjettik josparlaý vıtse-mınıstri (2007 jyly aqpan - 27 tamyz). 2007 jyldyń tamyzynan QR Eńbek jáne halyqty áleýmettik qorǵaý mınıstri. 2009-2014 jyldary - Shyǵys Qazaqstan oblysynyń ákimi. 2014-2015 jyldary – QR Premer-Mınıstriniń orynbasary.2015-2019 jyldary – Aqtóbe oblysynyń ákimi. 2019 jyldyń aqpan-tamyz aılarynda QR Eńbek jáne halyqty áleýmettik qorǵaý mınıstri boldy. 2019 jyldyń tamyz aıynan bastap QR Premer-Mınıstrdiń orynbasary qyzmetin atqardy.

«Qurmet» (1999), «Parasat» (2007) ordenderimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Respýblıkasynyń Konstıtýtsııasyna 10 jyl» (2005) medaldarymen marapattalǵan.

Berdibek Saparbaevtyń ornyna Qazaqstan Respýblıkasy Premer-Mınıstriniń orynbasary qyzmetine Eraly Toǵjanov taǵaıyndaldy.

Eraly Luqpanuly Toǵjanov 1963 jyly 13 mamyrda Batys Qazaqstan oblysynda dúnıege kelgen. E.A. Bóketov atyndaǵy Qaraǵandy memlekettik ýnıversıtetinde (1983-1988 jj.) Quqyqtaný mamandyǵyn meńgergen. QR Ǵylym Akademııasynyń Memleket jáne quqyq ınstıtýtynda (1991-1994jj.) bilim alǵan.

1991 jyldan 1998 jylǵa deıin E.A. Bóketov atyndaǵy Qaraǵandy memlekettik ýnıversıtetiniń Memleket jáne quqyq teorııasy men tarıhy kafedrasynda oqytýshy.1994-1996 jj. QR Ǵylym akademııasynyń Memleket jáne quqyq ınstıtýtynda ǵylymı qyzmetker.1996 jyldan bastap Qazaq gýmanıtarlyq zań ýnıversıtetinde Memlekettik qyzmet jáne halyqaralyq quqyq fakýltetiniń aǵa oqytýshysy, dekan orynbasary qyzmetin atqardy.1994 jyldan bastap atalǵan ýnıversıtettiń halyqaralyq quqyq fakýltetiniń dekany boldy.1999 jyly fılıal dekany, 2001 jyly Astana qalasynyń Qazaq gýmanıtarlyq zań ýnıversıtetiniń Quqyq jáne memlekettik qyzmet ınstıtýtynyń dırektory atandy. 2001-2006 jj. Qaraǵandy oblysy ákiminiń orynbasary, 2006-2008 jj. QR Ádilet mınıstrligi Din ister komıtetiniń tóraǵasy bolyp jumys istedi. 2008 jyldyń qańtarynda Prezıdent Ókimimen Qazaqstan halqy Assambleıasy Hatshylyǵynyń meńgerýshisi boldy.2017 jyldyń naýryzynda Mańǵystaý oblysynyń ákimi qyzmetine kiristi. 2019 jyldyń qyrkúıeginen sońǵy taǵaıyndaýǵa deıin Kásipodaqtar federatsııasynyń tóraǵasy boldy.

Jambyl oblysynyń Polıtsııa departamentine jańa basshy bolyp Janat Súleımenov taǵaıyndaldy.

Janat Qýanyshuly Súleımenov 1962 jyly dúnıege kelgen. Іshki ister organdarynda 1980 jyldan bastap qyzmet etedi. Basshylyq laýazymdarda jumys tájirıbesi mol. Ár jyldary Esirtki bıznesine qarsy kúres, Krımınaldyq polıtsııa komıtetterin, Kóliktegi, sondaı-aq Qyzylorda jáne Ońtústik Qazaqstan oblystarynyń Polıtsııa departamentterin basqardy. 2017-2019 jyldary QR Іshki ister mınıstriniń birinshi orynbasary bolyp qyzmet atqardy.

Sonymen birge, Memleket basshysynyń kelisimimen Jambyl oblysynyń prokýrory qyzmetine Nurǵalym Ábdirov taǵaıyndaldy.

Nurǵalym Ábdirov 1967 jyly týǵan. Qaraǵandy memlekettik ýnıversıtetin «quqyqtaný» mamandyǵy boıynsha aıaqtaǵan. Prokýratýra organdaryndaǵy qyzmetin 1991 jyly bastaǵan. Basshylyq qyzmetterde tájirıbesi mol. Bas prokýratýranyń úsh departamentin basqarǵan: Arnaıy prokýrorlar; Tergeý men anyqtaýdyń zańdylyǵyn qadaǵalaý; Ustalǵan, qamaýǵa alynǵan jáne qylmystyq jazany óteýshi adamdar quqyqtarynyń saqtalýyn qadaǵalaý departamentteri. Oǵan qosa, Astana, Almaty, Ońtústik-Shyǵys óńirlik kólik prokýrorlarynyń birinshi orynbasary qyzmetin atqarǵan, Aqtóbe, Ońtústik Qazaqstan jáne Túrkistan oblysy prokýratýralaryn basqarǵan. Prokýratýra organdaryndaǵy eńbek ótili 28 jyldan asady.

Qaraǵandy oblysy ákiminiń orynbasary qyzmetine Álisher Ábdiqadyrov taǵaıyndaldy. Ol ónerkásip, ShOB damytý, ındýstrııalandyrý jáne ınvestıtsııa máselelerine jaýap beredi.

Álisher Ábdiqadyrov Lomonosov atyndaǵy MMÝ-de bakalavrıatty támámdady. Ekonomıka magıstri.

Eńbek jolyn 2009 jyly Indýstrııa jáne jańa tehnologııalar mınıstrligi Investıtsııa komıtetiniń sarapshysy qyzmetinen bastaǵan. 2013 jyly osy mınıstrliktiń Strategııalyq josparlaý departamenti dırektorynyń orynbasary qyzmetin atqardy. 2014 jylǵy aqpannan bastap 2015 jylǵy shildege deıin QR Investıtsııalar jáne damý mınıstrliginiń Investıtsııa komıteti tóraǵasynyń orynbasary boldy. Keıin, 2016 jyldyń shildesine deıin Pavlodar oblysynyń Indýstrııalyq-ınnovatsııalyq damý basqarmasynyń basshysy qyzmetin atqardy. 2016 jyldan 2019 jylǵa deıin Nur-Sultan qalasynyń Investıtsııa jáne kásipkerlikti damytý basqarmasynyń basshysy boldy.

Jańa taǵaıyndaýǵa deıin «QazIndustry Qazaqstandyq ındýstrııa jáne eksport ortalyǵy» AQ Basqarma tóraǵasy qyzmetin atqardy.

Sondaı-aq, Qaraǵandy oblysynyń Іshki saıasat, Mádenıet, muraǵattar jáne qujattama basqarmalaryna jańa basshylar taǵaıyndaldy.

Іshki saıasat basqarmasynyń basshysy laýazymyna Erlan Qusaıyn taǵaıyndaldy. Ol 1976 jyly Qarqaraly aýdanynda dúnıege kelgen. Eki joǵary bilimi bar. 1999 jyly Qaraǵandy memlekettik ýnıversıtetin aıaqtaǵan. E. A. Bóketov atyndaǵy QarMÝ «qazaq tili men ádebıeti pániniń muǵalimi» mamandyǵy boıynsha támamdaǵan. 2006 jyly Qaraǵandy ekonomıkalyq ýnıversıtetin «ekonomıka salasyndaǵy quqyqtyq retteý» mamandyǵy boıynsha bitirgen.

Eńbek jolyn 1999 jyly qazaq tili muǵalimi bolyp bastady. 2008 jyldan 2014 jylǵa deıin Qaraǵandy oblysy ákiminiń baspasóz qyzmetinde ártúrli laýazymdarda qyzmet atqardy. 2014 jyly - Buqar Jyraý aýdany ákiminiń orynbasary. 2015 jyldan bastap 2018 jylǵa deıin oblys ákimi apparatynyń Qazaqstan halqy Assambleıasy hatshylyǵynyń basshysy bolyp jumys istedi. Sońǵy taǵaıyndaýǵa deıin Qaraǵandy oblysy ákiminiń apparaty «Qoǵamdyq kelisim» KMM dırektory qyzmetin atqarǵan.


Al Erkebulan Jumakenov Mádenıet, muraǵattar jáne qujattama basqarmasynyń jańa basshysy boldy. Ol Qaraǵandy qalasynda 1976 jyly dúnıege kelgen. Joǵary bilimi jáne magıstr dárejesi bar. 2002 jyly Qazaq ulttyq mýzyka akademııasyn «oryndaýshy, orkestr ártisi, oqytýshy» mamandyǵy boıynsha bitirgen. 2004 jyly osy JOO-da assısentýra-taǵlymdamany bitirdi. 2007 jyly QR Prezıdenti janyndaǵy Memlekettik basqarý akademııasyn támamdap, memlekettik jáne jergilikti basqarý magıstri dárejesin aldy.

Eńbek jolyn 1997 jyly Qalı Baıjanov atyndaǵy kontserttik birlestiktiń sımfonııalyq orkestriniń ártisi bolyp bastaǵan. Keıin Prezıdenttik orkestrdiń shyǵarmashylyq tobynyń kórkemdik jetekshisi qyzmetin atqardy. QR Mádenıet jáne aqparat mınıstrligi Mádenıet komıteti óner basqarmasy bastyǵynyń mindetin atqarýshy, QR Qorǵanys mınıstrligi Ortalyq ansambliniń bı tobynyń kórkemdik jetekshisi jáne bas baletmeısteri bolyp jumys istedi. Qaraǵandy oblystyq beıneleý óneri murajaıynyń dırektory bolǵan. Jezqaǵanda da qazaq mýzykalyq-drama teatrynyń basshysy bolyp jumys istep úlgerdi. Sońǵy taǵaıyndaýǵa deıin Nur-Sultandaǵy «Consult Investment Group» JShS damytý jónindegi dırektory boldy.


Qaraǵandy oblystyq Ádilet departamentiniń basshysy bolyp Tımýr Ermaǵambetov taǵaıyndaldy.

Tımýr Qýatuly Ermaǵambetov 1982 jyly Qaraǵandy oblysynda dúnıege kelgen. E.Bóketov atyndaǵy Qaraǵandy memlekettik ýnıversıtetin, QR Prezıdentiniń janyndaǵy Memlekettik basqarý akademııasyn bitirgen. Eńbek jolyn 2005 jyly ishki ister organdarynan bastady. 2011-2014 jyldary QR Ádilet mınıstrligi Qaraǵandy oblystyq ádilet departamentinde ártúrli laýazymdarda qyzmet atqardy. 2014-2015 jyldary QR Ádilet mınıstrligi Strategııalyq josparlaý jáne jumysty uıymdastyrý basqarmasynyń basshysy boldy. 2015-2019 jyldary QR Ádilet mınıstrligi Qaraǵandy oblystyq ádilet departamenti basshysynyń orynbasary, QR Ádilet mınıstrligi Sot saraptamalyq ortalyǵynyń Qaraǵandy oblysyndaǵy Sot saraptamasy ınstıtýtynyń dırektory qyzmetin atqardy. 2019 jylǵy jeltoqsannan bastap QR Ádilet mınıstrliginiń Zańǵa táýeldi aktiler departamentinde jumys istedi.


Al Aqmola oblysynda Súlen Іlıasov oblystyq Densaýlyq saqtaý basqarmasynyń basshysy bolyp taǵaıyndaldy.

Súlen Jeńisuly Іlııasov 1966 jyldyń 28 qazanynda týǵan.1990 jyly Qaraǵandy memlekettik medıtsınalyq ınstıtýtyn «Dáriger isi» mamandandyǵy boıynsha bitirgen. Eńbek jolyn 1991 jyly Kókshetaý qalalyq aýrýhanasynda ýrolog retinde bastaǵan. Sońǵy toǵyz jyl Kókshetaý qalalyq №1 emhanasynyń basshysy boldy.

Bul aptada ІІM Qylmystyq-atqarý júıesi komıtetiniń tóraǵasy qyzmetine Janat Eshmaǵambetov taǵaıyndaldy.

Eshmaǵambetov Janat Bolatuly 1970 jyly týǵan, 1993 jyldan beri quqyq qorǵaý salasynda jumys istep keledi. Basshylyq qyzmetterde mol tájirıbesi bar. Ár jyldary Qaraǵandy jáne Soltústik Qazaqstan oblystarynda Ekonomıkalyq jáne sybaılas jemqorlyq qylmysyna qarsy kúres departamentterin basqarǵan. 2016 jyl men 2019 jyldary aralyǵynda Ádilet mınıstriniń orynbasary laýazymyn atqarǵan. 2019 jyldan beri Qazaqstan Respýblıkasy Іshki ister mınıstrligi apparatynyń basshysy boldy.


Sonymen birge, elimizdiń 6 óńirdegi Qylmystyq atqarý júıesi departamentine jańa basshylar taǵaıyndaldy.

Aqmola oblysy boıynsha Qylmystyq-atqarý júıesi departamentiniń basshysy bolyp ádilet podpolkovnıgi Almas Abjanuly Shámshıev;

Almaty oblystyq departamentine ádilet podpolkovnıgi Serik Jaqsylyquly Ábdikárimov;

Almaty qalasynyń departamentine ádilet podpolkovnıgi Darhan Tursynuly Qanatbekov;

Batys Qazaqstan oblystyq departamentine ádilet podpolkovnıgi Azamat Ábdiǵalıuly Іztileýov;

Qaraǵandy oblystyq departamentine ádilet podpolkovnıgi Ǵazız Ábikenuly Takeshov;

Soltústik Qazaqstan oblystyq departamentine Rýstan Serikuly Ahmetjanov taǵaıyndaldy.


Áskerı sot ákimshisiniń basshysy qyzmetine Nurtaı Almashov keldi.

Nurtaı Almashov 1981 jyly dúnıege kelgen. Eńbek jolyn 2004 jyly telekommýnıkatsııa jáne pochta baılanysy bóliminiń jetekshi mamanynyń mindetin atqarýshy bolyp bastaǵan. Ol QR Aqparattandyrý jáne baılanys agenttiginde, Joǵarǵy Sottyń Departamentinde jaýapty qyzmetter atqarǵan. Osy ýaqytqa deıin Mańǵystaý oblysy boıynsha Sottar ákimshisiniń basshysy laýazymyn atqardy.


Erkin Shaımaǵambetov «Qazaqstan Ǵarysh Sapary» UK« AQ Basqarma basshysy boldy.

Erkin Shaımaǵambetov 45 jasta. 1974 jyly 7 maýsymda Qyzylorda oblysy Syrdarııa aýdany Tastúbek kentinde dúnıege kelgen.1998 jyly «Ǵaryshtyq ushý apparattary jáne údemeli aıdaý bloktary» mamandyǵy boıynsha Máskeý memlekettik avıatsııalyq ınstıtýtyn bitirdi.

1998 jyldyń naýryzynan bastap Ǵylym mınıstrligi - QR Ǵylym akademııasy Ulttyq aeroǵarysh agenttiginiń «Baıqońyr» ǵarysh aılaǵy basqarmasynda «Baıqońyr» ǵarysh aılaǵy obektilerin paıdalaný jaǵdaılaryn baqylaý boıynsha bólimniń bas mamany (Baıqońyr q.) bolyp jumys istedi. 1998 jyldyń qarashasynan bastap atalǵan bólimniń bastyǵy bolyp taǵaıyndaldy. 2005 jyly QR Bilim jáne ǵylym mınıstrligi Aeroǵarysh komıteti «Baıqońyr» ǵarysh aılaǵy basqarmasynyń bastyǵy boldy. 2006 jyly QR Bilim jáne ǵylym mınıstrliginiń Aeroǵarysh komıteti tóraǵasynyń orynbasary laýazymyna taǵaıyndaldy. 2007 jyldyń 8 maýsymynan bastap, QR Ulttyq ǵarysh agenttigi tóraǵasynyń orynbasary boldy. 2014 jyldyń 1 qazanynan bastap QR Investıtsııalar jáne damý mınıstrliginiń Aeroǵarysh komıteti tóraǵasynyń orynbasary qyzmetin atqardy.

2016 jylǵy 7 qyrkúıekte QR Qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy laýazymyna taǵaıyndaldy. 2016 jyldyń qarashasynan 2019 jyldyń mamyryna deıin QR Qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy boldy. 2019 jyldyń maýsymynan osy ýaqytqa deıin QR Tsıfrlyq damý, ınnovatsııalar jáne aeroǵarysh ónerkásibi mınıstriniń keńesshisi bolyp qyzmet atqardy.

Bul aptada Qazaqstannyń qos óńirindegi mańyzdy BAQ-qa jańa basshylar taǵaıyndaldy.


«Qazaqstan» RTRK» AQ fılıaly «Kókshe» telearnasynyń dırektory qyzmetine Erlan Atambaı taǵaıyndaldy.

Erlan Nurbaıuly Atambaı televızııa salasynda 20 jylǵa jýyq ýaqyttan beri qyzmet etip keledi. «Qazaqstan» teleradıokorporatsııasyndaǵy eńbek jolyn 2013 jyly bastady. «Qazaqstan» Ulttyq telearnasynyń Aqparattyq baǵdarlamalar dırektsııasynyń Bas redaktory, «Qazaqstan» RTRK» AQ Strategııalyq marketıng departamenti konvergenttik redaktsııasynyń jetekshisi qyzmetterin atqardy.

Búgingi taǵaıyndaýǵa deıin «Qazaqstan» Ulttyq telearnasynyń Aqparattyq-saraptamalyq baǵdarlamalar dırektsııasynyń dırektory qyzmetinde boldy.


Qaraǵandyda «Saryarqa Aqparat» medıaholdınginiń dırektory qyzmetine Qambar Ahmetov taǵaıyndaldy.

Qambar Jumaǵalıuly Ahmetov 1978 jyly Qaraǵandy oblysynyń Aqtoǵaı aýdanynda dúnıege kelgen. E.Bóketov atyndaǵy Qaraǵandy memlekettik ýnıversıtetinde bilim alyp, eńbek jolyn «Ortalyq Qazaqstan» gazetinde 2004 jyly tilshi bolyp bastaǵan. Ár jyldary aımaqtyq «Balqantaý», respýblıkalyq «Aıqyn» gazetterinde, «BBaq.kz aqparat agenttiginiń, «Qazaqstan» respýblıkalyq teleradıokompanııasynyń ınternet jobalar bóliminiń bas redaktory boldy.

2015 jyldyń qyrkúıek aıynan «Nur Otan» partııasyna qarasty «Elektrondyq partııa» medıaredaktsııasy ınternet-resýrsynyń basshysy. 2016 - 2018 jyldar aralyǵynda Qazaqstan Respýblıkasy aqparat jáne kommýnıkatsııalar mınıstriniń keńesshisi, 2018 jyly «Egemen Qazaqstan» gazeti bas redaktorynyń orynbasary qyzmetterin atqarǵan. 2019 jyldyń qańtar aıynan qazirgi ýaqytqa deıin Qaraǵandy oblystyq «Ortalyq Qazaqstan» gazetinde bas redaktor mindetin atqardy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT