+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Qazaqstanda apta ishinde bolǵan kadrlyq taǵaıyndaýlar

2019 jylǵy 8 jeltoqsan 12:00
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – «QazAqparat» Halyqaralyq aqparat agenttigi elimizde apta ishinde bolǵan kadrlyq aýys-túıister týraly sholýdy usynady.

Uqsas jańalyqtar
Prezıdenttik kadr rezervi: Nursultan Baıtilesov Joǵarǵy Sot Apparaty basshysynyń orynbasary boldy Prezıdenttik kadr rezervinen Ekologııa mınıstrligindegi laýazymǵa 3 adam taǵaıyndaldy Ózbekstan parlamenti eldiń jańa premer-mınıstrin bekitti

Apta basynda Jambyl oblysy ákiminiń ókimimen Taraz qalasynyń ákimi laýazymyna Qarabalaev Aıtqazy Dáýletqululy taǵaıyndaldy.

Aıtqazy Qarabalaev 1966 jyly týǵan, bilimi joǵary. Eńbek jolyn 1989 jyly Almaty qalasyndaǵy №54 Turǵyn úı paıdalaný basqarmasynyń ınjener-tehnıgi bolyp bastaǵan. Ár jyldary «Haır Ihsan» qaıyrymdylyq qory dırektorynyń orynbasary, «Tıgro Haýd» saýda-óndiristik qaýymdastyǵy bóliminiń meńgerýshisi, dırektorynyń orynbasary, Taraz qalalyq saýda, shaǵyn jáne orta bıznes basqarmasynyń bastyǵy, qala ákiminiń orynbasary, Jambyl oblystyq jergilikti bıýdjetterge alymdar jáne jekelegen salyq tólemderin jınaý agenttiginiń dırektory, oblys ákimdiginiń jumyspen qamtýdy úılestirý jáne áleýmettik baǵdarlamalar departamentiniń dırektory, Jambyl oblysy ákimi apparaty jetekshisiniń orynbasary, Jýaly aýdanynyń ákimi, «Ońtústik» ÁKK» AQ UK» ókildiginiń Jambyl oblysyndaǵy dırektory, Talas aýdanynyń ákimi, «QazTransGaz Aımaq» Jambyl oblystyq óndiristik fılıaly dırektorynyń keńesshisi qyzmetterin atqarǵan. Al, 2019 jyldyń sáýirinen bastap «QazTransGaz Aımaq» Túrkistan oblystyq óndiristik fılıalynyń dırektory laýazymynda qyzmet atqaryp keldi.

Eske sala keteıik, buǵan deıin qala basshysy bolǵan Qaırat Dosaev bıyl 21 qarashada QR Prezıdenti Qasym-Jomart Toqaevtyń tapsyrmasymen Tarazdaǵy mektepte bolǵan oqýshyny zorlaý oqıǵasyna baılanysty jáne ózine júktelgen mindetterdi tıisinshe oryndamaǵany úshin laýazymynan bosatylǵan edi.

Sonymen birge, óńirdegi belgili telejýrnalıst Jasulan Ábdimanap Jambyl oblysy ákiminiń keńesshisi bolyp taǵaıyndaldy. Jańa keńesshi óńirdiń ıdeologııa jáne aqparat salasyna jaýap beretin bolady.

Ábdimanap (Ábdihalyq) Jasulan Lesbekuly 1980 jyly Jambyl oblysy T.Rysqulov aýdany, Á.Jylqyshıev aýylynda ómirge kelgen. Ol joǵary oqý ornyn «qazaq tili men ádebıeti» jáne «zańger» mamandyqtary boıynsha támamdaǵan. Eńbek jolyn 2003 jyly «Qazaqstan» Teleradıokorporatsııasy AQ Jambyl oblystyq fılıaly «Qazaqstan-Taraz» telearnasynda tilshi bolyp bastaǵan. Odan keıin ár jyldary dıktor, aǵa redaktor, bas redaktor, dırektordyń orynbasary qyzmetterin atqarǵan. «Qazaqstan» Teleradıokorporatsııasy AQ aqparattyq saraptamalyq baǵdarlamalar dırektsııasynyń Jambyl oblysy boıynsha menshikti tilshisi, «Habar» agenttigi AQ aqparattyq-saraptamalyq jańalyqtar dırektsııasynyń Almaty fılıaly boıynsha menshikti tilshisi, «Habar» agenttigi, «24 kz» telearnalarynyń aqparattyq-saraptamalyq jańalyqtar dırektsııasynyń Aqmola oblysy boıynsha tilshiler qosynynyń basshysy, «Habar» agenttigi AQ aqparattyq-saraptamalyq jańalyqtar dırektsııasynyń prodıýseri qyzmetterin atqarǵan.

Odan bólek, Ońtústik Qazaqstan oblysy ákiminiń, «Nur Otan» partııasy ortalyq apparatynyń baspasóz hatshysy – baspasóz qyzmetiniń jetekshisi jáne QR Aýyl sharýashylyǵy mınıstrliginiń Qoǵammen baılanys basqarmasynyń basshysy – baspasóz hatshysy qyzmetterinde jemisti eńbek etken. Keıingi jyldary Jasulan Ábdimanap «Qazaqtan» Teleradıokorporatsııasy AQ Jambyl oblystyq fılıaly «JAMBYL» teleradıoarnasynyń dırektory boldy.

5 jeltoqsanda taǵy bir jýrnalıst Mıras Muqash «Qazaqstan» Respýblıkalyq teleradıokesheni» AQ Aqtóbe oblystyq fılıaly «AQTÓBE» telearnasynyń dırektory bolyp taǵaıyndaldy.

Mıras Qultóleýuly Muqash – Almaty oblysynyń týmasy. 2005 jyly ál-Farabı atyndaǵy Qazaq ulttyq ýnıversıtetiniń Jýrnalıstıka fakýltetin bitirgen. Respýblıkalyq basylymdarda jumys istep, «Habar» agenttiginiń jańalyqtar bóliminde eńbek etti. Telearnanyń Qaraǵandy oblysyndaǵy menshikti tilshisi boldy ári «Qazaqstan» ulttyq telearnasynyń tilshisi qyzmetin atqardy. Sonymen qatar «Jetinshi arnada», onyń ishinde «Nysana» qorytyndy baǵdarlamasynyń tilshi-redaktory boldy. Qazaqstan Jýrnalıster odaǵynyń múshesi. Jańa taǵaıyndaýǵa deıin QR Aqparat jáne qoǵamdyq damý mınıstriniń keńesshisi boldy.

Pavlodar oblysynda Indýstrıaldy-ınnovatsııalyq damý basqarmasynyń basshysy bolyp Baýyrjan Qamenov taǵaıyndaldy. Buǵan deıin B.Qamenov oblys ákiminiń ekonomıka, ınvestıtsııa jáne ishki baılanystar jónindegi keńesshisi qyzmetin atqarǵan.

1987 jyly týǵan Baýyrjan Qamenov 2008 jyly Innovatsııalyq Eýrazııa ýnıversıtetin «qarjy» bakalavry, 2014 jyly S.Toraıǵyrov atyndaǵy Pavlodar memlekettik ýnıversıtetin «quqyq» bakalavry mamandyqtary boıynsha aıaqtaǵan. «Ekonomıka jáne bıznes» magıstri. Eńbek jolyn 2008 jyly bastaǵan. Pavlodar oblysy ákimi apparatynyń bas mamany, Pavlodar aýdany ákiminiń keńesshisi, Grıgorev aýyldyq okrýginiń ákimi, kásipkerlik bóliminiń basshysy, Pavlodar qarjy bólimi basshysynyń orynbasary boldy. 2016 jyldan beri Pavlodar oblysy ákiminiń orynbasary, keıin Pavlodar oblysy ákimi apparaty basshysynyń orynbasary qyzmetin atqarǵan. 2019 jyldyń maýsym aıynan jańa taǵaıyndaýǵa deıin oblys ákiminiń ekonomıka, ınvestıtsııa jáne ishki baılanystar jónindegi keńesshisi boldy.

Sonymen birge, bul aptada Pavlodar oblysy Baıanaýyl aýdanynyń ákimi qyzmetine Qanat Kárimov taǵaıyndaldy.

Buǵan deıin Qanat Kárimov aýdan ákiminiń orynbasary bolǵan. Ol 1964 jyly Baıanaýyl aýdanynda týǵan. 1986 jyly Abaı atyndaǵy qazaq pedagogıkalyq ınstıtýtyn aıaqtap, «tarıh, qoǵamtaný jáne sovet quqyǵy» muǵalimi mamandyǵyn meńgergen. Otyz jylǵa jýyq eńbek ótili bar, memlekettik qyzmette 15 jyldan beri jumys isteıdi.


Bizdiń kanalymyzǵa jazylyńyz:

Basty sózder: Taǵaıyndaý, Qoǵam,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT