+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Qazaqstanda apta ishinde bolǵan kadrlyq taǵaıyndaýlar

2019 jylǵy 27 qazan 12:52
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat - Ótip bara jatqan apta ishinde Qazaqstan Prezıdenti Ákimshiligi basshysynyń orynbasary taǵaıyndalyp, Memleket basshysynyń jańa keńesshisi qyzmetine kiristi. Munan bólek óńirlerde de birqatar kadrlyq aýys-túıis oryn alǵan bolatyn. QazAqparat apta ishindegi osy jáne ózge de taǵaıyndaýlardy oqyrman nazaryna usynady.

Uqsas jańalyqtar
Prezıdenttik kadr rezervi: Nursultan Baıtilesov Joǵarǵy Sot Apparaty basshysynyń orynbasary boldy Prezıdenttik kadr rezervinen Ekologııa mınıstrligindegi laýazymǵa 3 adam taǵaıyndaldy Ózbekstan parlamenti eldiń jańa premer-mınıstrin bekitti

QR Prezıdeni Qasym-Jomart Toqaevtyń Jarlyǵymen Erjan Nurlanuly Jıenbaev Qazaqstan Respýblıkasy Prezıdenti Ákimshiligi Basshysynyń orynbasary bolyp taǵaıyndaldy.

Erjan Jıenbaev 1981 jyly Almaty qalasynda dúnıege kelgen. 2002-2005 jyldary QR Qarjy mınıstrliginiń júıesinde eńbek etken. 2005 jyldan bastap QR Premer-Mınıstri Keńsesiniń qurylymynda jumys istedi. Aǵa sarapshy, bas sarapshy, bas keńesshi, sektor meńgerýshisi, QR Premer-Mınıstri Keńsesiniń Zań bóliminiń meńgerýshisiniń orynbasary qyzmetterin atqarǵan. 2012-2013 jyldary — QR Premer-Mınıstri Keńsesiniń Zańnama, qorǵanys jáne quqyqtyq tártip bólimi meńgerýshisiniń orynbasary, QR Premer-Mınıstri Keńsesiniń Zań bóliminiń meńgerýshisi bolǵan.

Memleket basshysy Qasym-Jomart Toqaevtyń Jarlyǵymen Álııa Ǵalymjanqyzy Raqysheva basqa jumysqa aýysýyna baılanysty QR Prezıdenti Ákimshiligi Basshysynyń orynbasary qyzmetinen bosatyldy. Sondaı-aq Q.Toqaevtyń Ókimimen Á.Raqysheva Qazaqstan Respýblıkasy Prezıdentiniń keńesshisi qyzmetine taǵaıyndaldy.

Álııa Ǵalymjanqyzy Raqysheva 1980 jyly Almaty qalasynda týǵan. 2001 jyly Qazaq memlekettik zań akademııasyn bitirgen. 2001-2002 jyldary – Qazaqstan Respýblıkasy Ádilet mınıstrliginiń Halyqaralyq quqyq jáne protokol departamenti, Halyqaralyq quqyq jáne memlekettik múliktik quqyqtardy qorǵaý departamenti, Zańnamalyq departamentiniń jetekshi mamany. 2002-2005 jyldary – Qazaqstan Respýblıkasy Ádilet mınıstrliginiń Zańnamalyq departamenti zań jobalaryn saraptaý jáne daıyndaý basqarmasynyń bólim bastyǵy, Zań jobalary qyzmetin úılestirý, zańnamany júıege keltirý departamentiniń bólim bastyǵy, Zańnamalyq departamentiniń bólim bastyǵy, odan keıin basqarma bastyǵy. 2005-2007 jyldary – Qazaqstan Respýblıkasy Ortalyq saılaý komıssııasy apparaty zań bóliminiń konsýltanty, meńgerýshisi. 2007-2013 jyldary – Qazaqstan Respýblıkasy Ortalyq saılaý komıssııasy ákimshilik basqarmasynyń bastyǵy – apparat basshysy. 2013-2018 jyldary – Qazaqstan Respýblıkasy Prezıdenti Ákimshiliginiń Memlekettik quqyq bóliminiń meńgerýshisi. 2018 jylǵy sáýirde Memleket basshysynyń Jarlyǵymen Qazaqstan Respýblıkasy Prezıdentiniń Ákimshiligi Basshysynyń orynbasary bolyp taǵaıyndalǵan. «Eren eńbegi úshin» medalimen marapattalǵan.

QR Premer-Mınıstriniń jáne QR Prezıdent Ákimshiliginiń Basshysynyń kelisimimen Jumadildaev Ánýar Serqululy QR Qarjy mınıstrliginiń Іshki memlekettik aýdıt komıtetiniń tóraǵasy qyzmetine taǵaıyndaldy.

Ánýar Jumadildaev 22 qyrkúıekte Qyzylorda oblysynda týǵan. Patrıs Lýmýmba atyndaǵy halyqtar dostyǵy ýnıversıteti men Batys Qazaqstan ınjenerlik-tehnologııalyq ýnıversıtetin bitirgen. 2005 jyly Batys Qazaqstan oblysy boıynsha Salyq komıtetiniń tóraǵasynyń orynbasary bolyp taǵaıyndaldy. 2008 jyly QR Qarjy mınıstrliginiń Salyq komıtetiniń Alkogol, temeki jáne aktsızdeýge jatatyn basqa da ónimderdi ákimshilendirý basqarmasynyń bastyǵy bolyp eńbek etti. 2009 jyly QR Qarjy mınıstrligi Salyq komıtetiniń tóraǵasynyń orynbasary bolyp taǵaıyndaldy. 2012 jyly QR Qarjy mınıstrligi Salyq komıtetiniń tóraǵasy laýazymyna aýystyryldy. Ár jyldary QR Qarjy mınıstrliginiń Іshki memlekettik aýdıt komıtetin jáne Qarjylyq baqylaý komıtetin basqardy. 2017 jyldyń qańtar aıynan 2019 jyldyń sáýir aıy aralyǵynda QR Qarjy mınıstrliginiń Qarjylyq monıtorıng komıtetiniń tóraǵasy qyzmetin atqardy.

Túrkistan oblysynyń ákimi Ómirzaq Shókeevtiń ókimimen Túrkistan oblysy kásipkerlik jáne saýda basqarmasynyń basshysy bolyp Nurlan Marhabatuly Baıǵut taǵaıyndaldy.

Nurlan Marhabatuly 1974 jyly 21 sáýirde Ońtústik Qazaqstan oblysy Túlkibas aýdanynda týǵan, bilimi joǵary, biliktiligi ınjener-ekonomıst. Eńbek jolyn 1997 jyly Shymkent qalasy boıynsha salyq komıteti jeke tulǵalarǵa salyq salý bóliminiń salyq ınspektory bolyp bastaǵan.

Qazaqstan Respýblıkasy Prezıdenti Ákimshiliginiń kelisimimen jáne SQO ákiminiń ókimimmen Oljas Nurlanuly Ydyrysov Soltústik Qazaqstan oblysy ákimi apparatynyń basshysy bolyp taǵaıyndaldy.

Oljas Ydyrysov 1985 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin támamdaǵan. Ár jyldary Qazaqstan Respýblıkasy Syrtqy ister mınıstrliginde, Qazaqstan Respýblıkasy Prezıdenti Ákimshiliginde jáne Іs Basqarmasy júıesinde jumys istedi. Búgingi taǵaıyndaýǵa deıin QR Prezıdenti Ákimshiliginiń memlekettik ınspektory bolyp qyzmet etti.

QR Prezıdenti Ákimshiliginiń kelisimimen Aqmola oblysy ákimi Ermek Marjyqpaevtyń ókimimen Altynaı Baıqadamqyzy Ámirenova oblystyq ishki saıasat basqarmasynyń basshysy bolyp taǵaıyndaldy.

Altynaı Baıqadamqyzy 1973 jyly 23 maýsymda Qaraǵandy oblysynda týǵan. 1996 jyly E.Bóketov atyndaǵy Qaraǵandy ýnıversıtetin fılolog, orys tili jáne ádebıetiniń muǵalimi, 2008 jyly Kókshetaý ekonomıka jáne menedjment ınstıtýtyn memlekettik basqarý bakalavry boıynsha támámdaǵan. Eńbek jolyn 1990 Qaraǵandy memlekettik medıtsınalyq ıntsıtýtynda bastaǵan. 1997-2000 jyldary Qaraǵandy oblysynyń Qaroı orta mektebinde, Nur-Sultan qalasyndaǵy №8 orta mektepte muǵalim bolyp eńbek etti. 2003 jyly Stepnogorsk qalasy ákimi apparatynyń ishki saıasat jáne áleýmettik sala bóliminde bas maman retinde memlekettik qyzmetke ornalasty. Keıin erkin-taldaý jáne ishki saıasat bólimderiniń basshysy laýazymynda boldy. 2008 - 2012 jyldary Kókshetaý qalasy ishki saıasat bóliminiń basshysy, 2012 jyldan bastap oy jańa qyzmetke taǵaıyndalǵanǵa deıin Kókshetaý qalasy ákiminiń orynbasary bolyp qyzmet istedi.

Qazaqstan Respýblıkasy Prezıdentiniń Ákimshiligi jáne aýdandyq máslıhattyń kelisimi boıynsha Ǵaıdar Qabdollauly Qasenov Aqmola oblysy Shortandy aýdanynyń ákimi bolyp taǵaıyndaldy.

Ǵaıdar Qasenov 1976 jyly týǵan. Aqmola oblysy Atbasar aýdanynyń týmasy. S.Seıfýllın atyndaǵy agrarlyq ýnıversıtetti, L.N. Gýmılev atyndaǵy Eýrazııa Ulttyq ýnıversıtetin, Halyqaralyq Bıznes Akademııasyn bitirgen. Ekonomıka ǵylymdarynyń kandıdaty. Eńbek jolyn 1998 jyly Astana qalasy Almaty aýdany ákiminiń apparatynda bas maman bolyp bastady. 2001-2006 jyldary kommertsııalyq qurylymdarda basshylyq laýazymdardy atqardy. 2006-2008 jyldary Astana qalasy Almaty aýdany ákimi orynbasary, odan keıin ákim laýazymdarynda qyzmet atqardy. 2008-2015 jyldary – «Qaztemirtrans» AQ korporatıvtik damý jónindegi vıtse-prezıdenti. Osy kúnge deıin Nur-Sultan qalalyq «Nur Otan» partııasy Almaty aýdandyq fılıaly tóraǵasynyń orynbasary boldy.

«Azyq-túlik kelisimshart korporatsııasy» Ulttyq kompanııasy» AQ-qa jańa basshy keldi. Korporatsııanyń Dırektorlar keńesiniń sheshimimen «Azyq-túlik kelisim shart korporatsııasy» UK» AQ Basqarma tóraǵasy bolyp Qanat Qaraýylov saılandy.

Qanat Serikuly 1971 jyly 16 aqpanda týǵan. Qazaq tutyný kooperatsııasy ınstıtýtyn «Qarjy jáne nesıe» mamandyǵy boıynsha jáne RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń magıstratýrasyn «Memlekettik jáne mýnıtsıpaldyq basqarý» mamandyǵy boıynsha bitirgen. Eńbek jolyn 1999 jyly bastaǵan. «QazAgro» UBH» AQ enshiles uıymdarynda («Azyq-túlik kelisimshart korporatsııasy» UK» AQ, «QazAgroKepil» AQ) basshylyq jáne basqarýshylyq laýazymdarynda, ortalyq memlekettik jáne jergilikti atqarýshy organdarda memlekettik qyzmette basshylyq laýazymdarda jumys istedi. Jańa taǵaıyndaýǵa deıin «QazAgro» UBH» AQ Basqarýshy dırektory - Basqarma múshesi boldy.

«Jas órken» JShS biriktirý arqyly qaıta qurylǵan «Qazaq gazetteri» JShS Bas dırektory bolyp Shámshidın Pátteev taǵaıyndaldy.

Shámshidın Áshenqojauly Qazaqstan Respýblıkasynyń Eńbek sińirgen Mádenıet qaıratkeri, «Qurmet» ordeniniń ıegeri, baspasóz salasynda elimizge belgili kásibı menedjer.Seriktestik baspasóz salasyn, onyń ishinde, balalar baspasózin damytýda úlken eńbek atqaryp keledi.

«Egemen Qazaqstan» gazetiniń Almaty qalasyndaǵy redaktsııasynyń basshysy laýazymyna Júsipbek Qorǵasbek taǵaıyndaldy.

Júsipbek Nuraqynuly elimizge belgili jýrnalıst, eńbek jolyn «Lenınshil jas» gazetinen bastap, «Qazaq ádebıeti», «Jas alash» basylymdarynda eńbek etken. 2008 jyldan bastap «Jas órken» JShS-niń bas dırektory qyzmetin abyroımen atqaryp keldi.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT