+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Qazaqstanda apta ishinde bolǵan kadrlyq taǵaıyndaýlar

2019 jylǵy 20 qazan 10:52
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – «QazAqparat» halyqaralyq aqparat agenttigi nazarlaryńyzǵa el astanasy men óńirlerdegi basty aýys-túıister jaıly apta qorytyndysyn usynady.

Uqsas jańalyqtar
Túrkistan oblysy tabıǵı resýrstardy paıdalaný basqarmasyna jańa basshy taǵaıyndaldy Qarýly kúshter Bas shtab bastyǵynyń jańa orynbasary taǵaıyndaldy BQO ákiminiń jańa orynbasary taǵaıyndaldy

Apta basynda Almaty qalasy ákiminiń ókimi boıynsha Erkebulan Orazalın Kásipkerlik jáne ınvestıtsııalar basqarmasynyń basshysy bolǵany habarlandy. E. Orazalın 1981 jyly 16 tamyzda dúnıege kelgen. Abylaı han atyndaǵy Qazaq halyqaralyq qatynastar ýnıversıtetin jáne T. Rysqulov atyndaǵy Qazaq ekonomıkalyq ýnıversıtetin bitirgen. Eńbek jolyn 2002 jyly Abaı atyndaǵy Almaty ýnıversıtetiniń aspıranty bolyp bastaǵan. Ár jyldary Almatynyń Aqparattyq-taldaý ortalyǵynda, «Álemdik ekonomıka jáne saıasat ınstıtýty» QQ-da jumys istegen.

2012-2016 jyldar ishinde Almaty qalasy Tabıǵı resýrstar jáne tabıǵatty paıdalanýdy retteý basqarmasynda basshylyq qyzmetterdi atqardy. 2016 jyldan bastap sońǵy taǵaıyndalýǵa sheıin Almaty qalasy M.Áýezov aýdany ákiminiń orynbasary laýazymynda boldy.

Sol sekildi Ulttyq ekonomıka mınıstrligi Básekelestikti qorǵaý jáne damytý komıtetiniń Aqtóbe oblystyq departamenti men oblystyq dene shynyqtyrý jáne sport basqarmasyna jańa basshy keldi. Aımaq basshysy komıtet tóraǵasy Saǵyndyq Erǵalıevti, basqarma basshysy retinde Evgenıı Goncharovty tanystyrdy.

Saǵyndyq Erǵalıev 1976 jyly týǵan, bilimi joǵary. 1999 jyly Batys Qazaqstan oblysynyń aýyl sharýashylyǵy ýnıversıtetin ekonomıst-menedjer mamandyǵy boıynsha támámdaǵan. Eńbek jolyn 2001 jyly Batys Qazaqstan oblysynda qarjy bóliminiń bas ekonomısi bolyp bastaǵan. Ártúrli jyldar «QR básekelestikti qorǵaý agenttiginiń Aqtóbe jáne Batys Qazaqstan oblystary boıynsha óńiraralyq ınspektsııasy» MM BQO aýmaqtyq bóliminiń bastyǵy, «QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń Aqtóbe oblysy boıynsha departamenti» RMM basshysynyń orynbasary qyzmetterin atqardy.

Al 38 jastaǵy Evgenıı Goncharov 2004 jyly Q.Jubanov atyndaǵy Aqtóbe memlekettik ýnıversıtetin «Dene shynyqtyrý, sport jattyqtyrýshysy», 2016 jyly Orynbor memlekettik ýnıversıtetin «Memlekettik jáne mýnıtsıpaldy basqarý» mamandyqtary boıynsha bitirgen. Eńbek jolyn OBJSM velosport jattyqtyrýshysy bolyp bastaǵan. 2015 jyldan Aqtóbe qalalyq dene tárbıesi jáne sport bóliminiń basshysy bolyp qyzmet atqardy. Ol gir kóterýden 12 dúrkin álem chempıony, 27 dúrkin Qazaqstan chempıony boldy. 2018 jyly Azııa chempıony ataǵyn jeńip aldy. Azııa men Qazaqstannyń absolıýtti rekordyn ornatqan sportshy.

Sonymen birge, osy aptada Aqtóbe oblystyq sotynyń tóraǵasy Sáken Abdolla oblystyń sot korpýsyna jańadan taǵaıyndalǵan sýdıalardy tanystyrdy.

Prezıdent Jarlyǵymen Aqtóbe qalalyq sotynyń sýdıasy laýazymyna Ilıada Dosova taǵaıyndaldy. Ol buǵan deıin birneshe jyl boıy oblystyq sottyń baspasóz hatshysy qyzmetin atqarǵan bolatyn. Sonymen qatar bul qyzmetke Mereke Sabyrbaeva, Aqtóbe qalasynyń №2 sotyna Sandýǵash Izbaǵambetova, Saıa Tashymbaev jáne Aqtóbe oblysy Baıǵanın aýdandyq sotynyń tóraǵasy qyzmetine Janas Qýanyshev taǵaıyndaldy. Oblystyń aýdandyq sottary jańa kadrlarmen tolyqty. Sondaı-aq, osy Jarlyqpen Muǵaljar aýdandyq sotynyń sýdıalary laýazymyna Ulbolsyn Aıtjanova, Ramazan Qustanov jáne Shalqar aýdandyq sotynyń sýdıasy laýazymyna Darhan Isabek taǵaıyndaldy.

Qyzylorda oblysy ákiminiń ókimimen Baýyrjan Serikuly Shámenov Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń basshysy qyzmetine taǵaıyndaldy.

Ol 2008-2013 jyldary Qyzylorda oblysy ákimi apparatynyń memlekettik-quqyqtyq jumystar bóliminiń basshysy bolǵan. 2013 jyldyń shilde aıynan bastap osy kezge deıin Qyzylorda oblysynyń tabıǵı resýrstar jáne tabıǵat paıdalanýdy retteý basqarmasy basshysynyń orynbasary laýazymynda qyzmet atqaryp keldi.

Jalpy, osy aptada Qyzylorda oblysynda birqatar kadrlyq aýys-túıis boldy.

Energetıka mınıstrligi jaýapty hatshysynyń buıryǵymen Salamat Saǵynaıuly Qaljanov Qazaqstan Respýblıkasy Energetıka mınıstrligi Atomdyq jáne energetıkalyq qadaǵalaý men baqylaý komıtetiniń Qyzylorda oblysy boıynsha aýmaqtyq departamentiniń basshysy laýazymyna keldi.

Sondaı-aq, Qazaqstan Respýblıkasy Saýda jáne ıntegratsııa mınıstriniń buıryǵymen Erqasym Jaıbergenuly Súleımenov Qazaqstan Respýblıkasy Saýda jáne ıntegratsııa mınıstrligi Tutynýshylardyń quqyqtaryn qorǵaý komıtetiniń Qyzylorda oblysy boıynsha departamentiniń basshysy laýazymyna taǵaıyndaldy.

«Atyraý» fýtbol klýbyn budan bylaı jańa bapker jattyqtyratyn boldy.

«Atyraý» fýtbol klýby baspasóz qyzmetiniń habarlaýynsha, bas bapker qyzmetine Asqar Qojabergenov taǵaıyndalǵan. Kezinde ol Almatynyń SKIF, «Qaırat», «Dostyq», qaraǵandylyq «Shahter», taldyqorǵandyq «Jetisý», jambyldyq «Hımık», «Aqtóbelik» komandalarynda oınaǵan. Sonymen qatar nemisterdiń «Proıssen-7» komandasynda da óner kórsetken. Keıinirek Qaskeleń qalasynyń «Suńqar», taldyqorǵandyq «Jetisý» jáne «Ekibastuz» komandalaryna bapkerlik qyzmet etken.

Memleket basshysynyń Ókimimen Sultan Kamaletdınov Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetiniń bastyǵy qyzmetin atqaratyn boldy.

General-maıor Sultan Búrkitbaıuly Kamaletdınov 1965 jyly 12 aqpanda Astrahan oblysynda (RF) dúnıege kelgen. Tashkent joǵary tank ýchılıesin bitirgen; Tankige qarsy áskerler áskerı akademııasynyń tyńdaýshysy; Reseı Federatsııasy Qarýly Kúshteri Bas shtabynyń Áskerı akademııasynyń tyńdaýshysy.

Eńbek joly: Germanııadaǵy sovet áskeri tobynyń tank dıvızııasynyń gvardııalyq tank polkiniń tank vzvody komandıri; tank batalony komandıriniń orynbasary - shtab bastyǵy, tank batalony komandıri, tank polkiniń komandıri, mehanıkalandyrylǵan dıvızııa komandıriniń orynbasary - shtab bastyǵy, mehanıkalandyrylǵan brıgada komandıri (1986-2005); «Shyǵys» óńirlik qolbasshylyǵy ásker qolbasshysy basqarmasynyń shtaby bastyǵynyń orynbasary (2006-2008); «Ońtústik» ÓQ ásker qolbasshysynyń áskerı daıyndyq jónindegi orynbasary (01.2008-08.2008); «Ońtústik» ÓQ ásker qolbasshysy basqarmasy shtabynyń bastyǵy - qolbasshynyń birinshi orynbasary (2010-2012); «Astana» ÓQ ásker qolbasshysy basqarmasy shtabynyń bastyǵy - qolbasshynyń birinshi orynbasary (2012-2013); «Astana» ÓQ áskerı qolbasshysy (2013-2016); QR Qorǵanys mınıstrligi Qarýly Kúshteriniń Qurlyqtaǵy áskerler bas qolbasshysynyń birinshi orynbasary (2016 jyldan) boldy.

Apta sońynda Qazaqstan velosport federatsııasynyń atqarýshy dırektory qyzmetine Dmıtrıı Mýravevtiń kelgeni habarlandy.

Dmıtrıı Mýravev – Álemdik týr komandasy «Pro Team Astana» sapynda jáne amerıkalyq «RadioShack» jobasynda óner kórsetken. T anymal kásibı veloshabandoz. Qazaqstannyń ulttyq quramasynda júrgende 1998 jyly Bangokta - kúmis júlde, 2002 jyly Pýsanda ótken Azııa oıyndarynda - qola júldeni jeńip alǵan bolatyn. Odan bólek, Mýravev «Týr de Frans» kópkúndiginiń 4-kezeńinde jeńiske jetti. Sonymen qatar ol kóptegen kásibı velojarystarda júldeli oryndarǵa ıe bolǵan. Qazaqstandyq veloshabandoz - Almaty Management University túlegi, «Bıznes jáne basqarý» mamandyǵy boıynsha magıstr dárejesin alǵan.

Bizdiń kanalymyzǵa jazylyńyz:

Basty sózder: Taǵaıyndaý, Basqa memorgandar,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT