+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qazaqstanda apta ishinde bolǵan kadrlyq taǵaıyndaýlar

2019 jylǵy 13 qazan 12:10
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat – Sońǵy jeti kún aldyńǵy aptalardaı taǵaıyndaýlarsyz ótken joq. Birqatar ákimdik pen mınıstrlikte, quqyqqorǵaý organdarynda kadrlyq aýys-túıister boldy, dep habarlaıdy QazAqparat tilshisi.

Uqsas jańalyqtar

Apta basynda QR Premer-Mınıstriniń Ókimimen Asqar Serikjanuly Jákenov QR Premer-Mınıstriniń Keńsesi Basshysynyń orynbasary qyzmetine taǵaıyndaldy. Asqar Jákenov 1975 jyly 13 qyrkúıekte Qaraǵandy qalasynda týǵan. Qaraǵandy memlekettik tehnıkalyq ýnıversıtetin jáne «Qaınar» ýnıversıtetin támamdaǵan. Eńbek jolyn 1998 jyly Qaraǵandy qalasyndaǵy «Kargormash-ITEKS» JTAQ-da bastady.

1999 jyly QR Ádilet mınıstrligine jumysqa qabyldanyp, onda jetekshi mamannan bastap basqarma basshysyna deıin qyzmet etken. 2004 - 2012 jyldar aralyǵynda QR Premer-Mınıstri Keńsesiniń zań bólimi meńgerýshisiniń orynbasary bolyp eńbek etti. 2012 - 2013 jyldar aralyǵynda QR Premer-Mınıstri Keńsesiniń zańnama, qorǵanys jáne quqyqtyq tártip bólimi meńgerýshisiniń orynbasary. 2013 jylǵy tamyzdan bastap qazirgi ýaqytqa deıin Qazaqstan Respýblıkasynyń Premer-Mınıstri Keńsesiniń baqylaý jáne qujattamalyq qamtamasyz etý bóliminiń meńgerýshisi boldy.

Osy aptadaı sondaı-aq, «Saryarqa Aqparat» medıaholdınginiń dırektorlyǵyna Oljas Berkinbaev keldi. Ol 1991 jyly 19 qarashada dúnıege kelgen. Eki joǵary bilimi bar: 2013 jyly L. N. Gýmılev atyndaǵy Eýrazııa ulttyq ýnıversıtetin «tarıhshy» mamandyǵy boıynsha bitirgen. 2015 jyly Qorqyt Ata atyndaǵy Qyzylorda memlekettik ýnıversıtetinde «zańger» mamandyǵy boıynsha dıplom aldy. 2016 jyly L. N. Gýmılev atyndaǵy Eýrazııa ulttyq ýnıversıtetinde saıası ǵylymdar magıstri dárejesin alǵan.

Oljas Berkinbaev eńbek jolyn 2012 jyly «QR Іshki ister organdarynyń Medıa ortalyǵy» kompanııasynyń «Saqshy» gazetinde tilshi bolyp bastaǵan. 2013 jyly Prezıdenttiń kómekshisi, «Áskerı-strategııalyq zertteýler ortalyǵy» AQ jetekshi sarapshysy boldy.

2019 jyldyń mamyr aıynan qazirgi ýaqytqa deıin «QR Tuńǵysh Prezıdentiniń kitaphanasy» MM baspasóz qyzmetiniń aǵa sarapshysy mindetin atqarǵan.

7 qazanda Ekibastuz qalasy polıtsııa basqarmasynyń bastyǵy aýysty.

«QR Іshki ister mınıstriniń «Quqyq qorǵaý qyzmeti týraly» 30.09.2019 jylǵy №531 buıryǵymen Ekibastuz qalasynyń polıtsııa basqarmasynyń bastyǵy qyzmetine Vasılıı Sklıar (buǵan deıin Aqsý qalasy polıtsııa bóliminiń bastyǵy) taǵaıyndaldy», - dep habarlady Pavlodar oblystyq Polıtsııa departamentiniń baspasóz qyzmetinen.

Al Aqmola oblysynda ótip bara jatqan aptada Erlan Qyzdarbekuly Muhamendın Shortandy aýdany ákiminiń mindetin atqarýshy bolyp taǵaıyndaldy. Erlan Qyzdarbekuly 1980 jyly týǵan. 2000 jyly L.N. Gýmılev atyndaǵy Eýrazııa ulttyq ýnıversıtetin «ekonomıka», 2006 jyly «Femıda» zań akademııasyn «zańger» mamandyqtary boıynsha támámdaǵan. 2017 jyly elordadaǵy «Qarjy akademııasynda» ekonomıka jáne bıznes magıstri akademııalyq dárejesin aldy.

Eńbek jolyn 2002 jyly Shortandy aýdany boıynsha salyq organynda ártúrli laýazymda qyzmet etýden bastady. 2006 jyly Shortandy aýdandyq kásipkerlik bóliminde bas maman, 2007 jyly basshysy boldy. 2009 jyldyń qańtary men 2012 jyldyń tamyzy aralyǵynda Shortandy aýdany ákiminiń apparat basshysy qyzmetin atqardy. 2012 jyldyń tamyzynan Shortandy aýdany ákiminiń orynbasary laýazymynda boldy.

Memleket basshysynyń Ókimimen Ǵabıt Jaqypbaıuly Baıjanov Qazaqstan Respýblıkasy Ulttyq qaýipsizdik komıteti Tóraǵasynyń orynbasary – Syrtqy barlaý qyzmetiniń dırektory qyzmetine taǵaıyndaldy.

Ǵabıt Jaqypbaıuly Baıjanov 1963 jyly 1 qarashada dúnıege kelgen. Qazaqstan Respýblıkasy Ulttyq qaýipsizdik komıtetiniń «Barlaý» qyzmeti dırektorynyń orynbasary (2007); «Syrbar» syrtqy barlaý qyzmeti dırektorynyń birinshi orynbasary (2009-2015); «Syrbar» syrtqy barlaý qyzmetiniń dırektory (2015-2018). 2018-2019 jyldary Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy boldy. 2019 jylǵy aqpannan beri «Syrbar» syrtqy barlaý qyzmetiniń dırektory qyzmetin atqarǵan.

Sonymen birge, Aıdar Ótenov Elbasy kómekshisi hatshylyǵynyń meńgerýshisi bolyp taǵaıyndaldy.

Aıdar Ótenov 1983 jyly 13 qyrkúıekte Qaraǵandy qalasynda týǵan. 2004 jyly «Zańger» mamandyǵy boıynsha E. A. Bóketov atyndaǵy Qaraǵandy memlekettik ýnıversıtetin bitirgen. 2010 jyly «Esep jáne aýdıt bakalavry» mamandyǵy boıynsha Qaraǵandy memlekettik tehnıkalyq ýnıversıtetin bitirgen. Eńbek jolyn 2004 jyly Astana qalasyndaǵy «Kontınent-stroı» JShS-de zańger bolyp bastaǵan.

2019 jyldyń sáýirinen bastap osy kúnge deıin QR PІB «Materıaldyq-tehnıkalyq qamtamasyz etý basqarmasy» MM basshysynyń orynbasary qyzmetin atqaryp keldi. Aıta keteıik, hatshylyqty osy ýaqytqa deıin basqaryp kelgen Eldar Tomashov basqa qyzmetke aýysýyna baılanysty jumysynan bosatyldy.

Belgili qazaqstandyq bıznesmen Keńes Raqyshev Qazaqstan boks federatsııasynyń prezıdenti bolyp saılandy.

«Ulttyq Olımpıadalyq komıtettiń prezıdenti retinde bokstyń damýyna úlesimdi qosa beremin. Alǵa qoıǵan mindetterdi oryndap kelemiz. Aldaǵy ýaqytta da solaı bolaryna senemin. Óz ornyma Keńes Raqyshevty usynamyn», - dedi Tımýr Qulybaev elordada ótken Qazaqstan boks federatsııasynyń otyrysynda. Federatsııa músheleriniń barlyǵy onyń kandıdatýrasyn biraýyzdan qoldady.

Joǵarǵy Sottyń mamandandyrylǵan sot alqasynyń tóraǵasy Aıgúl Qydyrbaeva Sot tóreligi akademııasynyń professor-oqytýshylar quramyna jańa rektordy tanystyrdy. Zań ǵylymdarynyń kandıdaty, professor Záýresh Baımoldına rektor boldy. Záýresh Hamıtqyzy Baımoldına 1985-1994 jyldary - E.A. Bóketov atyndaǵy Qaraǵandy memlekettik ýnıversıtetiniń oqytýshysy, aǵa oqytýshysy, dotsenti, zań fakýlteti dekanynyń orynbasary; 1994-1996 jyldary - Ádilet mınıstrligi Ekonomıkalyq zańnama bóliminiń bastyǵy, Zańdy tulǵalardy tirkeý basqarmasynyń, Bas basqarmasynyń bastyǵy; 1996-2005 jyldary - Qazaq memlekettik zań ınstıtýtynyń kafedra meńgerýshisi, kásipkerlik jáne quqyq fakýltetiniń dekany, dotsenti, professory; 2005-2006 jyldary - Qorshaǵan ortany qorǵaý mınıstrligi Normatıvtik-quqyqtyq qamtamasyz etý basqarmasynyń bastyǵy, Quqyqtyq qamtamasyz etý jáne halyqaralyq yntymaqtastyq departamenti dırektorynyń orynbasary; 2006-2008 jyldary - Prezıdent Ákimshiliginiń Quqyq qorǵaý jáne sot júıeleri bóliminiń bas sarapshysy, bas ınspektory; 2008-2012 jyldary - Prezıdent Ákimshiliginiń Memlekettik-quqyq bóliminiń ınspektory; 2012-2017 jyldary - Ádilet mınıstriniń orynbasary; 2017 jylǵy jeltoqsannan bastap qazirgi ýaqytqa deıin Ortalyq saılaý komıssııasynyń múshesi bolyp jumys istedi.

Sondaı-aq, keshe Qanat Sársembaev QR Bilim jáne ǵylym mınıstrliginiń jaýapty hatshysy bolyp taǵaıydalǵany habarlandy.

Qanat Maratuly ál-Farabı atyndaǵy Qazaq memlekettik ulttyq ýnıversıtetin halyqaralyq quqyq, zańger mamandyqtary boıynsha eki shet tilinde támamdaǵan, zań ǵylymynyń kandıdaty. Eńbek jolyn 1998 jyldan «Dáneker» halyqaralyq quqyq jáne halyqaralyq bıznes ınstıtýtynyń zańgeri, qyzmetinen bastady. 2000 - 2002 jyldary Qazaqstan Respýblıkasy Memlekettik kirister mınıstrliginiń Zań departamenti quqyqtyq saraptama basqarmasynyń bóliminde bas maman bolyp eńbek etti. 2002 - 2005 jyldary - QR Prezıdenti Ákimshiliginiń Zań shyǵarý jáne quqyqtyq saraptama bóliminiń bas sarapshysy. 2005 - 2011 jyldary QR Konstıtýtsııalyq Keńesi quqyqtyq saraptama bóliminiń meńgerýshisi boldy. 2011 - 2015 jyldary QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetine taǵaıyndaldy. 2015 – 2017 jyldar aralyǵynda Qostanaı oblysy Uzynkól aýdanynyń ákimi laýazymyn atqardy. 2017 jyldyń qazanynan Soltústik Qazaqstan oblysy ákiminiń apparatyn basqardy.

Bizdiń kanalymyzǵa jazylyńyz:

Basty sózder: Taǵaıyndaý,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT