Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

Qazaqstanda apta ishinde bolǵan kadrlyq taǵaıyndaýlar

2019 jylǵy 21 shilde 13:44 680
Bólisińiz:
Qazaqstanda apta ishinde bolǵan kadrlyq taǵaıyndaýlar

NUR-SULTAN. QazAqparat - Ótip bara jatqan aptada ár salada mańyzdy kadrlyq aýys-túıister boldy. «QazAqparat» halyqaralyq aqparat agenttigi 15-20 shilde aralyǵyndaǵy Qazaqstanda bolǵan kadrlyq taǵaıyndaýlar sholýyn usynady.

Apta basynda belgili jýrnalıst Jarqyn Túsipbekuly «Elorda Aqparat» ujymyna dırektor bolyp taǵaıyndaldy.

Jarqyn Túsipbekuly Jumadilov ár jyldary QR Prezıdenti janyndaǵy Qazaqstan strategııalyq zertteýler ınstıtýtynda sarapshy bolyp, «Nur Otan» partııasy janyndaǵy zertteý ınstıtýtynyń aqparattyq monıtorıng bólimine basshylyq jasady. Saıası ǵylymdar magıstri, «Alash aınasy», «Jas qazaq» respýblıkalyq gazetterinde, Qazaq radıosynda saıası sholýshy bolǵan. «Qazaqstan» teleradıokorporatsııasynyń shef-redaktory jáne respýblıkalyq ınternet saıttarda bas redaktorlyq qyzmet atqarǵan.

Al Tamara Dúısenova buryn ózi basqarǵan QR Eńbek jáne halyqty áleýmettik qorǵaý mınıstrligine qyzmetke ornalasty. Mınıstr Berdibek Saparbaev ony «Eńbek resýrstaryn damytý ortalyǵy» AQ ujymyna jańa basshy retinde tanystyrdy.

Tamara Dúısenova Tashkent halyq sharýashylyǵy ınstıtýtyn bitirgen. Ekonomıka ǵylymdarynyń kandıdaty. Ár jyldary jaýapty basshylyq laýazymdarda jumys istegen. Shymkent qalasy ákiminiń birinshi orynbasary, Ońtústik Qazaqstan oblysy ákiminiń orynbasary, QR Eńbek jáne halyqty áleýmettik qorǵaý mınıstrliginiń vıtse-mınıstri, jaýapty hatshysy, QR Densaýlyq saqtaý jáne áleýmettik damý mınıstri, QR Eńbek jáne halyqty áleýmettik qorǵaý mınıstri, «Nur Otan» partııasynyń hatshysy qyzmetterin atqardy.

Ortalyqtyń burynǵy basshysy Erbol Ospanov «ERDO» AQ-nyń birinshi vıtse-prezıdenti qyzmetine aýysty.

Almas Batanov Pavlodar oblysy ákiminiń aýyl sharýashylyǵy máselelerine jaýapty orynbasary bolyp taǵaıyndaldy.

Almas Batanov 1977 jyly týǵan. 2000 jyly Qazaq memlekettik agrarlyq ýnıversıtetin, 2004 jyly Almaty tehnologııa jáne bıznes ýnıversıtetin, al 2010 jyly Nottıngem ýnıversıtetin bitirgen. Eńbek jolyn 2000 jyly «Metrologııa» respýblıkalyq memlekettik kásiporny Almaty fılıalynyń jetekshi mamany bolyp bastaǵan. 2000-2009 jyldar aralyǵynda Almaty jáne Astana qalalarynda «Qazaqstan metrologııa ınstıtýty» respýblıkalyq memlekettik kásipornynyń bas mamany, bólim basshysy, basqarma basshysy, ortalyq basshysynyń orynbasary, ortalyq basshysy laýazymdaryn atqardy. 2013 jyldan 2016 jylǵa deıin Qazaqstan Respýblıkasy Óńirlik damý mınıstrligi óńirlik monıtorıng jáne baǵalaý departamentiniń dırektory, Qazaqstan Respýblıkasy Premer-Mınıstri orynbasarynyń keńesshisi jáne Qazaqstan Respýblıkasy Ulttyq ekonomıka mınıstrligi Statıstıka komıteti tóraǵasynyń orynbasary qyzmetterin atqardy. 2016 jyldan bastap 2019 jyldyń sáýirine deıin Qazaqstan Respýblıkasy Premer-Mınıstriniń Keńsesi basshysynyń orynbasary, Qazaqstan Respýblıkasy Indýstrııa jáne ınfraqurylymdyq damý mınıstrligi Indýstrııalyq damý jáne ónerkásiptik qaýipsizdik komıtetiniń tóraǵasy, sondaı-aq Qazaqstan Respýblıkasy Memlekettik hatshysy hatshylyǵynyń meńgerýshisi boldy.

Qazaq fýtbolyndaǵy úzdik shabýylshylardyń biri bolǵan Núrken Mázbaev «Astana» fýtbol klýbynyń sporttyq dırektory qyzmetine taǵaıyndaldy.

Núrken Qaldybekuly birneshe klýb sapynda, onyń ishinde «Jeńiste» (Astana) oınap, 138 gol salǵan. Sonymen qatar, Qazaqstan quramasynda da sátti óner kórsetti. Ol sporttyq jolyn aıaqtaǵannan keıin «Taraz» komandasynyń qurylymynda bapkerler shtabynda jumys istedi, sporttyq dırektor laýazymynda eńbek etti. «Tarazdan» basqa Mazbaev Qazaqstan ulttyq quramasy bas bapkeriniń assısenti boldy. Sondaı-aq kókshetaýdyń «Oqjetbesinde» de ózindik qoltańbasyn qaldyrdy.

Apta ortasynda Memleket basshysynyń Ókimimen Arýjan Saın Qazaqstan Respýblıkasyndaǵy Bala quqyqtary jónindegi ýákil qyzmetine taǵaıyndaldy.

Arýjan Saın 1976 jyly 10 tamyzda Qyzylorda qalasynda dúnıege kelgen. Ál-Farabı atyndaǵy Qazaq Ulttyq ýnıversıtetiniń geografııa fakýltetin bitirgen. Eńbek joly: Habar telearnasyndaǵy kúndelikti «Razmınka» baǵdarlamasynyń telejúrgizúshisi (1993 jyldan bastap); «Dámdi jáne tez», ary qaraı «Juldyzdy menıý» kýlınarlyq baǵdarlamalarynyń telejúrgizýshisi (1994-1999); «Erkemaı» búldirshin oıyn baǵdarlamasynyń telejúrgizýshisi (1994-2000); «El Arna» telearnasyndaǵy «Ana mektebi» tanymdyq baǵdarlamasynyń telejúrgizýshisi (2006 jyldan bastap); «Sabyrlyq, tek sabyrlyq» tok-shoýynyń telejúrgizýshisi (2010 jyldan bastap); «Búldirshinderge Ómir syıla» baǵdarlamasynyń júrgizýshisi (2011 jyldan bastap). 2009 jyly «Múgedekterge qamqorlyq jasaǵany úshin» atalymy boıynsha «Altyn júrek» («Zolotoe serdtse») syılyǵyna usynylǵan. «Halyq súıiktisi» ulttyq syılyǵynyń laýreaty.

Joǵarǵy sottyń qylmystyq ister jónindegi sot alqasyna Ábdirashıt Júkenov tóraǵa bolyp taǵaıyndaldy.

Ábdirashıt Tólegenuly 1959 jyly Taldyqorǵan oblysynda (qazirgi Almaty oblysy) dúnıege kelgen. S.Kırov atyndaǵy Qazaq memlekettik ýnıversıtetiniń zań fakýltetin bitirgen soń QazSSR Joǵarǵy sotynyń shaǵymdarǵa jaýap berý bóliminiń konsýltanty bolyp istedi.

1987-1988 jyldary – QazSSR Joǵarǵy sotynyń qylmystyq ister jónindegi sot alqasynyń aǵa konsýltanty.

1988-1996 jyldary – Shyǵys Qazaqstan oblystyq sotynyń múshesi, tóraǵa orynbasary jáne QR Joǵarǵy sotynyń múshesi.

1996-2001 jj. – QR Joǵarǵy sotynyń sýdıasy.

2001-2005 jj. – QR Bas prokýrorynyń orynbasary.

2005-2010 jj. – QR Joǵarǵy sotynyń Qylmystyq ister jónindegi alqa tóraǵasy.

2010-2014 jj. – QR Joǵarǵy sotynyń sýdıasy.

2014 jyldyń shildesi men qazany aralyǵynda Qazaqstan Respýblıkasynyń Ekonomıkalyq jáne sybaılas jemqorlyq qylmystarymen kúres agenttigi (qarjy polıtsııasy) tóraǵasynyń orynbasary qyzmetin atqardy.

2014 jyldyń qazanynan 2019 jyldyń shildesine deıin – QR Joǵarǵy Sotynyń sýdıasy.

Beıbit Isabaev QR Prezıdentiniń Parlamenttegi Ókildiginiń basshysy bolyp taǵaıyndaldy.

Osylaısha ol Qazaqstan Respýblıkasynyń Ázerbaıjan Respýblıkasyndaǵy Tótenshe jáne Ókiletti Elshisi qyzmetinen bosatyldy.

Memleket basshysynyń ókimimen Arman Daıyruly Jumabekov Qazaqstan Respýblıkasy Ulttyq ekonomıka mınıstrliginiń jaýapty hatshysy qyzmetine taǵaıyndaldy.

Arman Jumabekov 1973 jyly Aqmola oblysynda dúnıege kelgen. E. Bóketov atyndaǵy Qaraǵandy memlekettik ýnıversıtetin támamdaǵan. Eńbek jolyn 1990 jyly bastaǵan. Túrli jyldary Memlekettik kirister mınıstrliginiń qurylymynda, Premer-Mınıstr Keńsesinde, Prezıdent Ákimshiliginde, sondaı-aq, kommertsııalyq sektorda jumys istegen. 2018 jylǵy mamyrdan bastap 2019 jylǵy naýryzǵa deıin Ulttyq ekonomıka mınıstrliginiń jaýapty hatshysy laýazymyn atqarǵan. Bıylǵy jyldyń sáýirinde Arman Jumabekov Ulttyq ekonomıka birinshi vıtse-mınıstri qyzmetine taǵaıyndalǵan bolatyn.

Memleket basshysynyń taǵy bir Ókimimen Іshki ister mınıstriniń orynbasary qyzmetine Arystanǵanı Zapparov taǵaıyndaldy.

Arystanǵanı Rasylhanuly ál-Farabı atyndaǵy Qazaq ulttyq ýnıversıtetin, Qazaqstan Respýblıkasy Іshki ister mınıstrligi akademııasynyń Zań ınstıtýtyn bitirgen. Іshki ister organdarynda 1993 jyldyń qarasha aıynan beri qyzmet atqarady. Orta jáne joǵarǵy basshylyq quramdaǵy qyzmetterdi atqardy. Jergilikti bólinisterdegi basshylyq qyzmette mol tájirıbesi bar. Ár jyldary Almaty oblysy Polıtsııa departamenti Eńbekshi qazaq aýdanynyń Polıtsııa basqarmasyn, Almaty qalasy Alataý aýdany Polıtsııa basqarmasyn, Aqmola oblysy Polıtsııa departamenti Stepnagorsk qalasy Polıtsııa basqarmasyn basqardy, Aqtóbe oblysy Polıtsııa departamenti bastyǵynyń birinshi orynbasary boldy. 2018 jyldyń qańtar aıynan Qazaqstan Respýblıkasy Іshki ister mınıstrligi Esirtki qylmysyna qarsy is-qımyl departamentiniń bastyǵy qyzmetin atqarady. 2019 jyly sáýir aıynda Qyzylorda oblysy polıtsııa departamentine basshy bolyp taǵaıyndaldy.

QR Prezıdentiniń Jarlyǵymen Barlybaı Kárimuly Sadyqov Qazaqstan Respýblıkasynyń Efıopııa Federatıvtik Demokratııalyq Respýblıkasyndaǵy Tótenshe jáne Ókiletti Elshisi qyzmetine taǵaıyndaldy.

Barlybaı Kárimuly 1964 jyly 25 qyrkúıekte týǵan.

1988 jyly SSSR Qorǵanys mınıstrliginiń Áskerı ınstıtýtyn ýrdý jáne aǵylshyn tili boıynsha aýdarmashy-referent mamandyǵy boıynsha bitirgen.

Dıplomatııalyq mansabyn 1993 jyly Qazaqstan SІM Eýropa jáne Amerıka elderi basqarmasynyń attashesi qyzmetinen bastady.

Ár jyldary Syrtqy ister mınıstrliginiń ortalyq apparatynda jáne elimizdiń Italııa, Shveıtsarııa, AQSh-taǵy shet elderdegi mekemelerinde túrli oryndaýshy jáne basshylyq laýazymdarda qyzmet atqardy.

2013 jyldan 2015 jylǵa deıin QR SІM Erekshe tapsyrmalar jónindegi Elshisi boldy. 2015 jylǵy jeltoqsanda Nıý-Iorkte BUU janyndaǵy Qazaqstannyń Turaqty ókiliniń orynbasary bolyp taǵaıyndaldy.

2018 jylǵy qańtardan bastap Qazaqstannyń Pákistandaǵy Elshisi qyzmetin atqardy.

Barlybaı Kárimuly úılengen, úsh balasy bar. Aǵylshyn jáne ýrdý tilderin erkin meńgergen.

II synypty Tótenshe jáne Ókiletti Ýákil dıplomatııalyq dárejesi bar.

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT