Qazaqstanda alǵash ret jer ýchaskeleri onlaın aýktsıonda satylyp jatyr
2022 jylǵy 29 maýsym 21:44

Qazaqstanda alǵash ret jer ýchaskeleri onlaın aýktsıonda satylyp jatyr

NUR-SULTAN. QazAqparat - Qazaqstanda jer ýchaskelerin onlaın aýktsıon arqyly satý protsesi sátti júzege asyp jatyr, dep habarlaıdy QazAqparat.

QR Tsıfrlyq damý, ınnovatsııalar jáne aeroǵarysh ónerkásibi mınıstrligi «Azamattarǵa arnalǵan úkimet» memlekettik korporatsııasymen, Aýyl sharýashylyǵy, Ádilet mınıstrlikterimen, «Ulttyq aqparattyq tehnologııalar» AQ-men jáne oblystyq ákimdiktermen birlesip, elektrondy saýda-sattyq arqyly memleket menshiginen jer ýchaskesin berý jobasyn iske qosty.

22-24 maýsymda Qyzylorda oblysyndaǵy eki jer ýchaskesi sátti satyldy. Onyń biri bastapqy baǵasy 1,5 mln teńge bolǵan kezde «elektrondy» balǵa arqyly 2,8 mln teńgeden astam qarjyǵa, al ekinshisi 246 myń teńgege, 396 myń teńgege satyldy.

Aqtóbede taǵy úsh jer telimi saýdaǵa shyǵaryldy, aýktsıon 8 shildege belgilendi.

Budan bólek, Almaty oblysynda eki jer ýchaskesin satý josparlanǵan.

Jobanyń maqsaty - klıentter úshin de, memlekettik organdar men vedomstvolar úshin de bıznes-protsesterdiń barlyq spektrin avtomattandyrý.

Bul rette sýbekt óziniń júginý barysyn túpkilikti nátıjege deıin baqylaı alýy tıis.

Saýda-sattyqqa Qazaqstannyń búkil azamattary qatysa alady.

Onlaın-aýtsıon memleketten jer satyp alý protsesin ashyq ári túsinikti etýge, sondaı-aq osy saladaǵy sybaılas jemqorlyq deńgeıin tómendetýge septigin tıgizedi. Atalǵan tájirıbe búkil respýblıka boıynsha taratylady.

Sondaı-aq, «Azamattarǵa arnalǵan úkimet» memlekettik korporatsııasy ákimdiktermen birlesip jyljymaıtyn múliktiń biryńǵaı memlekettik kadastryn engizý jumysymen aınalysyp jatyr.

Memlekettik jer kadastrynyń avtomattandyrylǵan aqparattyq júıesi men «Jyljymaıtyn múlik tirkelimi» memlekettik derekter qorynyń shashyrap jatqan 226 bazasy osynda toǵystyrylǵan.

Jer qory men jyljymaıtyn múlik nysandary týraly aqparatty onlaın jumys isteıtin Jarııa kadastrlyq kartadan alýǵa bolady.

Sondaı-aq, «Azamattarǵa arnalǵan úkimet» memlekettik korporatsııasy jerge ornalastyrý jobasyn ázirleýden bastap quqyqtardy tirkeı otyryp, jer ýchaskesine aktini daıyndaýǵa deıin jer ýchaskesine qajetti qujat aınalymynyń tolyq tsıklin qamtamasyz etedi.

Jer kadastry departamentteri 10 memlekettik qyzmet kórsetedi:

- jer jobalaryn jasaý;

- jer ýchaskeleriniń shekaralaryn belgileý;

- jer ýchaskelerin kóldeneń jáne bıiktikten túsirý;

- aýyl sharýashylyǵy jerlerine túgendeý júrgizý;

- jer ýchaskeleri úshin tólemaqynyń bazalyq stavkalaryn esepteý;

- baǵalaý aımaqtarynyń shekaralaryn qurý;

- búlingen jerlerdi qalpyna keltirý jobalary;

- aerofototúsirilim jumystary;

- kondomınıým obektilerindegi jer ýchaskesiniń úlesin esepteý;

- jer-kadastrlyq qujattardyń kóshirmelerin berý jáne taǵy basqalar.

Sondaı-aq, klıentterge yńǵaıly bolý úshin, jer kadastry boıynsha qyzmet kórsetetin qyzmetkerler burynǵydaı jeke ǵımarattarda emes, HQO-da ornalasqan.


Seriktester jańalyqtary

Jańalyqtar

Úrdis

MURAǴAT