Qazaqstanda alǵash ret kómirsýtek shıkizaty boıynsha elektrondy aýktsıon ótedi

NUR-SULTAN. QazAqparat - Qazaqstanda alǵash ret kómirsýtek shıkizaty boıynsha jer qoınaýyn paıdalaný quqyǵyn berýge arnalǵan elektrondy aýktsıon ótedi, dep habarlaıdy QazAqparat tilshisi.

Jer qoınaýyn paıdalaný quqyǵyn berýge arnalǵan aýktsıon elektrondy aýktsıondar operatorynyń saıtynda ótkiziledi.

«Jer qoınaýyn paıdalaný quqyǵyn berýge arnalǵan elektrondyq aýktsıon 2020 jylǵy 23 jeltoqsanynda bolady. Aýktsıon Nur-Sultan qalasynyń ýaqyty boıynsha saǵat 10:00-den 17:00-ge deıin ótkiziledi. Aýktsıon arqyly 10 ýchaskeni satý josparlanýda», - dep habarlaıdy Energetıka mınıstrliginiń baspasóz qyzmetinen.

Aýktsıonǵa ótinimdi 29 qarashany qosa alǵan merzimge deıin elektrondyq aýktsıondar operatorynyń saıtynda aýktsıonǵa qoıylǵan ýchaskeler boıynsha berýge bolady.