+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qazaqstanda áleýmettik tólem mólsherleri 30 paıyzǵa artady

2019 jylǵy 12 maýsym 16:06
Bólisińiz:
Qazaqstanda áleýmettik tólem mólsherleri 30 paıyzǵa artady

NUR-SULTAN. QazAqparat - Parlament Májilisiniń jalpy otyrysynda «Mindetti áleýmettik saqtandyrý týraly» zań jobasy birinshi oqylymda maquldandy, dep habarlaıdyy QazAqparat tilshisi.

Zań jobasynyń negizgi maqsaty - eńbek ótili men áleýmettik tólem mólsheriniń arasyndaǵy ózara baılanysty kúsheıtý, sondaı-aq 2020 jyldan bastap eńbek etý qabiletinen, asyraýshysynan jáne jumysynan aıyrylýy boıynsha áleýmettik tólem mólsherlerin ortasha eseppen 30 paıyzǵa arttyrýdy qamtamasyz etý.

«Osy maqsattarǵa qol jetkizý úshin zań jobasynda Memlekettik áleýmettik saqtandyrý qorynan tólenetin 3 túrli áleýmettik tólemderdi taǵaıyndaý parametrlerin qaıta qarastyrý kózdelgen. Birinshiden, eńbek ótili 5 jyldan asatyn tólem alýshylar úshin júıege qatysý ótiliniń koeffıtsıentin qaıta qaraý usynylady. Bul koeffıtsıent 3 áleýmettik tólemniń mólsherin aıqyndaý kezinde qoldanylady. Búgingi kúni 5 jyl jáne odan kóp ótili bar azamattar úshin birdeı koeffıtsıent (1,0) qoldanylyp keledi. Osylaısha júıege 5 jyldan kóp qatysqan adamdy yntalandyrý tetigi qarastyrylmaǵan. Júıege neǵurlym kóp qatysýdy yntalandyrý úshin 5 jyldan artyq qatysý ótili bar azamattarǵa árbir eńbek etken tolyq bir jyly úshin koeffıtsıentti 2 paıyzǵa arttyrý usynylady», - dedi Eńbek jáne halyqty áleýmettik qorǵaý mınıstri Berdibek Saparbaev.

Belgili bolǵandaı, 2018 jyly mindetti áleýmettik saqtandyrý júıesine 5 jyldan kóp qatysqan azamattar sany 3,4 mln adamdy nemese qatysýshylardyń jalpy sanynyń (6,1 mln adam) 55 paıyzyn qurady. Sondyqtan, bul ózgeris tólem alýshylarǵa oń áserin tıgizetin bolady.

«Ekinshiden, múgedektigi bar adamdardyń áleýmettik qorǵalý deńgeıin arttyrý maqsatynda eńbek etý qabiletinen aıyrylýy boıynsha áleýmettik tólemniń mólsherin tikeleı medıtsınalyq-áleýmettik saraptama negizinde belgilengen jalpy eńbek etý qabiletinen aıyrylý deńgeıine (30%-dan 100%-ǵa deıin) sáıkes anyqtaý usynylady. Búgingi kúni eńbek etý qabiletinen aıyrylýdyń ortasha koeffıtsıenti qoldanylady, ıaǵnı múgedektigi bar adamdardyń naqty qajettiligi eskerilmeıdi. Zań jobasynda osy máseleni retteý kózdelgen. Máselen, 65 paıyzǵa berilse, koeffıtsıent - 0,65, 80 paıyzǵa - 0,8, al 100 paıyzǵa berilse, koeffıtsıent 1-ge teń bolady», - dedi mınıstr.

«Mysaly, azamattyń ortasha aılyq tabysy 100 myń teńge. Ol 7 jyl jumys istep, áleýmettik aýdarymdary tólengen bolsa, onda eńbek etý qabiletinen 65 paıyzǵa aırylǵan jaǵdaıda, áleýmettik tólemniń mólsheri qoldanystaǵy formýla boıynsha 22 988 teńgeni, al Zań jobasyndaǵy jańa formýla boıynsha 31 080 teńgeni (ósim 35%) quraıdy. Bul tólem Memlekettik áleýmettik saqtandyrý qorynan jumys istep, áleýmettik aýdarymdary tólengen azamattarǵa beriledi. Oǵan qosa, bazalyq deńgeıden múgedektigi boıynsha memlekettik járdemaqy qosa taǵaıyndalady, 2-shi toptaǵy múgedek úshin onyń mólsheri bıylǵy jyly 45 438 teńgeni quraıdy, sonda tólemniń jalpy somasy aıyna 76 518 teńge bolady», - dedi B. Saparbaev.

Ótken jyldyń qorytyndysy boıynsha jalpy eńbek etý qabiletinen aıyrylýy boıynsha áleýmettik tólemdi alýshylar sany 83,1 myń adamdy qamtydy. Tólemniń somasy 12,3 mlrd teńgegege jetti.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT