Jańalyqtar  >
Qazaqstanda aldaǵy on jylda 239 jańa mamandyq paıda bolady
2022 jylǵy 13 tamyz 18:58

Qazaqstanda aldaǵy on jylda 239 jańa mamandyq paıda bolady

NUR-SULTAN. QazAqparat – Eńbek jáne halyqty áleýmettik qorǵaý mınıstrligi usynǵan keshendi josparda aldaǵy 5-10 jylǵa jasalǵan boljamdar bar. Oǵan sáıkes, ekonomıkanyń 9 salasy boıynsha 239 jańa mamandyq paıda bolady, dep habarlaıdy QazAqparat tilshisi Ashyq NQA saıtyna silteme jasap.

«Jańa tehnologııalardyń shyǵý qarqyny artyp keledi. Jasandy ıntellekt, robot qurastyrý sııaqty protsester qoǵam ómiriniń ajyramas bóligine aınaldy. Nátıjesinde eńbek naryǵynda jańa mamandyqtar paıda bolady. Aldyn ala saraptama boıynsha, Qazaqstanda aldaǵy 5-10 jylda ekonomıkanyń 9 salasy boıynsha 239 jańa mamandyq paıda bolamaq. Al, búginde bar 95 mamandyqtyń jumys formaty men baǵyty ózgeredi. Sondaı-aq, eldegi jumys oryndarynyń 52 paıyzy avtomattandyrylady», - delingen vedomstvonyń ǵylymı zertteýge negizdelgen boljamynda.

Quzyrly organ aldyǵy 10 jylda naryqta qajet bolatyn jańa mamandardy daıarlaý úshin jaǵdaı jasalatynyn málim etti. Ol úshin dástúrli bilim berý baǵytyn ózgertip, jastardy zamanaýı tehnologııalar naryǵyna ıkemdeı otyra oqytýdy usynady.

Aıta keteıik, buǵan deıin mınıstrlik elimizdegi 55 jastan asqan áıelderdiń 24 paıyzynyń tabysy joq ekenin málimdep edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT